بسم الله الرحمن الرحيم
السلام عليكم ورحمة الله وبركاته
كيفكم بنات منتدى سيدتي
هذا المنتدى الراقي الرائع
أعجبني جدا طيب نفوس وخلق من فيه
المهم
أنا الآن فجأة وبدون سابق تجهيز جتني سفرة على دبي
وأنا عمري ما طبيت الإمارات ولا عارفة كيف العيشة هناك
ورايحة يومين في ظرف عمل طاريء إن شاء الله يوم السبت هذا 9/1/2016
ودي تسعفوني في ثلاث أشياء:
أولا / العملة من ريال سعودي إلى العملة الإماراتية تقريبا كم
ثانيا / أبي أسماء شقق أو فنادق أو حتى لو استوديو تكون رخيصة ما تتجاوز سعرها 400 ريال سعودي وفي نفس الوقت تكون قريبة من مطار دبي الدولي ومركز دبي التجاري العالمي (مركز دبي العالمي للمؤتمرات و المعارض) لأن هو المكان اللي بيكون شغلي فيه وهذي صورة للموقع اللي لقيتها بالنت
ثالثا / تسعيرة التوصيل بالتاكسي مدة 15 دقيقة مثلا المسافة بين مطار دبي الدولي ومركز دبي التجاري ؟؟
وأكون لكم شااااااااكرة من الأعماق للي يجاوبني ويتفاعل مع موضوعي
انتظر ردكم
رحله ممتعه
اتمنى ان الاخوات يفيدونك
تروحين وتجين بالسلامه يالغلا
بصراحة شقق مفروشة يوجد هاني للشقق الفندقية
مقابل مول الإمارات وسعرها مناسب بحدود 550
ما أعرف إذا تغيرت و في الكراون بلازا سعره أوكي عموماً الأسعار يوم تروحين بنفسك للفندق
تكون أرخص من الأسعار الي في النت
هاذي الأيام الجو حلو هناك مو مثل الصيف
أما بالنسبة لأسعار التكاسي ما أذكر بالضبط بس إنها غالية
مو مثل هنا
والأسعار موحدة تقريباً تكون بحدود 30 ريال إذا كان المشوار ربع ساعة
طبعاً تكاسي المطار بتكون أغلى ممكن تكلف 80 أو 100 ريال
عندك مول ابن بطوطة كثير حلو والوافي سنتر ومول الأمارات وكثير مولات بكل مكان
ميناء السلام فيه جلسات حلوة ومطاعم و الجميرا كلها لا تفوتك
وأتمنى لك رحلة سعيدة 
استفدت الله يعطيكم العافية
لكن تاكسي المطار هذا جب لي أزمة 🙁 والله كثير 80 و 100
طيب سؤال
وأنا ابحث بالنت لقيت شي اسم بر دبي وشي اسمه بر ديرة
يعني هي اسماء أماكن بدبي ولا كيف ؟؟
لأني حجزت شقة في مكان اسمه سوق المرشد وقال لي هو قريب من مطار دبي الدولي مسافة ربع ساعة وإنه ببر ديرة مو ببر دبي
ياليت تفهموني معنى الكلام اللي قاله لي
معليش أزعجتكم
تحياتي معطرة بورودي
طبعاً بر ديرة مو قديمة يعني أثرية لا لا حلوة بعد
بس نسبياً يعتبرونها قديمة
ترجعين بالسلامة
وتروحين وترجعين بالسلامة
الله يجزاكم الجنة