أرجوكم إقرؤا الموضوع وأعطونا الحل -تم الرد 2024.

كيفكم ياحلوييييييين ..

بصراحة وبدون مقدمااااااااااااااااااات ..

أنا تعبت من صديقتي ومني عارفه أوصل معاها لحل يرضيها ..

هيا على علاقة مع ولد جيرانهم من 11 سنة بصراحة علاقتهم جاااااادة

بمعنى الكلمة سواء من ناحية الشاب أو من ناحية صديقتي ..

هو واعدها بالزواج لكن ظروفه المادية ماتسمح بصراحة يادوووووووب

راتبه يمشيه من قسط سيارة وإيجار شقه ومصروف له وللبيت

لأنه عايش لوحده وأمه وأبوه متوفيين ..

هيا عى إستعداد تضحي بكل شئ علشان يتلم شملهم بالحلال

بس بجد ظروفه ما تسمح برغم إنه قبل شهر تقريبا وعدها

يجي ويتقدم لأهلها بس ماتعرف وش سبب التأخير للان ..

رفضت علشانه كثثثثثثثثثثثثثير مستواهم المادي أفضل منه بكثثثير

وأنا دايم أنتقدها في هذا الشئ لأنها بترفض حتى تستقبلهم

بمجرد الإتصال تقول لأهلها أنا ماأبغى أتزوج

وأهلها بصراحة مستحيل يجبروها على شئ ماتبغاه

بحكم إنها دلوعتهم ووحيدتهم ..

بس هيا الحين بتشتكي من تعامله معاها أتغير كثيييييير عن أول

برغم إنها متأكده إنه ما زال يحبها ..

بس مو عارفه ليش أتغير معاها ما صار يسأل عنها ولا يكلمها بالشهور

وإن حصل أتكلم معاها مايقولها كلام حلو زي أول ..

دايم مشغول وزعلان …….

بجد أنا أحترت معاها .. أهلها يمدحو في الشاب وأنا سمعت مدحهم

فيه ومن فترة صارحت أمها بعلاقتهم وقالت إذا أتقدم راح أساعده وأوقف

معاه حالتهم المادية ولله الحمد جدا ممتازة وقالت له يتساعدو وتوقف

معاه بس هو يقول أنا أكون نفسي بصراحة الشاب عنده عزت نفس ..

أرجوكم ساعدوني أنا خايفة عليها إذا أنتظرته أكثر من كذا

تقل فرصتها في الزواج ..

كيف أنصحها ..؟

ماراح اتكلم عن انهاا علاقه محرمة وغيرها لان الكل ما عاد يجهل هالشيء

لكن حبيت اوضح بعض الامور

11 سنة علاقة هذي علاقة قويه جداً ,

بس مافي توافق ابداً بينهم من الناحية المادية

هو فقير وهي غنية

هو عنده عزة نفس قويه

انصح صديقتك أنها تبتعد عنه فترة وفرصة انه ما يكلمها او تغير عليها

إذا شاريها راح يرجع ويتقدم لها وتتركه يكون نفسه بنفسة لانه رجااال

وانصحها ما تبين انها ميته عليه وتبغاه الرجال مهما كان ما يحب المرأة اللي تجري وراءة

خليها تقسى عليه وتشوف النتيجة

طنشها تطنشه ما تكلمه ولا تفكر لا في زواجها منه ولا من غيره تهدئ شوي ولا تضغطي عليها بإنها لازم تتركه وتتزوج غيره

صعب جدا إذا هي تحبه حب حقيقي

خليكِ معها ولا تتركيها ولا لحظة وقولي لها وقت ما تحسي انك تبغي تكلميه كلميني وخليها تفضفض لك واسمعي منها بدون معارضة

حسسيها انك معها وواقفه معها

والله يستر عليها ويهدي بالها ويوفقها لطريق الخير والسعادة

وما في شيء اسمه تقل فرصتها للزواج الزواج قسمة ونصيب