موضوع كثير اعجبني وحبيت انقله لكم لتستفيدو ياملكات ومش مشكله
المتزوجات الثقافه حلووووه……..
مملكة يعني حلالك صح؟
فحطي هالشي ببالك
يعني لا تكونين رسمية وايد…ترى هالفترة فترة الدلع و الدلال والحركات
و لا تكونين جريئة وايد…خلي مفاجآت للزواج
تبين حركات دلع بالتلفون..سهلة تدرين ليش؟؟
لأنج مو قدامه قاعدة و ما بتحسين بخجل وااايد يمنعك من الكلام الحلو …و الشي الثاني انه مو محتاجة تستشورين شعرك و لا تلبسين آخر كشخة ..لأنه بس بالتلفون …فأسهل القصة…
يبغيلها لسان حلو بس
بقولش كم شغلة حاولي تسوينها لما يتصل لج..و كل مرة نوعي …يعني كل مرة يتصل حاولي تطبقين شي من اللي قلته طيب ؟؟؟
اول شي ..القاعدة العامة …الصوت يكون هااااديء بالكلام معه ..و دووم نعومة ..يعني كلامك و نبرة صوتك معاه غير لما تكلمين وحدة من صديقاتك او اهلك عرفتي
و خلي ضحتك دلال …ضحكي بصوت واطي و نعومة …و تدربي على صوت الضحكة بروحج..علشان ما تجي مصطنعة قدامه ..
طيب ؟؟؟
لما يتصل مو على طول تشيلينه
خليه يرن شوي…
و بعدها شيليه و لما يقولك تأخرتي قوليله كنت العب بالتلفون و شفتك ترن و قلبي دق و ارتبكت
بدلال و دلع
و خلي كلمات عمري و قلبي و حياتي على لسانك..هو حلالك
او دلعي اسمه..لوكان محمد قوليله محمدي انا …يوسف ناديه يوسفي انا
أو قوليله يا محمد ….((اسمك ))…
مثلا لما يقول شي ..قوليله حاضر يا محمد سارة مثلا
صدقينه بيخق
الحركة الثانية ..خليه يتكلم و اسكتي و لما يقولج وينج..
قوليله بدلع معاك..بس سرحت بصوتك
أو قوليله فديتك صوتك
او قوليله اقولك بس ما تضحك…كنت افكر بصوتك
واسأليه عن يومه كيف بدلع
مو تقولين شخبارك؟
هذي شخبارك للصديقات و الاخوان
قوليله..عمري شخباره اليوم
شفتي الفرق بطريقة السؤال ؟؟
او حياتي كيف احواله ؟
او حمودها شمسوي ؟؟؟
و اسمعيه و حسسيه انك الصديقة و الاخت و العشيقة…
خليه ما يفضفض الا لك
و سأليه عن تفاصيل يومه..و نصحيه بدلع
مثلا لما يتصل الظهر..قوليله دلعي تغدى او لا
و الصبح طرشي له مسج مثلا قوليله..غلاها لازم يترق..علشان فيه ناسات يخافون على صحته …
و لما تحسينه زعلان..و مو عادته بالكلام ((لاسمح الله ))قوليله الغلا مبوز اليوم ليش؟؟ ترى الدنيا كلها كشرت علشانه
و حاولي تفهمين شنو مشاكله و تدورين معاه حلول
و قوليله ابتسم..ترى بسمتك احلى..حتى شوف بالمنظرة
و لما يدق و يقول انا متزكم او مريض لا سمح الله..
قوليله فديت روحك يا كلي انا…
كنت حاسة قلبي مقبوض..الحين عرفت ليش
أرتاح لا تتحرك…اجيك احس حراتك و اسوي لك شوربة..و اعطيك كاسة حليب ..
و كل شوية طرشي له اخذت بندول عمري..رحت الطبيب حياتي ..تدفى تمام عن البرد
حتى لو بس صداع…دلللييييييييييييييييييييله
و خليه يموووت فيكي
عرفتي كيف ؟؟
و ناقشيه بأشياء تخصك و تهوسه..
مثلا قوليله..عمري انا اليوم رايحة اتسوق…تمنيك تختار معاي
او قوليله شنو تحب الوان البسها لك
او قوليله عمري خاطري اغير لوكي..شرايك؟
شنو تقترح و شنو تحب اسوي لك؟؟
و تدللي و هو يكلمك ..لما يتكلم بموضوع قوليله بدلع..يووه غرتي طولانه..او شعري مضايقني ..يصير اقصر منه شويونة؟؟
و دايما خلي القياسات ترجع له..مثلا قوليله بقص شعري بس شويونة ..قد نص صبعة الصغيرون حببي ..
و اسأليه كم سانتي طول اصبعك
خليه مثل الطفل يطالع اصبعه و دوخيه
و امدحي ضحته لما يضحك..قوليله فديت ضحكتهم يا ناس
و اسأليه عن تفاصيله و تدللي ..مثلا قوليله عمري خاطري تسوي سكسوكة ..تجرب تسويها على شاني ؟
و لو قال لا..قوليله جرب مرة و لو مو حلوة تعال اضربني
او قوليله حياتي شعرك كأنه طولان شوية ..تروح الحلاق بكرة و تقصره ..و ترسلي له مسج قبل ما تروح و بعد ما تخلص حياتي
و لما ترسلي..قوليله..طيب قول للحلاق بشويش على شعرك..بشويش ترى اموت فيه
و لما يخلص قوليه بمسج..نعيما يا القمر نعيما
هذي الاشياء سهلة ..و تخليه بينك و بينه رابطة
و تخليكي بنظره دلوعته و حبيبته و حياته
وممكن ترسلي له عن طريق الاميل هذي الرساله
تننزليه له مقطع مقطع:
كن معي
كن معي .. اغمرني بك
لا يكفيني منك كلمة او نظرة
اريدك معي تجول روحي مع روحك
نداعب بعضنا البعض
كن معي
عند الغروب
نرسم على الشفق لوحة محاطة بقلب
اصل اسمك باسمي من خيوط الليل المنسدله
اكتب لك عليه اشتياق لك
كن معي
كحبات الرمال نتطاير مع الرياح
نسقط تارة ونعاود الطيران
نلتصق مع زخات المطر
ونسافر مع نسائم الصباح
نسيح في الفضاء دون ان يعوقنا احد
كن معي
لنكن كعبق الأزهار
وجودنا يفوح شذا من الحب
نعطر من حولنا ونرسم على وجههم لوحات من صدق المشاعر
كن معي
فالكون بك نجوم تتلىء لىء
ونور الشمس خيوط تتراقص
كن معي لنبعث نور حبنا للقمر
ليضيء حباُ لا نوراً
لنغمر العالم بالحب
ونقتل الكره في قلوب الناس
كن معي
فروحي معلقة بروحك وحياتي اصبحت لديك
كن معي لنعيش جسدا واحد وروح واحده
فلا نفترق ابدا
كن معي دائما وابدا ولا تتركني
الموضوع منقوووول
الله يوفقكم
نقل راااااااااااااااائع
سلمت اناااااااااااااااملك
موضوعك مايفيد الملكات بس
افيدنا حتى احنا المتزوجااااات
صدقووووني يا بناااات اذا طبقتو
ها الامور با الحرف الواحد زووجك
راح يتخبل عليك و على رجعته للبيت
بس يبغى يشووووووووفك و يرتمي بحضنك
الله يسعدنا و يسعدكم و يرزق العازبات با الزوج الصالح
سلمت يدك حبيبتي