أم زوجي واتهاماتها لامي بالسحر مجابة 2024.

السلام عليكم ورحمة الله وبركاته
اخواتي انا اعيش بهم مايعلم به الا الله
وحابه افضفض يمكن ارتاح شوي
بتكلم عن نفسي انا أمراءه متزوجه من اولى ثنوي يعني صار لي ألحين 5سنوات تقريبا
صار عمري 21 سنه وزوجي اكبر مني بعشر سنوات بالضبط كنت احلم قبل ما أتزوج بأني اصير دكتوره ودخلت علمي واجتهدت وامي وابوي كانوا يشجعوني ويودوني دروس خاصه للمواد الصعبه المهم انخطبت في بدايه اولى ثنوي وتزوجت لما خلصته
زوجي عارف اني ادرس وماتكلم بخصوص دراستي واهلي بعد ماتكلموا في الموضوع هذا لما دخلت ثاني ثنوي وانا متزوجه زوجي صار ثقيل دم وغير عن بدايه الزواج وجلس يعايرني ويتمنن بالغداء اللي يجيبه من المطعم كل شوي يقول شوفي زوجة اخوي تطبخ لأخوي وشوفي اختي وشوفي امي يجلسون ويطبخون الغداء وانتي من الصبح طالعه لين الظهر وانا كل يوم اخسر على مطاعم اجيب لك غداء وطبعا امه ماقصرت عرضت عليه انها بتزيد الاكل وبتعطينا غداء وانا عادي عندي الوضع اذا جابت غداء اخذته منها وقلت لها يعطيك العافيه واذا طبخت عشاء انزل واعطيها منه
تعاملت معاها كأنها امي لحد ماسمعت من الجيران اللي هنا يقولون لأمي
ليش بنتك ماتطبخ وخالتها ام زوجها تعبت من خدمتها تغديها وتعشيها لمتى حرام هذي مراءه كبيره وعورت قلوبنا واهي تشتكي تتخيلون يابنات انشرت في كل بيوت الجيران انها تخدمني وانا قليلة ادب ما احترمها اكل وامش ايدي بالطوفه طبعا انا كنت اسوي له فطور قبل لا أروح المدرسه وبالليل اسوي عشاء يعني بس الغداء اللي مااسويه الممهم كلمته بالموضوع وقلت لاتجيب غداء من امك انا ادبر نفسي لما ارجع رفض وقال لا امي بتطبخ وقلت له السبب ان امك تتشكى انها تعبت من خدمتنا كل يوم تجيب غداء تخيلوا ماصدق وقالي اصلا امي اهي كل يوم تطبخ وبس صارت تزيد لنا يعني ماتعبناها واللي قالت الكلام كذابه المهم قلت له خلاص غداء لاتجيب وصارزعل بينا على هالموضوع اهو مصر ناكل من عند امه وانا رافضه آكل منها لحدماكرهوني في المدرسه صرت مااهتم لا أذاكر ولا احل واجباتي ولا شي بس تفكيري بالمشاكل لحد مافكرت اني احول منازل عشان اطبخ له وارضيه واسد حلجه وحلج امه امي رفضت اني احول منازل وكلمت زوجي وقالت له ان الغداء
اهي بتجيبه بس اهم شي اكمل دراستي وصار اخوي يوميا يجيب الغداء لحد الباب وانا انزل واخذه منه لحدمازوجي تغير وصار يقولي كل يوم بوديك تتغدين عند اهلك سألت ليش قالي عادي ومادري ايش
المهم بعد فتره قالت لي زوجة حماي ان خالتي تقول ان أمي ساحره وتحط سحر بالغداء والدليل ان زوجي مايرد لي طلب ويمدحني ويمدح طبخ امي
وبعدها عرفت انا عايشه مع منوا عايشه مع ناس خبثاء يضحكون ويسولفون معاي ويشيشون زوجي من وراي وبدون سبب ماسويت لهم شي عشان يسوون كل هذا يفترون على امي بالسحر مره وحده
في هالفتره حملت وخذيتها حجه.وحولت منازل لان حياتي صارت كلها مشاكل
ويوم قربت الامتحانات زوجي منعني اروح امتحن عشان البيبي لايصير فيه شي المهم ضاعت السنه وضاعت اللي بعدها وانا جالسه في الشقه انظف واطبخ وبعدها لزمت اني اروح اكمل ورحت ورجعت المشاكل كملت ثنويه وقدمت بالجامعه وانقبلت وصارت مشاكل زوجي رافض شلون ببدأ مشوار دراسه مره ثانيه وانا كنت مصره واترجيته ووافق ومجرد مارحت بدأات المشاكل شلون تتركين بنتك للعصر وشلون وشلون……
داومت ترم واحد وبعدها صارت مشكله تافهه بينا وادخلت امه الله لايسامحها وطردتني من البيت وصرت في بيت اهلي ثلاث اشهر في هالفتره قدمت اعتذار لان نفسيتي زفت لحد مازوجي جئ واعتذر ورجعت معاه والله كتب وحملت وانا كنت استخدم مانع بس سبحان الله قادر على كل شي ألحين انا لي شهرين حامل وام زوجي مبتديه تسأل عن الجامعه تسأل متى الدوامات وتاخذ من زوجي اخبار ومن عرفت اني حامل مكثره اسأله تغديتوا لاني ماشميت ريحة طبخ…….
وين رايحين من وين جايين والله تعبت كافي علي ساكنه فوقها لاباب خارجي وحتى الدرج مشترك وتتدخل بكل صغيره وكبيره حتى اهلي ما اقدر اعزمهم حياتي هم في هم وفوق هذا تبي تتدخل بمستقبلي كمان
مو عارفه شسوي
انا عارفه ام زوجي انها تشيش زوجي علي وخصوصا في الدراسه دايما تبي تحسسه انه مهمول وماحد طبخ له وماحد مهتم فيه واهو على طول يتنرفز ويطلع حرته فيني مافي جامعه وتجلسين في البيت تكلمت كثير ولو فيه مجال تكلمت اكثر
اتمنى القى حل او شي يساعدني

روحي بيت اهلك الى ماتخلصي الدراسة لو اعتذر لك وحتى لو حب يدك لاتروحي عنده ..