ابنتي سنه ونصف إلى الآن ما جلست !!!! 2024.

السلام عليكم ورحمة الله وبركاته
صباح الخير للجميع

انا رزقت بمولودة بسم الله ما شاء الله عليه
وسميتها اديم ..

وولدت على سبعة أشهر عملية قيصرية
والبنت جلست في الحضانة شهر كامل .. وكانت عند ولادتها شاربه من دم المشيمه ..

وبعد ما طلعتها من الحضانة البنت طبيعية جدا وكان معها مغص وكانت تبكي مني طول الليل والنهار

وذهبت بها للمستشفيات والمستوصفات وعطوني علاجات لكن كلها مانفعت ..

وذهبت فيها للأدرن لدكتور في إربد اسمه / عبدالحفيظ المومني
وعطاني علاج وقالي عطيها 5 نقط يوميا .. وهو عبارة عن بكتيريا نافعه

وبعدها البنت صار ترتاح جدا وصارت تنام 100% ..

وبعد تقريبا 10 أيام من استخدام العلاج اصابها امساك شديد ..

فاتصلت على الدكتور وقال اقطعي العلاج وبعد فترة رجعية ..

ومارجعت العلاج وهي إلا لآن الإمساك معها .. وهي عمرها سنه ونصف ..

وكانت في الأول صحتها ممتازه جدا ..

وبدات البنت في النحف الشديد .. حتى اللي صار يشوفها تشق عليه كثير .. مع اني كل اكل تاكله ..

نأتي للمهم ..

وصار عمرها 9 شهور ولا جلست ولا صار معها تطورات ابدا ..

ولما وصل عمرها 11 شهر بدأت تقلب .. وصار تقلب على بطنها ..

ولما صار عمرها تقريبا سنه وشهرين لم تتطور حالتها أبدا ..

فذهبت بها إلى الأردن لدكتور اسمه / فواز حامد في الزرقاء ..

فحص عليها وقال ما فيها شي البنت ابدا هذا ما يسمى تأخر نمو
وعلشان نتأكد الابد من تحليها وعمل اشعة مقطعية لها ..

وفعلا عملت لها مقطعية وعملت لها تحاليل

لما شاف التحاليل قال مافيه اي شي طبيعية البنت

ولما شاف المقطعية قال فيها ضمور في الدماغ متوسط ومأثر على منطقة الحركة ..

انا اندهشت …………….؟ كيف يادكتور ..

قال الحضانه مأثره عليها وصار معها نقص اكسجين

وعطاني علاج اسمه سوموزينا .. وقالي استمري كل يوم مل لمدة شهر ..

وبعد الله ثم العلاج صار فيها تحسن من ناحية انها لما اجي اوقفها بتوقف معي اول ماكانت تقدر

بس انا اخذت الأشعة لبرفسور في طب الأطفال عراقي في الأردن

قالي الدماغ مافيه شي ابدا

ووذهبت بها لدكتور آخر قالي نفس الكلام .. مافيها شي

والآن البنت صار عمرها سنه وسبع شهور وهي ما تجلس ولا تحبي ولا تمشي ..

ما ادري هل اكمل مع الدكتور اللي قالي معها ضمور .. ولا اروح لدكتور آخر ولا وش اسوي ..

انا ماني شايفه البنت فيها شي من ناحية التفكر والنطق

نطقها سليم وذكية ما شاء الله عليها والأسنان كلها طالعه باقي بس الضروس

يعني البنت طبيعية جدا جدا مافيها شي ابدا

بس المشكلة في الجلوس والمشي ..

يعني لما اجي اجلسها ما تجلس إلا لما يكون فيه شي ماسك ظهرها ولا بتطيح على طول