اخشى ان يعاقبني الله بسببها المسكينة مجابة 2024.

شوفي حبيبي انا اكبر من بنتك دي تقريبا بسنه او سنتين وصراحه انا زيها في صفة البرود والبطء تماما وتعامل ماما معايه نفس تعاملك انتي ويمكن اشد قسوة تضرب على طول وهو مش حل لانه يعقد البنت ويخليها بعيده عنك وماتحب تشكيلك واذا حصلها مشكله مارح تجيكي تشكيلك ابدا الا في المشاكل العاديه ممكن بس صدقيني رح تخسري بنتك بالتصرف دا زي انا صراحه ما احب امي ابدا ولا احب ناقشها وعنادي كل مالو يزيد كل ما وبختني استفزها اكثر بالبرود بس من دون ما اوضح اني استفزها نصيحه خليكي صديقه لبنتك ولا تخسريها عامليها بلطف وكوني جنبها على طول وتذكري مافي انسان كامل لازم يكون له عيوب

احنا اش نبغى بحب الام من ورانا نبغاها في التعامل والكلام الحلو كمان اش رح استفيد واش ابغى من حبك من ورايه

دايما اقول ل ماما مو انتي حملتي فيني تسع شهور وتعبتي خلاص كملي الجميل ولا تخربيها كلميني بالطيب والحنيه اكسبيني اش تبغي فييني بعدين

اكسبو بناتكم يا هووووووه وحبوهم من قدامهم ومن وراهم مش من ورا بس اش نبغى بالحب من ورا وقدامنا توبيخ وضرب وووو…….الخ

مافي اجمل من انو البنت تكون صديقة امها