السلام عليكم
ارجوكم يالاداره نزلوا موضوعي فأنا جداً محتاجتكم بعد الله دموعي تتقاطر وانا اكتب لانني تعبت وانا ابحث عن حل
بنات ارجوكم تفهموا حالتي التي صعبت علي والله
حاولت اتواصل مع طارق الحبيب وكثير اطباء وكثير دكاتره في التنميه البشريه بس ماقدرت قلت مالي الا هالمنتدى بعد الله انا ابي اتغير ابي اكون انسانه ثانيه ابي تتغير طبعي واسلوبي وصفاتي كيف ؟؟ انا طيبه جداً درجه السذاجه ولا لي رأي ودائماً متردده اي أحد يستشيرني في موضوع مااقدر اعطيه رأي لازم ادور واتفلسف .. واتأثر بكلام الناس مثلاً لو عندي رأي وسمعت رأي احد غيري علطول اغير رأيي وانا ماني واثقه من نفسي قرأت كتب كثير وحاولت اغير من نفسي بس ماقدرت صرت مزاجيه مره اتعامل مع الي حولي على اساس اني قويه وجريئه شوي ارجع لطبعي اصير طيبه والكل يستهين فيني ولايعبرني واخر من يسمع رأيها انا انا شبه مهمشه بسبب شخصيتي المهزوزه المضطربه القلقه المتردده بنات يمكن اقدر اتعايش مع وضعي الحين بس خايفه من بكرى وربي هذا تفكيري كيف بعيش مع زوج يبي امرأه قويه عنده سداد في الرأي وعندها استشاره وتعرف تدير امور حياتها كيييف وانا عكس هذا كله ماعندي مبادئ بالكلام ولا السكوت ماعرف متى اسكت او متى اتكلم او متى امزح دايم اشوف الي حولي واتأثر بهم واقلدهم مثل الهبلا وربي كثير اسمع من الناس يقولون اوووف انتي طفل ماتعرفين تتكلمين او انتي طفل ماتعرفين تردين على الناس وربي وش اسوي حااولت اقرأ كتب واحاول بقدر المستطاع اختلط مع الناس معن الاغلب يقول كل من يشوفك يعرف انك جريئه بس انا من داخل فااارغه ماعندي كيد ولا عرف اقول كلمتين على بعض وربي وربي اتعرف على بنات اشوفهم يعجبون بشخصيتي من بعيد بس بعد مايعرفوني عن قرب وياخذون وقت معي فجأه يملون مني ويتغيرون معي واشوفهم يتهربون مني وربكم اكثر من 15 رقم بجوالي من صديقاتي ولا وحده تراسلني انا اراسلهم اتكلم معهم يكلموني برسميه وبعدها ينقطعون مبين مالين مني لاني شخصيه مضطربه وقلقه ومتردده ماعندي كلام ماعرف اسولف واي شي يقولونه اقول ايه ايه ماعمري عارضت او قلت لا او ناقشت ينطبق المثل علي ((مع الخيل ياشقراء)) طيب هذولي صديقات يروحون يجون غيرهم ..طيب يكرى لاتزوجت زوج يجلس معي طول العمر وش اسوي ؟؟ بيمل ويتزوج ولا يستهين في شخصيتي انا نفسي اكون قويه الكل يهابها وبنفس الوقت فيني حنيه وطيبه افتح برامج طارق الحبيب عن الشخصيات احاول افهم نفسي واحاول اغير من نفسي بس صرت مزاجيه ومتقلبه كل يوم على شكل وعلى فكره انا انسانه عجوله ومتوتره ودايم اهز رجولي لما اتكلم او العب بشعري وانا استمع لاحد او اتكلم واتوتر بسرعه ولما احد يكلمني مااركز معه يمكن عشان كذا مااعرف اتكلم لاني مااركز مع احد والله يابنات جلست سنه وانا الان في السنه الثانيه وانا من كتاب لكتاب ومن دكتور لدكتور اتابع في التلفزيون عشان بغير من اسلوبي وطبعي بروح لدكتور نفسي بس الظروف ماتسمح لي
ماهي سياستكن بالكلام والردود مع الناس سواءً كان الشخص مازح او جدي او فضولي سؤاله ؟؟
ماهي مبادئكن في الحياة ؟؟
كيف تتعاملين مع الاشخاص الي ينتقدك ؟؟
كيف اكون شخصيه مستقله بتفكيري ورأيي ووجه نظري ؟؟
كيف اكون شخصيه قويه ماتتأثر برأي احد او كلام احد ؟؟
كيف اكون شخصيه مرغوبه والكل يرغب بي ؟؟
احياناً اقول الصمت يوحي لناس انني غامضه فأصمت في جميع الجلسات التي اجلسها واحياناً اقول الجرأه والصوت الشبه عال يوحي لهم انني جريئه وقويه وبعدها اقول احياناً الاجابات المختصره وشبه السكوت والكلام الرسمي يوحي لهم انني غامضه ؟؟
تعبت كل يوم في اسلوب جديد وشكل مختلف كل هذا اريد ان اكون شخصيه جميله محترمه الكل يرغب بها
تعبت كل يوم ارى نفسي اطيح من اعين الناس من اخوتي واهلي واقاربي وجمعات البنات نتيجه كلامي المتردد كلامي الغير موثوق من يسمع مني لابد ان يسمع من غيري مرة اخرى لانهم لايثقون بكلامي معني على صدق لكن شخصيتي توحي لهم بأن كلامي ليس على ثقه متردده في طرح رأيي ووجه نظري خوفاً من معارضاتهم وخوفاً من ان يكون رأيي مهمش لااحد يسمع له حتى او ابديت رأيي
اريدكم ان تثمروني بحلول كيف اغير شخصيتي للأفضل تعبت من هروب الناس مني وتصدد الكل عني مع العلم عمري 25 الكل يقول عني طفله في تصرفاتي لاعرف اتصرف ولا اعرف اخطط وادبر واكسب صداقه ولا عرف كيف اجعل الصداقه تدوم طويلاً مع العلم انا كما انا من يتعرف علي لااتغير ابداً فقط للأفضل لكن كل من يتقرب لي ويتعمق في شخصيتي يجد انني طفله بتصرفاتي وكلامي وردودي حتى والله ليس لدي ردات فعل واقسم لكم اي انسان يتكلم معي لاعطيه الحماس حتى يكمل كلامه كأنهم يتكلمون مع جماد ليس لي ردات فعل احاول لكن بتصنع ويتضح لهم بعد ان يتعمقوا في شخصيتي يعرفوني ويبدأون في التاهون معي وتقليل اهميتي وعدم تعبري وبعدها يتعرفون مع غيري واذا وجدوني بادلوني السلام فقط لانهم كانوا يعرفوني ؟؟!! واقسم بالله احياناً ابكي لماذا انا هكذا كأني ولدت منذ فتره على هذي الدنيا كأني لم اعش 25 سنه في هذي الحياة ليس عندي حكمه في تصرفاتي حتى لو احد يطلب مني النصحيه لاعرف كيف انصح الخبط كلامي والمحتاج يخرج مني بِلا نتيجه ولسان حاله يقول ((ليتني لم اطلب منها نصيحه )) انا اتغير لكن فتره وارجع كما كنت والله احياناً اقول اين انا طول فتره 25 سنه اين تفكيري وكيف لااتعلم التصرف مع ضغوطات الحياة وكيف اتعامل مع العصبي والمزاجي وكيف اتعامل مع من حولي دائماً انا اتبع من حولي ولا اذكر مره اصبحت قائده ؟؟ اريد حلاً كيف اصبح شخصيه ولي كاريزما خاصه لدي ؟؟
في مجلس نساء متى يحق لي الكلام ومتى اسكت؟؟
اي احد يسألي عن اي شي كيف اجاوبه ماهي طريقه جوابي ؟؟ هل ارد علطول هل اعطيه الجواب الكافي لكن بعضهم يريد الفضول هل اعطيه الجواب ؟؟ ام كيف؟؟ وهل اجاوب بسرعه وبجرأه ام بهدوء ؟؟
احياناً الاطفال يتكلمون معي لااعرف ان ارد عليهم بعضهم جريئ وصعب اتكلم معه لانه سيحرجني امام الملأ..!!
اريد سياسه في الكلام اتبعها؟؟
اريد اسلوب في الحياة امشي عليه ؟؟
اريد طريقه في التعامل مع الغير كائنً من كان ؟؟
اريد كتاباً يتكلم عن حالتي وطريقه العلاج والخلاص منها ؟؟
اريد كلاماً يغيرني ويجعل شخصيتي شخصية امرأه ثقيله متزنه شخصيه بلا توتر ولا قلق ولا اضطراب ولا تشتت انتباه ..اريد شخصيه غامضه والكل يريد التعرف عليها ويعرف غموضها ..!! اريد ان اصبح قويه واودع طيبه القلب التي جعلتني مهانه ومهمشه من قِبل الكل
والله كلامي ملخبط بس والله مالي غيركم اشكي له الحال
شكيت الحال لصديقه مقربه جداً جداً طحت من عينها وكسرت خاطرها وبعد فتره رأتني انني لااصلح لصداقه وتركتني وتجاهلت اتصالتي منذُ سنه وتجاهلت رسائلي وبعدها عرفت ان مو كل شخص تشكي له الحال بعضهم تتغير في نظره ويتركك او بمعنى اصح يمل منك ويبتعد عنك ولا يتركك
ارجوكم لااحد ينتقدني لانني الى الان وانا احس بنفسي تائهه في هذي الحياة رفضت الزواج لانني الى الان لم ينضج عقلي وفكري وتفكيري والله دايماً لما اذهب الى عزومه عشاء اذهب للأطفال واحاول ان الاعبهم واصورهم واريهم الجوال والصوره لانني اجدهم يعطوني وجه اكثر من غيرهم
ارجوكم اريد ان اتغير واجلس مع النساء التي اكبر مني واتكلم واتحدث بطلاقه واناقش واعطي رأيي ووجه نظري
ارجوكم لااحد يسئ الرد لانني لاتحمل فأنا حساسه وتائهه ارجوكم قولوا ماهي افكاركم ماهو طريقه تفكيركم ماهي اسلوبكم بالحياة ماهي سياستك مع الناس والاقارب والكل وكيف تغيرون طبع فيكم لايجوز لكم ماهي طريقتكم ؟؟
ارجو منكم الرد فأنا على هذا الحال منذُ 5سنوات وحاولت ابدأ بعلاج نفسي منذُ سنتين
كتاب: كيف تكسب الناس د / مازن الفريح
كتب مفيده بتساعدك كثييير لو قريتيها بها كل الكلام
والنصح اللي تحتاجينه بهالموضوع اختي
ويشرفني نكون صديقات واي شيء تبينه ارسلي خاص