فيدونى فى علاج التشوهات الحيوانات المنوية 
السلام عليكم يا بنات اتمنى انكم تفيدونى انا متزوجة من سبع شهور تقريبا
ولسة ما حملتش رحت للدكتور طلب منى تحاليل وعملتها وطلعت عندى تبويض ضعيف وطلب تحليل لزوجى طلع كل شئ فيه تمام والعدد كبير اكتر من 100 مليون والحركة كويسة وكله تمام الا التشوهات بس نسبتها 94.4 %والسليم 5.6 %ومكتوب فى التحليل ان النسبة المقبوله اكبر من 4 %
انا اخدت دوا شهرين كلوميد فى الاول وبعدين حقن مينورال وبعدين كوريمون
والشهر التانى اخدت فوستيمون على طول من غير برشام كلوميد وحقنة التفجيرية كوريمون وبس
وجوزى الدكتور كتبلو على دوا لمدة تلات شهور ال كارنيتين وسيلينيوم اية سى اى . فانا مش عارفة ها كده علاج كويس ولا مفيش علاج للحالة اللى زى كده
فياريت حد يفيدنى
لانى خيفة جدا والله ونفسى فو ذرية ربنا يكرمنى بيها
انا عملت خلطة عند بتاع العسل كمان مكونة من جينسنج وحبوب لقاح وحبة البركة وحبوب لقاح قريت عنها على النت ياترى دى ممكن يكون لها تاثير ؟
ياريتتتتتتتتتتتتتتت تفيدونى بالررووود
عشان خاطرى
وشكرا
انا نفسى يكون فى حمل طبيعى ياترى ممكن يحصل ولا لازم تلقيح صناعى ووسائل مساعدة
ادعولى ربنا يكرمنى ويكرم كل بنت زى يارب امين
اللهم لا تذرنى فردا وانت خير الوارثيين
يارب يكون كلامك صح