اول شي ابي اشكر المنتدى على هذه الصفحه
ومشكلتي باختصار صبرت على زوجي الخاين بحكم انه قريبي
وقلت يمكن الله يهديه وبنتي مريضه سكر خفت على نفسيتها
وتخيلو بعد صبر تسع سنوات عذاب يابنات منو تصبر على هجران زوجها لها
وحرمانها من حقوقها الشرعيه المهم كل هذا والحين يبي يتزوج تدرون ليه حبيبته تزوجت
وتحطم مع العلم انه هاجرني من ثلاا سنوات ونصف مادري مو مستوعبه اللي صاير
لا ماتصدقون من الصدمه قلت له تزوج انا ماعندي مشكله بيت اهلي موجود
بس والله يابنات اني احس بغصه بداخلي ضاع عمرى ومرضني انا عندي غولون عصبي بسبت قهري وحزني انا كتومه ابيكم تفيدوني واسالوني تكفون انا قاعده اكتب كتابه عشوائيه انا موقادره اشوف الكيبورد عيوني كلها دموع عازه علي نفسي فيدوني افادكم الله انا قلت له بمجرد انه ياكد زواجه يطلقني افيدوني ياحبايبي
تذكري قول سيدنا الكريم
بس ليش حبيبتي صبرتي 3 سنين ونصف هجران
من الاول لما وصل الامر لشهرين او 3 شهور وحتى اربعة شهور هجران كنتي فكيتي القنبلة وكنتي عرفتي انه فيه شيء غلط بالموضوع
صحيح الرجل يخون زوجته ويعمل بلاوي بس من مدة لمدة يرجع لزوجته مش يهجرها وللصبر حدود
الله يعينك على الي انتي فيه واحسن شيء تخبري اهلك بالموضوع وموضوع الهجران عشان يعرفوا انك صبرتي 3 سنين وان شاء الله البنات يفيدونك
الله يكون معاك بكل خطوة
والله مدري شقولج ان شاء الله صآحبآت الخبره يفيدونج اكثر
انتي احتسبي الاجر يااختي وسبحآنه مايضيع حق حد في الاخره حتي لو ضآع في الدنيآ
والله يهدي زوجج ويصلح حاله ويسخر قلبه لج
(اكثري من الاستغفآر فكم هم فرج بكثره الاستغآر )
والله يكون بعووونج ويكتب لج الي فيه الخير
مووفقه خيتوو
وماتزعلي مني لو إنك سجدتي لربي ودعيتي وإنتي تبكي كان أفضلك
وانصحك بهذا الدعاء
اللهم يامن خلقتني أسألك أن تفرج همي وغمي لا إله إلا انت سبحانك إني كنت من الظالمين أسألك أن تجعل لهذا العسري يسرى وأسألك ياهادي العباد أن تهدي زوجي لصراط المستقيم وتجعله من التوابين والصالحين والخاشعين وإحفظني وإحفظ ذريتي من كل شيطان رجيم ادعي وانتي مؤقنه بالاجابه ………. الله يفرجها عليك وعلى كل المسلمين
انا عندي هم ولكن لقيت ان الفضفضه على سجادتي افضل وان شاء الله تتحقق امانينا ويرزقني ربي الحمل السليم عاااااااااااااجل