قصيده رائعه ..للشاعر سعد الشعيفان العمور الدوسري
أترككم للاستمتاع والابحار في ابياتها ..
النور غاب وجاب سرباله الليل
وطيار ابو منذر على الغيم علا
على يمينه فوقنا الجدي وسهيل
وعلى يساره تحت ساحل مانيلا
يمخر عباب الجو ميل ورى ميل
هد الجناح ومن قيوده تخلى
الجو صافي والسما مثل الاكليل
كن الجواهر من عنانه تدلى
لوحة بها اتقان عبرة وتدليل
في روعته رب الجلاله تجلى
بلحظة تأمل عدت للخلـف بالحيـل
وشريط عمري صرت فيه أتسلـى
رجعت للماضي بعبـرة و تحليـل
وبعثرت باللي مـن سنينـي تولـى
عام ورى عام و جيـل بعـد جيـل
فيها مـن العلقـم و فيهـا المحـلا
فيها خذيت من الهنا وافـي الكيـل
وفيها (زمان الحظ) عنـي تخلـى
أحيان بالعالي و نشـرب شخاليـل
ونشم من صافي الهواء مـا تعلـى
واحيان بالوادي على مجرف السيل
لا قلت: لالا … جاوب الوقت: الا
فيها الصديق اللي على العدل والميل
وفيها صديق وقت الازمـات خـلاّ
وفيها انتهازي عاش بالقال و القيـل
لا رحت سب واليا التقا فيك هـلاّ
ان كنت ترجي كل دربك تساهيل
رايك سديد وراي غيرك يخلا
ان هي صفت كل الرفاقة لك تميل
وان هي جفت أقرب قريب يتخلى
| النور غاب وجاب سرباله الليل وطيار ابو منذر على الغيم علا على يمينه فوقنا الجدي وسهيل |
انتقاء رائع يابنت السحاب يعطيك العافية
وصح لسان الشاعر / سعد الشعيفان
راق لي اختيارك وتستحقين تقييم ..
*****
وبآي قلم تكتبين
كتبتي جماال الاحاآآسيس
وروعة آآلمشآآعر
يسلم احسآآسكـ
ودآآمت انفآآسكـ
لكـ محبتي واحترامي
لك وافر المنى والامتنان