السلام عليكم ورحمة الله وبركاته
قبل فترة اتصلت وحده تخطب اختي وتقول مادحينكم لنا ونبي نشوفكم طبعا تخطب اختي اللي اكبر مني ولكن رفضت اختي ماتبي تتزوج فقالت امي تبينه يا فلانه قلت بستأذن من اختي واستأذنت منها ووافقت وسألتها فوق اربع مرات ففترات متفاوته وتقولي انا رافضة مابيه قلت لامي خلاص انا مناسبني مبدئيا حياهم الله قالت تجهزي المهم عرفت اختي الكبيرة وهي مطلقة بالموضوع وزعلت علي وجلست تصارخ على اختي وتقنعها بموضوع الزواج وان فلانه اللي هي انا لو تزوجته بنصير شغالات عندها قلت تراني اختك ماراح يروح لغريب هالخطيب قامت تضحك وقالت انتي فيك م… تخيلوا في اخت تقول كذا !!
بعدين قلت لها الله لا يبيحك ورحت عنهم وامس اتصل علي ابوي قال ان اختك رافضة واطلعي الولد اعرفه وزين قلت اخاف يتضايقون او يزعلون مني قالي ماعليك منهم قلت ابشر وتعدلت ولبست وجت الحرمه ام الخطيب ودخلت عليها سلمت وقعدنا نسولف الا شوي وتسأل عن اختي وينها نبي نشوفها والله يا بنات زي الموية الباردة انكبت علي طلعت امي ماقالت للحرمه ان فلانه رافضة واختها موافقة اذا تبون ولا استحملت اقعد درت بصينية الحلى وطلعت من المجلس وانا فيني البكية موقف يفشل ايش موقعي من الاعراب اطلع لامه وهي مو خاطبتني انا .. بعد ما راحت كلمة امي وقلت لها ليه مشاعري لعبة ليه ماقلتي لي الحين شبتقول عني ايش تفكيرها ! وايش موقعي من الاعراب وهي ماتبيني انا وبنظامنا عندنا اذا جو ناس يخطبون بس امي والعروس واختي الكبيرة تطلع لا غير وقالت لي امي انا قلت لها وقالت الله يكتب اللي فيه الخير بينا اتصال ..
المهم بعدها قعدت عند امي الا اختي الكبيرة تتشمت فيني احسن تفشلتي وهو جاي للكبيرة وتستاهلين جزاك واكثر واصلا هي تقول ولدها ما يبي بزر تحوس بدفاترها وكتبها يبي وحده مخلصة جامعة او على وجه تخرج مع العلم ان عمري 21 ماني بزر وسكت ورحت لغرفتي انهرت ابكي .
بنات انا قلبي انكسر مرتين اول مره تمت خطبتي رسمي وقبل الملكة باسبوع تفركشت
وثاني مره هذي الطلعة وصلت اني ادخل عندها وانا العروس الغلط ..
كيف اتعامل مع هالاخت اللي ابتلت بالحسد
دعواتكم لي تكفون
غلط تحطين نفسك بموقف محرج دامهم ناويين على الكبيره
المفروض آنتى ماتفشليــن نفسك
وعادك صغيره 21 الحياه قدامك وبيجيك زوج
و اقراي سوره البقره كل ثلاث ايام عشان التحصين و اجر
و ب كذا ان شاء الله ربي يكفيك شرها
و نصيحه طنشيها و لا تعطيها وجه و داييييم ادعي بالوتر بالذات في رمضان ادعي بالوتر ان الله يرزقك ولد الحلال و يكفيك شر خواتك و كل حاسد و بإذن الله تشوفين الخير
انتي صغيرة و ان شاءالله ربي يفتح عليك و يرزقك بواحد يستاهلك
عموما انتي خذتي الموضوع بحساسية بدموع هونيها وتهون
خلك من ربي قريبة و ادعيه يرزقك بواحد احسن منه
واختك مطلقة اكيد هالشي مأثر عليها فحاولي تعيدي حساباتك
و تاكدي ان نصيبك بيجيك و بيكون احسن مما توقعتي
الحياة حلوة خليكي متفائلة و الله يوفقك يارب
وكثير ناس بيسوو زيكم اللي عندهم بنات اذا رفضت وحده بيقولو اختها راضيه فيه
يعني عادي الوضع الله يجبر بخاطرك ويرزقك بولد الحلال اللي يستاهلك
في شي ما عجبني بالموضوع
بعيد عن موقف اختك الأكبر ، اهل العريس لما
يجوا و من الأصول لما يتقدموا يطلبوا البنت
بالمواصفات العُمريه مثلاً و خااصه ، بالمواصفات الشكليه
إن أمكن بعيداً عن الإحراجات ، و طالما أنتي من كنتي بالواجهه
ليس من الأصول أن تسأل عن البنت الأكبر بحضورك و حضور
والدتك ، ليس من الأدب..
فالبنات لسن للعرض حضرة جنابها ، كان يُجدر بها أن تحدد
اما لموقف أختك لا اعرف و لكن أكاد اصفها بأنها متجرده
من المشاعر …. تتشمت !!!
و الشماته من صفات الكفار و اليهود ، ليست من شيمنا
نحن المسلمين ، و تم الموضوع بينك و بين أختك الأُخرى
ما شأنها تقحم نفسها بينكما!!!
الله يعوضك بكل ما فيه خير لكِ و أنا اشاركك المشاعر
فهو محرج و ما زاد الطين بلّه أختك …
علّه خير لكِ حينما تم الرفض حبيبتــي