السلام عليكم
بنات حريم تكفون رجيتكم ابدخل صلب الموضوع اغلبكم متزوجات و مقبلات عالزواج
و كلكم ما ترضون على ازواجكم و تغارون كثير و توسوسون و هالموضوع مجنني كثير انا عمري 17 و متزوجه واحد أكبر مني بعشر سنين و أغار عليه بجد ممممممممممممممممممره انا قد شفت على زوجي أشياء مرسل لوحده انتي طالعه حلوه مره حبيبتي يوم أرسلت صورتها و تكلمنا بالموضوع و من هالموقف طارت الثقه العميا صار فيه وسواس شك نسبي و غيره ناريه و زوجي دايم يعلق على صور الحريم هذي حلوه هذي صدرها كذا شوفي أظافرها ورب العزه مو ناقصني شي ولله الحمد و تونا متزوجين لنا ست شهور و هو من أيام الملكه و هو يقول أنا ما أضيف أي أحد أعرفه في مواقع التواصل الاجتماعي لقيت عنده في التويتر وحده اسمها ريناد بنت محمد هي الوحيده بنت و هو مو ضايف كثير بس ضيف كم حساب حق الكوره و هالبنت و الفيس بوك يا كثر البنات وربي ي ناس أن قلبي يحترق ودي اقطع قلبه حتى يحس انا ماني مبينه له شي بس أخاف وسواسي يوديني في ستين داهيه و اسيل مشاكل كثيره لنفسي انا ماني مقصره لزوجي و زوجي مو مقصر علي و يا كلام الحب و العشق بس إش اسوي و البنات اللي بجوالك عطوني حل يسعد قلوبكم 😣😢
حبيبتي انتي
فعلاً موضوعك مو هيّن، بس اكيد هو في شئ ناقصه
او انه مستصغرك ، واضح ان مشكلتكم فكريه وعلشان فارق
السن ، دامك تقولين انو ماناقصك شئ من ناحيه الجمال وكذا ..
هو بمواقع التواصل ، يتواصل مع اراء، افكار ، يمكن عجبه
مستوى او طريقه تفكيرها ، المشكله اللي طرحتيها لسسا ناقصها
جوانب كثير لازم تتوضح ..
انصحك لاتتهوري، تبقين انتي زوجته وحلاله وكفّتك اثقل في الميزان لاتخافي ، اتعلمي عن طرق التعامل مع الزوج اليوتيوب ملئ بالمحاضرات الشيقه عن الأزواج ابحثي عن مارك جونجر ، خليفه المحرزي… 
اقرأي في بوصله الشخصيه ، الحياه الزوجية مشاركة في كل شئ
ولها جوانب روحيه ، وعقليه وفكريه ، مع الجانب الجنسي والعاطفي
بالتأكيد..
احذرك لاتبيني هالنوع من الغيره امامة نهائيًا 
وسائل التواصل صارت من اساسيات حياتنا، لازم نتقبلها ونتعايش معها ، بس الذكيه تعرف كيف تحتوي زوجها ، وانتي ماشاء الله ماينقصك شئ
اصدق الدعوات والأمنيات ياغاليه 
|
المشاركة الأصلية كتبت بواسطة حياتي شقا
 تهاوشي معه لا تسكتين
|
حبيبة قلبي
اذا حياتك شقى لاتشقين الناس معك
الله يسخر لك زوجك ياككريم
انا كم مرة قلت للمتزوجات
الغيرة +الشك=يساوي دمار حياة زوجية
انتبهي لجملتي بسيطة
الله يسخره لك ويسعدكم
|
المشاركة الأصلية كتبت بواسطة فمان الجرح
حبيبتي كبري عقلك 😊.. اذا باقي شفتي محادثات او كلام غزل مع بنات وغيره ف هنا لازم تتصرفين اما سالفة انه يتابع بنات في المواقع انا ما افضلها لكن هذا ما يعني انه فيه كارثة المجتمع صار كذا .. طالما بحدود انا ما اشوفها شي منغص ومسبب مشكلة ..
الله يسخره لك ويسعدكم |