بنات أنا راح أحكيلكم قصتي و أتمنى تنصحوني والله أنا في حيرة
أنا متزوجة من 5 سنين و أول سنة عشت مع زوجي في بيت واحد و بعدها زوجي سافر للشغل و صار يجي للبيت 3 أو 4 مرات في السنة و أنا في الأول كنت متضايقة من دي العيشة لكن مع الوقت تعودت و مرت 4 سنين و أنا متأقلمة مع دي الحياة لكن زوجي من فترة قالي انه لقى بيت في البلد الي يشتغل فيه و شي شهر أو شهرين يجي ياخذني معه راح أكون صادقة معكم أنا خايفة لما أسافر معه راح تتغير أموري أنا تعودت اني أكون مسؤولة عن نفسي و أشياء كثيرة ما أقدر أشرحها و خايفة لما أروح معه أندم لأنو أنا طبعي عصبية و زوجي مثلي و خايفة نتخانق كثير و نتزاعل و تتغير حياتنا أنا مشوشة و مو قادرة أحسم أموري أترجاكم تساعدوني و تنصحوني أروح ولا لأ الله يخليكم جاوبوني قبل ما يجي زوجي
أتمنى من الادارة تنزل موضوعي أنا محتاجة النصيحة أرجوكم
يعني عاجبتك العيشه من غيره !!؟؟؟
الله يهيدك ياأختي من غير سؤال أكيد بتروحين معه
يكفي 4 سنين مرت من دونه يعني سنه كامله وماتشوفينه الا 3 أ 4 مرات الله يعينك
و الحين تسألين أروح اولا يعني ماأشتقتي لزوجك ماأشتقتي للأستقرار للاطفال لكل شي
والعصبيه لازم ترخين أنتي اذا شد هو عليك عشان تمشي الأمور طبيعيه مافيه رجال كامل ياحبيبتي والمشاكل هي ملح الحياة الزوجيه
تجهزي لزوجك وحاولي تسعديه والله يهنيكم مع بعض
اذا ماارتحتي صارحيه واكيد راح يقدر