السلام عليكم
تكفون يا اداره طلعو موضوعي
بنات انا محتاجه اشكي والله تعبت نفسياً
انا عمري 17 سنه وبهالعمر محتاجه لأشياء كثيره
يعني بنت اكيد بحتاج لملابس واشياء كثيره
وكمان بالمدرسه احتاج اشتري شنط متنوعه وبلايز وووو
بس مشكلتهم البخل 
والله ابوي راتبه 10 الاف وكل ما اطلبه مايعطيني
يقول ماله لزوم وبالأعياد يعطيني ميتين ريال بس 
وامي تشحن بطايق بالميات وانا لمن اطلبها تقول ماعندي يابنيتي
طيب بنتك اهم ولا بطاقات الششحن ؟؟
والله يابنات تعبت منهم
افكر اني انتحر وارتاح من هالعيشه
دلوني شسوي والله مليت من هالحاله
الله يعينك يارب
الله يعينك على عقلك
وربي هالناس استخفو وقعدو على اتفه شي قالو بنتحر ولا بتطلق ولا بسوي جريمه…..الخ
نسو ان مثل ما الله غفور رحيم انه شديد العقاب
ياعااااااااااااااااالم ترى في رب وفي شيء اسمه استغفار وفي اذكار في رب يبسط يديه
في الثلث الاخير من الليل ويقول هل من سائل فأجيب له
الله يعينك بجد الله يعينك
وامك كذلك لأن جيلهم غير جيلك يعني انتي مو ناقصك بلايز ولا شنط بس تبين زياده لزوم الكشخه
وانتي بنظرك 10000 تسوي المستحيل وتجيب اشياء كثير لا ياحبيبتي في هالوقت ومع غلاء الأسعار ماتسوي شي يالله تجيب اشياء ضروريه من مواد غذائيه ومويه وتسديد فواتير يعني الله يعين ابوك حسي فيه شوي بدل ماتقولي عنه بخيييييل الله يرحم حاله
وبالله سؤال كم عدد اخوانك وخواتك وإذا كل واحد يبي ويبي ويبي
المفروض من اللي في هالحاله يقول بنتحر انتي والا ابوك !!!؟؟؟؟
الله يهديك بس لا تفكري الدنيا بس لبس وكشخه وكم بلوزه وكم شنطه
الحياة الحلوه يبي لها قناعه باللي رزقك ربك ولاتناظرين في غيرك وقولي يااااارب لك الحمد غيرك مو لاقي خبز ياكله
اصبري وربي بيفرجها
في ناس تنام غير أكل
الحمدالله على كل حال
لا تنتحرين ولا شي تعوذي من ابليس
انتي تقولين كذا بس لانك مزعوجه
ادري كل بنت تبي تكشخ وتكون احلى بنت بس بعد لازم تحطين الف عذر وعذر لامك وابوك
ابوك مثل ما قالو الاخوات عنده مسؤلية وبيت وانشاء الله لو عنده ما يقصر معك
وامك من وين لها الفلوس اذا ما تشتغل
وبعدين انتي لازم تعودين نفسك على القناعه من هالعمر بكره تكبرين وتتزوجين اذا زوجك ما عنده شبتسوين
تعودي على المصروف القليل وحاولي توازني في مصروفك الاولى فالاولى وبالنسبه للعيد حاولي تقولين لهم يزيدونك شوي حتى لو 100 ريال ومش ضروري تشترين ماركات غاليه خليك على قد فلوسك ولا تطالعين غيرك من البنات يمكن اهلهم عندهم فلوس وانتي ابوك ترى مش مليونير يا دوب راتبه يكفي مصاريف البيت
انتي اهتمي بدراستك وروحي الجامعه وهناك بيعطونك مكافئه خاصه فيك انتي وبتشترين اللي تبين
حبيبتي انا حاسه فيك
الله يريح بالك يا رب