امي وتعاملها معاي "( -تم الاجابة 2024.

احس اشوي ربنفجججر من هالحال

جيت لامي قبل اشوي اقرلها عن ابلة البدنيه وتعاملها معاي
انآ فيني قولون عصبي وما اتحمل الوقوف واججد ومعلمة البدنيه ماخذتنا اليوم حصتين وانا مَ اتحمل قلت بقعد لأن فيني قولون وقامت تزفني وفشلتني قدام البنات المهم رديت البيت ابكي منقهرره لان والله القولون يألم اذا وقفت واقول لأمي باخذ عذر طبي وبقعد عصبت علي وقعدت تزفني ..< تعامل مع امي حححيييل صعب ومتعب

وقعدت تهاوشني وتصرخ علي اني انا مفشلتها و دايم مزعجتها وتقول انتي اساساً فاشله وماتبين تدرسين وحطيتي حجه هالموضوع ..< ويشهد الله انه مو صحيح كلامها

و تقول انتي عسره نفس ولادتج اعسر ولاده دايم تقول لي

ومرات عاادي تقول وبكل برود اذا فيني شي او تعبانه قالت احسن مووتي عشان ارتاح منج

وكل ما قلت لها اللي بقلبي قعدت تتطنز علي و تحسفني اني فتحت لها قلبي وقلت لها

وكل كلمه والثانيه قالت انا اطلعج وانا اجيبج وانا اشتري لج وانا احط لج شالفاااااييييده من هذا كله اذا انتي حارمتني من اهم شي حنانج واهتمامج فيني و خوفج علي

والله لو تقعدني بغرفه وبين 4 جدران بس تعطيني حنان و اهتمام والله ما اطلب منها شي و بككون اسعد انسانه وبقوم فيها وببرها

اذا شفت بنت تعامل امها بكل حنيه و بر اقول بقلبي ودي اعامل امي نفسها بس مع الاسف ارجع للواقع المممر

استانس لمن اشوف ام علاقتها في بنتها قووويه وگأنها صديقتها او اختها مو بنتها ..< يا ما تمنيت هالشعور لا تقولون لي سويه مستححيل امي مَ تعطيني مجال گلش

بيني وبينها حووووواااااجججججز لا تقولون اكسري هالحواجز لأني ما اقدر

انا مابي من امي تدلعني او تشتري لي او اطلعني لاا بس ابي حنااان منها استغرررب لمن اشوفها مع بنات خالاتي اللي يشوفها يقول ام حننووونه و مهتمه فينا غييير تعاملها مع بنات خالاتي

انآ فيني جرثومه والله حتى الصلاة ما اقدر اوقف حححيل فيها فوق القولون اللي فيني فيني جرثومه واقولها يما معدتي تعورني ..< ابي رد يحسسني انها مهتمه تقول بكرى سوي تحليل يجي اليوم الثاني قبل لا نطلع من المستوصف انا كنت جايه عشان موعد اسنان تقويم قبل لا نطلع قلت يما والتحليل ! قالت انتي كليتي او شربتي شي !؟ قلت ايي عصير ..< عبالي عشان التحليل لأن مرات لازم التحليل على الريق

وركبنا السياره و رحننا ولا تحليل ولاقالها الله

وهي يمگن قبل سنه جاتها جرثومة معده والله يا بنننات ما قعدت بالبيت من طبيب لي طبيب و كانت نفسيتها كلش لدرجه ابوي الفجر كان يوديها و مستشفيات بعييده ..< يعني عارفه مدى الالم اللي فيني لأن حست فيه وانا من متى اقولها وطاااف وهي والله يا بنات حست بالوجع مني ركبت السياره مني ..< بس ابيها تحححس فيني

بإختبارات الفاينل السنه اللي فاتت مرت علي ايام الله الواحد العالم فيها

ومَ علمت فيها اححد گنت بس ابكي و الدراسه مابيها من اللي فيني

تدرون شكانت تقولي ( روحي ألبسي عباتج وقولي لابوج يوديج مستشفى الامراض النفسيه ) أي أم تقوول لبنتها واهي بمرحلة ضغط و هم و اختبارات هالگلام تقوله لي وگنت ابكي بحححرقه وقههههرررر

ويوم خلصت فترة الاختبارات و تعدل وضعي ..< والله مو عشان الاختبارات اللي صار فيني

برمضان كنا قاعدين على الفطور ونفطر ) انا هالسنه ثانويه عامه اخر سنه لي ) وجابوا طاري المدرسه قالت ايي لا تسوين افلام يَ فلانه قصدها انا ..< مَ جربت اللي جررربته والله شي مو هين حرمني النوم والاكل قمت وانا ابگي مقهوورره لان والله ما كنت اكذب عليها عشان الاختبارات وان مالي خلق ادرس لا والله مو هذا مقصدي

انا طبعي كتوووووم بس انا مجنووونه وغبيييه لما قلت في نفسي بروح لأمي ولأول مره اجيها وافضفض لها واول مره بحياتي افضفض لغير الله سبحانه قلت امي اكيد تساعدني بس مع الاسف لقيت انها تزيد همي هم

وألحين لمن يكون فيني شي امثل عليها !!!،

وهذا غير انها داييييم تفشلني وتصرخ علي قدام خالاتي والناس

واشوف خالاتي ولا وحده فيهم تفشل بناتها او تزفهم قدام خواتها ..> هالشي مو حقي بس لخواتي واخواني كلهم ما تقول لا حرام اخاف على مشاعر بناتي لا بالطقاااق