السلام عليكم ورحمة الله وبركاته
كيفكم؟؟؟
ان شاء الله تكونوا بألف صحه وخير
عموما موضوعي هو استفسار انا معاي رحله سياحيه الى دبي نهاية الشهر وما عندي فكره عن الاماكن الي بدي ازورها لانها اول مره اسافر الى دبي ممكن مساعدتي بها الشي بلييييييييييز ولكم جزيل الشكر سلفا 
احبك في الله
وهلا وغلا فيج في بلدج الثاني الامارات
راح أبدا باسواق دبي من الغالي الرخيص
عندج دبي مول فيه كيدزانيا مدينه مصغره للاطفال
تقديرن تخلينهم داخل بامان لانه راح يحطولهم أساور
بأيديهم عشان يتابعونهم عبر الكاميرات
فيه بعد مكان للعب اسمه سونيك طبعا للأولاد احسه اكثر
دبي مول فيه جميع الماركات وجميع المطاعم المنوعه
عندج الامارات مول
فيه مدينة الثلج متكامله للاطفال والكبار
تقدرين تخلين عيالج فيها بامان
عندج ستي سنتر هذا روعه للتسوق فيه
وفيه بعد منطقه للألعاب إلكترونيه للاطفال
عند سوق الميناء ويسمى بعد سوق نايف
هذا سوق بالجمله ورخيص جداً تشترين مثلا جلابيات
لرمضان وشيل وشيلي روعه وفي نفس الوقت سعرها رخيص
وماتخرب أبدا
عندج سوق الصيني خارج دبي مش بعيد ربع ساعه او اقل
كله فيه منتجات صينيه كل شي راح تحتاجيه راح تحصلينه فيه
وكل ما تشترين حاولي تكاسرين بالسعر
من ناحية التنزه عندج شاطىء جميرا روعه
عند الحديقه المائيه
وأهلا وسهلا فيج 