السلام عليكم
الحمد لله انى هافضفض اخيرا بوجع سكن قلبى من سنه تقريبا لما لقيت المنتدى الحلو دا ربنا يفك همومنا جميعا
انا متزوجه من 4 سنوات وشهرين وعندى بنتين صغيرين اتجوزت زوجى فى شهرين وكنا الى حد كبير متشابهين ومبسوطين وعشنا سوا جمل ايام من الحب ولموده والتفاهم وكنا بنشتغل مع بعض ونروح مع بعض ورزقن بالحمل الاول بعد سنه من زواجنا وكان بيا فرحان قوى وبيخاف عليا وعلى الجنين وخلفنا بنوته جميله وبعدها بسنه حملت حملى التانى وفتحنا محل جديد وكنا فرحانين وبسبب الحمل معنتش بانزل معاه الشغل وبدانا نبعد عن بعض شويه بشويه خصوصا بعد ما جبت بنت كانت جارتى فى بيت مامتى تشتغل معانا فى الاول كنت باثق فيها جداااااااا وبحبها قوى وباستامنها ومرت الايام وبقيت فى الشهر التامن روحت معاه المحل وهى جت ونزلت اجيب حاجه من السوق لكنى نسيت حاجه ورجعت اجيبها شفت اللى عمرى ماهنساه ابدا لقيتها فى حضن جوزى معرفتش اعمل ايه ولا اقول ايه ونزلت اجرى فالشارع زى التايهين مخنوقه ودايه ومش مصدقه عينى ماللى انا شايفاه جوزى ودى؟ مش معقول دى كانت اكتر واحده محترمه وهو ازاى يعمل كده ؟ معرفتش اروح فين ولا اجى منين معلش يا جماعه القصه طويله بس انا هاختصر الباقى اوهمنى ان انا شفت من زاويه غلط وسامحته وبعدين اكتشفت كل الرسايل اللى كانت بينهم وكلام الحب اللى حرمنى منه واداهلها ولحظات الاحضان اللى كانت بينهم وانا دلوقتى باموت لما افتكر الحاجات دى واتخيلها ارجوكم انا حاسه انى بقيت مريضه مرت سنه عالاحداث دى وصورتها موش بتفارق خيالى لانها كانت عاوزاه يطلقنى ويتجوزها بعد ما كشفتهم انا بجد معنتش باثق فى اى حد ابدا ولا اى بنت ولا حتى اختى ارجوكم فيدونى نفسى اعيش سعيده بس قلبى مطعووووووووووون متالم تعباااااااااااااااان
اختى الغالية حفظك الله ورعاكى وعمر بيتك بالسعادة
ربنا يهدى زوجك ويجعلة دائما قريب منك
انتى قولتى بنفسك انك بعدتى عن المحل ودة غصب عنك
لظروف حملك
ولكن جبتى واحدة لجوزك وانتى بعيد
مهما كانت ثقتك فى زوجك ما لازم تجيبى هالبنت عالمحل
انتى غلطانة وعشان كدة عليكى بالنسيان لما حدث
وبشطرتك ترجعى زوجك ليكى تانى
اذا كان زوجك يحب العشق كونى لهو العشيقة
اذا كان يحب الجمال كونى لهو جميلة
اذا كان يحب الدلع كونى لهو دلوعة
غيرى من روتين حياتكم لكى تستمر السعادة
ولكن
عليكى اولا ان تنسى ما حدث لكى تبدئى صفحة جديدة مع زوجك
تقبلى مرورى
ارجعي بتعاملك معه زي أول وحبيه بلاش يفكر يرجعلها وحاولي تنسي
الله يصبر قلبك ويساعدك ويفرج همك ويفك كربك يـآرب
كانت في حظنه ويقولك الي شفتيه غلط؟ سلامات؟ لا جد جد
وش يحس فيه؟!
من حقك ينحرق قلبك الله يساعدك
ويفرج همك يارب
حاولي تنسي،عشانك وعشان بناتك
وكل انسان يخطأ
بس المهم انه مايرجع يكرر نفس الخطأ
سبحان الله وبحمده سبحان الله العظيم
استغفر الله ربي واتوب اليه
ابدئي بالتغيير من نفسك ولا تحسسيه بانك فاكره الموضوع غيري من شكلك وافكارك وعيشي حياتك صح يخليه يلاحظ التغيير بدون ما تحكي كل فترةاعملي شي جديد بنفسك لبسك شعرك اهتمي بمظهر اكتر من السابق حتلاقيه بيموت ويعرف السبب وانت عادي وداومي على الإستغفار وادعي (اللهم هب لنا من أزواجنا وذرياتنا قرة اعين واجعلنا للمتقين أماماً) (اللهم سخر لي زوجي واجعله قرة عين لي وأجعلني قرة عين له) وإن شاء الله حتشوفي كيف زوجك يرجع زي أول وأحسن وبالنسبة لصديقتك هادي لا تسمى صديقة الله يبعدها بشرها عنك وعن زوجك وبيتك…….. ونصيحة عمرك ما تحكي عن معاملة زوجك إلك لا لصديق ولا لعدو ممكن تكون هادي الست شافت معاملتكم لبعض والغيرة طبع في الناس…معلش طولت عليكي الله ييسر امرك
الله يصبر قلبك ويساعدك ويفرج همك