جرحني وظلمني حسبي الله عليه -لحياة سعيدة 2024.

السلام عليكم ورحمة الله وبركاته انا ظيفه جديده في منتداكم الرائع كنت ابحث عن موضوع فوجدت ردود جميله في منتداكم فاحببت ان اسجل لكي اطرح مشكلتي لعلي اجد حلا لديكم اخواتي الكرام00

انا متزوجه من خمسه سنوات لدي طفلين مشكلتي هي زوجي المصون تزوجنا عن حب وعمل المستحيل من اجل ان ياخذني وممكن لو مااخدني كان جن جنونه احبني واحببته بقوة وبعد زواجنا ذهبنا للحرم لكي نحلف ونعد بعضنا بعدم الخيانه وعشنا احلى سنه ثم بعد ماولدت طفلي الاول اكتشفت للاسف خيانته لي كان جوالو ع طول قدامي فجئه سار يقفلو اكيد حشك لما يتغير فجئه فتشت ولقيت رسايل وصور واجهتو للاسف نكر وكبرت المشكله ودخلو اهلو في الموضوع وحلوه والحمدلله عدت الامور ع خير بس اتفقنا محد يمسك جوال التاني قلت اوك وعشنا الحمدلله في سعاده وجبت طفلتي التانيه وكنت احيان احس انه في شي متغير بس اعدي وماادقق الين قبل فتره اتعرف ع شله فااااااسده ورجع زي اول واخس اتغير 180 درجه في كل شي تاخير عن البيت كل يوم طلعات سهر باليوم واليومين اتصالات بالساعات مافي اهتمام مايبغى يخرج معانا مافي شوق مافي اي احاسيس اهم شي نفسه وياما اتكلمنا واتخاصمنا ويوعدني ويبوس راسي وانا اسف والله مااعيدها بس للاسف اسبوعين ويرجع طبعا سرت ادور وراه وافتش كل شي يخصه واشوف بلاوي رسايل واتصالات وصور وكنت اعدي واتحمل عشان بزورتي خاصة اني مااقدر ادخل اهلي في الموضوع بصراحه اهلي عيله متفككه وكل واحد في همه امي منفصله عن ابويا وعايشه مع اخويا وابويا متزوج وعايش مع زوجتو وبزورتو وضروفهم الاتنين صعبببه مااقدر احملهم فوق طاقتهم خاصة انه انا ماارتاح الا في بيتي وبصراحه محد يتحمل عيال احد المهم كنت اضغط ع نفسي واقول هوا طيب ومستحيل يستمر امكن مجرد نزوه بس للاسف سافر بداية الشهر مع اني رفضت بس هوا اصر انه يسافر وفعلا سافر مصر مع اصحابه وطبعا هناك اكيد ناسيني ورامي كل شي وراه يكلمني مره وحده في اليوم وباقي اليوم ادق ولايرد وبعدين يقلي نسيت الجوال او الجوال مع العيال طبعا اخدين شريحه مصريه مشتركه المهم يطلعلي اعدار وكل يوم عدر جديد صبرت نفسي الين جا وحست انه في شي في جوالو عنده 2 بلاك بيري اللي جالس عليه طول الوقت وطبعا حاط رقم سري وانا مااعرفه واكيد فيه بلاوي المهم التاني مافي رقم سري كان كل مايدخل البيت يقفلو فهمت انه في شي فتحتو من وراه وياليتني مافتحتو انصدمت وحسيت نفسي حموت للاسف متصور هوا ووحده في وضع ردئ وحقير وتافه وووكله قداره فتحت جوالو وجا وانا ماسكته اتفاجا انصدم سار يقول ليش تفتحي الجوال قلتله بكيفي وحفتحو00وانفجرت من الصدمه صرت اخاصم واسب بغير شعور وقلتله انا كنت عارفه كل اللي تسويه لكن ساكته اقوا امكن يكون فيك خير وتتعدل وكمان عشان بزورتي مو عشانك وطلعنن كل اللي في قلبي وهوا ساااااكت مانطق من الصدمه صرت اقلو اتكلم اكيد ماعندك كلام لانك وسخ روح نظف نفسك روح شوف لايكون عندك مرض وتبلني انا عندي بزوره المهم قلتله ياانا يا اصحابك والبنات قام وخرج مرجع غير الفجر نام في الغرفه التانيه لما صحي رحتله قلتله بتكلم معاك رفض باصرار وهادا طبعه لما يغلط مايحب يواجه او يتكلم ينعزل ومايتخاطب قررت اني اسيبه الين يرجع بنفسو دحين صار ع المشكل 15 يوم تخيلو لاحن ولا اتكلم ولااي شي ينام في الغرفه التانيه ويصحى العصر المغرب ويخرج يرجع الصباح ينام وع هادا الحال كل يوم ادا ابغى شي ياارسله مسج او ارسلو ولدو وطبعا مو قاعده اعملو اي خدمه لاغسيل ولا اكل ولا اي شي جرحني يابنات مو اول مره ولا تاني مره وانا اشوف واعدي لانه ماكان كدا بصراحه كريم وحنون ومايرضى بالغلط يخاف علينا ومايبغى يشوفني زعلانه بس الفتره اللي راحت راح كل شي حلو فيه خساره اتغير مو قادره اصدق لما اشوفو واتخيل اللي شفتو مااتحمل ودي اقتلو ومع هادا برضي احبو نفسي يتنازل ويجي يعتدر او اي شي لكن للاسف شكلو ماحيجي كالعاده يستنى انا اروحله بس مو قادره جرح كرامتي ماودي اروحله احس قلبي يتالم وكل شي مدمر مو لاقيه حل لاقدر اروح بيت اهلي ولا اقدر ادخل احد لانه اصلا مايهمه احد حتى من اهلو مافي احد له كلمه عليه تعبت من كثر ماافكر ع طول دموعي نازله مدمره من داخلي متشتته مو متخيله اعيش ع الوضع دا ومااقدر اعيش بدونو حلوني يابنات انا توكلت ع الله ثم عليكم واسفه ع الاطاله