حبوب منع الحمل والحركات الرومانسيه حياة زوجية 2024.

حبيباتي حابه اسأل المتزوجات واللي عندهم خبره بهذا الموضوع

اتمنى يفدوني ..فهم أكثر خبره من الأنسات في هذا الموضوع ..

ألا وهو حبوب منع الحمل

أنا زواجي قريب وأمي رافضه هذا الشيء ورافضه حتى أناقشها في الموضوع

وأنا حابه إني اعيش حياتي معه على الأقل الخمس أو السته الشهور الأولى ..

مبرره إنوو يسبب عقم للبنت اللي ماكان انجبت ..

أو يسبب لها مشكلات فيما بعد وماتقدر تحمل بسهوله ..

فهذا الكلام صحيح ..ومن تجرابكم ..

وأنو لازم استخدمه في خامس يوم لدوره في أخر شهر قبل زواجي ..

لأن هذا الموضوع أخذ تفكيري كله ..

ثاني شيء ..

للمتزوجات ..ابي أفكار تكسر الروتين وتعطي أجواء حلوه

للعرسان ..يعني مع الزوج في شهر العسل ..

أبي ازيد على اللي في بالي ..حتى مايكون حياتي في أول شهر على وتيره وحده .

واتمنى اللي تدخل تدعيلي أن الله يوفقنا مع بعض ويسعد كل واحد الثاني …
ويسخرنا لبعض ..

طيب حبيت اسأل ..
استخدمها قبل يوم الزواج بفتره ..

لأني إذا كان كذا بروح الدكتوره قريب ..

بالنسبه للحبوب عزيزتي مافيها ضرر ان شاء الله
ممكن تروحي للدكتور يعمل لك تحاليل للاطمئنان .. فيه تحليل لهرمون الحليب افتكر وكم تحليل
كلها تطمنك عن اوضاعك الصحيه .. اذا كل شي تمام
فخذي ولا تترددي ( عن تجربه ) وصدقيني صدقيني زي ماقلتي
تعب لو صار حمل باول الزواج . غير انك مارح تنبسطي وزي ماقالوا .. ايام ماتتكرر

يصير تاخذيها في خامس يوم للدوره الاخيره قبل زواجك .. بس نصيحتي
عشان ترضي الوالده .. ممكن ماتطولي فيها
يعني يكفي شهرين او ثلاثه بسسس
يصير لو صار حمل بعدها مباشرة .. يكون اتهنيتي 4 شهور عالاقل ان شاء الله
ولو اتاخر الحمل .. فما يزيد عن السنه بعد إرادة الله طبعا

بس اهم شي انك ماتترددي والوالده من حقها تخاف عليكي بس دحين مو زي زمان والطب اتطور فمافي خوف

الاهم قبل هذا كله .. انك تستخيري مررره كثير وان شاء الله ربي يكتبلك اللي فيه الخير

وربي ينول كل وحده اللي في بالها يارب

ويرزقها بالذريه الصالحه ..