حلول بسيطة لمنع الخيانة الزوجية 2024.

في مثل يقول .. درهم وقاية خير من قنطار علاج

دايما بقرأ معاناة اخواتي وحبيباتي من خيانة ازواجهن .. الله يهديهم

فحبيت انصحكم بعدة امور
وانا عندي شوية اشياء بحب احكيلكم اياها ويمكن هذا السبب اللي ما بخلي زوجي يطلع لبرة

بالنسبة الي صارلي 4 سنوات متزوجة وما بعرف اذا بتصدقوني ولا لأ

وكل اول ما اصحى من النوم لازم احكي مع الزوجي ع الشغل ..

مو شاكة فيه لا سمح الله بس حبيت اعوده يسمع صوتي دايما

وخصوصا اول ما اصحى .. قبل ما افطر .. اصلا انا ما بفطر ..

قبل ما اعمل اي شي لازم ارن عليه واصبح عليه وهلأ والله العظيم اذا ما رنبت عليه هو برنلي يطمن علي

ومو بس اول ما اصحى بحب احكي معه اكتر من مرة باليوم بتعرفوا ليش ..

لإنه الرجال بحب هاي الحركات .. يعني بتذكره بأيام العزوبية

فليش ما نساعدو يعمل هالشي بالحلال

مو ترني عليه تحكيلوا جيبلك معك ربطة خبز ولا كليو بندورة

هيك بحقد عليكي وما بطيق يسمع صوتك

وكمان بحب ابعتله مسجات بين فترة وفترة .. يعني بحس حالو لساتو عزابي وفي وحدة بتعاكسوا طبعا حتى لو مرته بس بينبسط كتير

ومرات كمان لما يكون عندو وقت بنصير نعمل شات ع المسنجر

والله هاي الأشياء ما في احلى منها وكتير بيفرح فيها

وانا ما بدي احكيلكم زوجي لما يشوف وحدة حلوة ما بطلع

لا بالعكس بحسوا بطلع .. وبتعرفوا انا شو بصير احكيلوا

بس مش تضربوني

بصير احكيلوا شفت هديك البنت مأحلاها بصير يحكيلي بس انا شايفك انت احلى ومن هالحكي

طبعا هي بتكون اجنبية لإنه زوجي ما بيطلع ع وحدة محجبة

بصير احكيلو انه انا بتمنى اكون حلوة هيك .. بس لما اذكر انه انا رح اكون ملكة بالجنة

بحس حالي فعلا احلى منها

يعني بجيبلوا بطريقة غير مباشرة انه حرام الواحد يطلع

واذا بحسه مقصر بشي بالدين بحاول اشتري شريط احطه بالسيارة والله كتير هاد الشي بأثر فيه

لإنه الرجال شو ما نحكيلهم ما بردوا .. عشان هيك بدك تيجيلوا بأسلوب تاني

وهاد اللي في بالي هلأ اذا اتذكرت اشي تاني بحكيلكم

لإني بحبكم كتير وبتمنى تستفيدوا من تجاربي البسيطة