مساآاآء الــــــورد
ماعرف اكتب مقدمات وبدخل في مشكلتي على طول
ايه انا اشوفها مشكله لي متزوجه سنه واقدر اسمي حياتي مع زوجي بانها هااااديه وحلوة الحمدلله قدر الله وحملت
بعد زواجي على طولواللحين وولدت وجبت كتكوت ربي يحفظه لنا
المشكله ان زوجي يعسل باااادمان طبعا من وراي بتقولون شلون عرفتي يمكن يتهيألك بقولكم لا غير ريحه ملابسه ريحه انفاسه مااقدر اوصفلكم شلون كنت اعاني وانا اتوحم وربي عذبني بريحته الله يهديه معدتي كانت في حرقان مستمر والسبب كثر الغثيان والترجيع الله يكرمكم كنت اقوله معاك ريحه يقولي لا مامعاي اقوله انت تعسل ينكرررر ويحلف
وانتي تتوحمين هههههههه ياحليله كان يحسبلي حساب ومايبيني اعرف ومرت شهوووور واللحين ولدت بالسلامه الحمدلله
لكن؟؟؟؟
تخيلوا رحنا منتزة وفيه مكان للي يعسلون يقولي تعالي خلينا نعسل في البدايه علبالي يمزح وسويت نفسي مو مهتمه لقيته مصر والا يبي يعسل تخيلوا قداااامي!!!!
ولا يقولي لازم تذوقيه ومااكون ابو فلان اذا ماخليتك تجربينه
انا انصدمت وخرجت من المكان ولاكاني سمعت شئ قلت مابي انكد على نفسي وعليه واحنا خارجين ننبسط
واليوم يقولي ابي اعسل ولازم تذوقينه اول كنتي حامل لكن اللحين خلاص
صااااار جرئ وهو يطلب مني اللي اول كان من كثر ماهو خايف لااعرف يدخل من باب البيت على الحمام على طووووول وياخذ دش وياكل لبانه
ماخليت حيله من حيل الحريم الا سويتها
دلع على شويه جد على دق بالكلام وعلى كل هذا مافاد
وهو عارف اني اكرررره الرجال اللي يدخنون والا يعسلون كررره مو طبيعي من يوم كنت بنت
ودايم اقوله الحمدلله انك مو منهم طبعا على اساس اني مو عارفه
المشكله اني توحمت على هالريحه وصررررت اكرها بجنوووون اكرها مررررة
وبصراحه مااتخيل زوجي حبيبي ماسك بيده معسل احسه بيطيح من عيني
وبصراحه صرت اشك انه يحبني معقول في زوج يطلب من زوجته تعسل معاه ويحبها؟
شورو علي شسوي معاه شقوله وش ارد عليه لاقالي ابي؟
طلبتكم دلووووني اخاف بكره يجيبها البيت ويعسل قدام عياله ويضرهم ويضر نفسه الله يهديه ورررربي راسي بينفجر من التفكير وش الحل؟
و اصري على موقفكِ…المعسل و التدخين نهايته هلاك و مرض
هو يعزم عليكي عشان يبغاكي تقبلي فكرة انه يعسل
دايم انصحه و ذكريه باضرارها على صحة
بالنسبه له هو يبي يعسل بكيفه بس لا يعسل بالبيت
انا زوجي يدخن بس ما يدخن الا جنب البلكونة …و ما يدخن جنب بنتي
لانه التدخين مضر بصحة الاطفال
و لوبيدي ما اخليه يدخن بالبيت كله