انا حساسه كثير وزوجي مو مخليني بحالي كل شوي يعايرني بجسمي وحت احمواتي يلبسون بناطيل واجسامهن حلوه ويجون خصيصا يجلسون قدام زوجي علشان بشوف الفرق 
واليوم ببلش برجيم التمر والبن مين تبدا معاي
وبليز ابي تشجيع قووي ليقوي عزيمتي
عزيزتي ثقي بنفسك وبجسدك فهو نعمة منّ الله بها عليكي وحرم منها الكثيرات, فالحمدلله على نعمة الصحة والقدرة على أداء حوائجنا اليومية دون اللجوء الى أحد..
أما لو كان زوجكي ليس مقتنعاً بما لديه واحببتي ارضائه فأدعو الله ان ييسر لكي اموركي ويجعلي اجمل نساء الدنيا في عيون زوجكي وعيون نفسكي وهو اهم شيء
ملاحظة: اذا كنتي خائفة من ان يلاحظ زوجكي الفرق بينكي وبين الاخريات فهو موضوع صعب للغاية اذا كان زوجكي ممن يحبون المقارنة فدائماً هناك الجميل وهناك الأجمل… دمتي بود اختي وبالتوفيق
بس انا مررررررررررررررررررره دبه احس اني بموت من الضيق الي فيني
فتررره وبترتااحي وبعدين الوزن الزايد مو بس يتعبك نفسيا حتى جسديا تكوني أكثر عرضة للإصابه ببعض الأمراض 🙂
لاا تستسلمي خليكي قوويه
انا ابي يكون معاي احد يشجعني
انا طولي 154
وزني 67
ابي اوصل 60 وبعدها 55
اعطيني خبر ياعسل
انا حابه اشارك معاكم بالموضوع اذا ما عندكم مانع
انا بقولكم طريقتي
شوفواحبايبي انا اكثر وحده اتحكم بوزني بدون ريجيم وخرابييط واراهنكم اذا في وحده سوت ريجيم واستمرت عليه اكثر من اسبوعين ماكسيمم وبعدها تهجم علي الاكل كانها وحش وتاكل الاخضر واليابس واتحدي اي وحده سوت ريجيم وما زاد وزنها اضعاف ما قبل الرجيم
لان تذكري اختي ان لما تسويين ريجيم انتي قاعده تجوعين الجسم لنفرض ان في وحده قالت انا ابي اضرب عن الاكل وفعلا اضربت عن الاكل الجسم يستجيب بالبدايه ويصمد ويستمر في هذا الاضراب لكن تذكري لفتره محدوده جدا بعدها شراح يصير00 انتي جاوبي هالسؤال ؟
نفس الشئ الريجيم تتحكمين بالجسم لفتره محدوده وبعدها جسمك راح يقول مو علي كيفك تجوعيني فيتحكم فيكي مو انتي تتحكمين فيه
ثاني شئ شنو اللي راح ينتج عن الريجيم
1- راح تحوشك هشاشة عظام
2- راح يحوشك امساك (يعني تسمم بالبطئ للجسم)
3- لهفه ونهم للاكل وعدم قدره علي التحكم بالجسم ويصير التفكير محصور بس بالاكل وتمني التمتع بالاكل من غير زيادة وزن
4- انقاص الوزن بشكل مفاجئ يضر الكلي يعني اذا كان ولابد ان انتي تتبعي ريجيم ومصره اذا ابتعدي عن اي ريجيم ينزل اكثر من 2 كيلو بالاسبوع (النصيحة بجمل)
نصيحه لاتسوون ريجيم يعتمد علي النوع الواحد (يعني ريجيم تمر – ريجيم عنب – ريجيم ماي 00) هذا يهد الجسم ويخليكم بعمر اكبر من عمركم
وبعدين اشلوون ريجيم تمر والتمر اصلا يمتن بطريقه خيال لااا ولبن بعد يعني زيادة وزن مضاعفه
شنوووو الحل :
انا بقول طريقتي واللي تناسبها تتبعها وطبعا لا تنساني من الدعاء
انا وزني 62 وطولي 167 لاااا وانا من النوع اللي جسمي قابل للزياد يعني مو تقوول وحده يمكن هذي اهي وزنها جذي وما تمتن والله لو اخلي نفسي للاكل ما ادش من الباب (اعطيكم ااامل بس ههههههه)
اولا اقطعي السكر من اي شئ تاكلينه او تشربينه (هذا بروحه خلال شهرين ينزلج 5 كيلو)
ثانيا اكلي اكلك العادي وقللي جدا من الرز واقطعي البطاطا المقليه او بمعني آخر اقطعي النشويات من اكلك او قلليها بطريقه كبيره وزيدي اكل الخضار(تفنني فيها مره محموسه ومره مع مرق وهكذا) واكلي لحم لان اللحم لا يزيد الوزن
وقفي الاكل بين الوجبات واذا كان ولا بد اكلي خيار او جزر او خس لسد الجوع لغاية الوجبه التاليه
كثري من اكل السمك لانه مفيد وما يزيد الوزن ودايما سوي صحن سلطه كبير مع اي وجبه (يمنع الامساك)
سوي لج يوم كل اسبوعين تاكلين عينات من الاشياء اللي وقفتيها نفس الكاكاو وجبة مطعم بس هااا (بس مره وحده كل اسبوعين مو كل يوم طايحتله وجبات وتقولين ليش ما اضعف)
وطبعا قبل كل وجبه اكلي 2 برتقاله (تذكروا ان البرتقال هو مكنسة الامعاء وكل البلا يصير لما الامعاء شغلها مايصير مضبووط)
انا عني لما اقوم من النوم اكل تمر واشرب معاه حليب (لان انا ما آكل سكر فالتمر يعطيني طعم السكر ) طبعا اللي تقول انا ما اقدر اقطع السكر اقولها صح اول اسبوع راح يكون صعب شوي بس بعد اسبوع عادي راح يكون الطعم
انا احب اشرب الحليب لان فيه لاكتوز يعطي شويه طعم سكر
والشاي اللي ما تقدر تشربه بدون سكر تحط ويااه هيل يصير لذيذ
ااهم شئ الحين
لااازم تمشين ساعه يوميا سواء تروحين ممشي او نادي او تمشين علي الاله بالبيت ساااااعه الي بتمشي نص ساعه والا ربع ساعه لا تمشي احسن لان الجسم ما يمديه حمي علشان يحرق
يعني بالكلوري لازم تحرقين اقل شئ 350 كالوري للي ما تعرف اشلون تحسب لما تخلص رياضه تلاقي جسمها كان احد قاعد يسويله مساج
طبعا الهروله احسن من المشي والركض احسن من الهروله يعني ممكن تمشين نص ساعه وتهرولين 3 دقايق وتردين تمشين مره ثانيه طبعا بالهروله زيدي السرعه اذا بالجهاز
طبعا بعد العشا لا تاكلين لكن تقدرين تشربين اي شئ تبين
الطريقه الثانيه اللي انا اتبعها حساب الكلوريات (وهذي لما اكون ابي انزل وزني حق عرس او حفله ) راح تحسبين باليوم كم كالوري تستهلكين يعني خل نقول 1500 كالوري اذن هاعدد معطيكي الوزن اللي انتي فيه حاليا اذن راح نقلل عدد الكالوريات باليوم اقل من 1500 فراح نقول راح نخلي المستهلك باليوم من الكالوريات 1000 كالوري + مشي ساعه = انقاص وزن من غير مجهود بشكل صحي ومن غير ترهل جسم
طبعا ممكن وحده الحين تسأل سؤال اشلون الحين من غير ريجيم اعرف اشكثر استهلك كالوريات (سهله اكتبي كل اللي تاكلينه بيومك من غير ريجيم مثلا تاكلين 5 برتقالات باليوم دوري بالنت البرتقاله الوحده كم فيها كالوري راح تلاقين انها 60 كالوري اضربيه بالخمس برتقالات يعني 300 كالوري وهكذ تحسبين باقي الاكل)
السؤال الي ممكن وحده ثانيه تسأله اشلون اقلل من الكالوريات وانا بوزني الحالي
تشوفين اكلك اللي تاكلينه باليوم من فطور وغدا وعشا
وتفرزين الاشياء اللي لايمكن تقدرين تستغنين عنها (يعني انا مثلا ما اقدر اقطع التمر والحليب بالفطور لكن اقدر اقلل كميتهم لكن بحساب الكلوريات السلطه عندي ثابته كميتها ما اقللها لاني احبها ) وتحذفين باقي انواع الاكل اللي تقدرين تستغنين عنه وتروحين النت وتبحثين عن الاكل اللي قررتي ان انتي تخلينه ضمن قائمة اكلك اليومي وتشوفين كم كالوري فيه وعلي هالاساس تضبطين الكميه علي الكالوري اللي تبين تحرقينها باليوم اللي اهي 1000 كالوري
هذي الطريفه تنقص وزن ولا تحرمكم من الاكل نفس الرجيم اعووووذ بالله من الشيطان الرجيم هههههههه
وكل الكلام اللي قلته (ادري تكلمت كثير لكن من كثر مو منبطه جبدي من خدعة الرجيم اللي البنات يطيحون فيها مساكين) يعطي انقاص وزن آآآآآآآآآآمن
وطبعا يابنات كل وحده تقول لنفسها انا خلال سنه بنزل 10 كيلو وتتبع الكلام اللي فوق بدال ماتمر سنه كامله واهي من ريجيم لريجيم والوزن يزيد
وتذكروووووووووا الاكل نعمه لازم نستمتع فيها وبنفس الوقت ما نزيد وزنا
وتري اول مره اتكلم عن نظامي في الاكل فاللي توافقها طريقتي وتستفيد منها لاتنساني من دعائها وجزاكم الله خير
آآآآآآآآسفه واعذروني علي الاطاله
|
المشاركة الأصلية كتبت بواسطة m2oooon
 السلام عليكم ورحمة الله
انا حابه اشارك معاكم بالموضوع اذا ما عندكم مانع انا بقولكم طريقتي شوفواحبايبي انا اكثر وحده اتحكم بوزني بدون ريجيم وخرابييط واراهنكم اذا في وحده سوت ريجيم واستمرت عليه اكثر من اسبوعين ماكسيمم وبعدها تهجم علي الاكل كانها وحش وتاكل الاخضر واليابس واتحدي اي وحده سوت ريجيم وما زاد وزنها اضعاف ما قبل الرجيم لا  نفس الشئ الريجيم تتحكمين بالجسم لفتره محدوده وبعدها جسمك راح يقول مو علي كيفك يلو)
ثانيا اكلي اكلك العادي وقللي جدا من الرز واقطعي البطاطا المقليه او بمعني آخر اقطعي النشويات من اكلك او قلليها بطريقه كبيره وزيدي اكل الخضار(تفنني فيها مره محموسه ومره مع مرق وهكذا) واكلي لحم لان اللحم لا يزيد الوزن وطبعا قبل كل وجبه اكلي 2 برتقاله (تذكروا ان البرتقال هو مكنسة الامعاء وكل البلا يصير لما الامعاء شغلها مايصير مضبووط) ااهم شئ الحين طبعا بعد العشا لا تاكلين لكن تقدرين تشربين اي شئ تبين الطريقه الثانيه اللي انا اتبعها حساب الكلوريات (وهذي لما اكون ابي انزل وزني حق عرس او حفله ) راح تحسبين باليوم كم كالوري تستهلكين يعني خل نقول 1500 كالوري اذن هاعدد معطيكي الوزن اللي انتي فيه حاليا اذن راح نقلل عدد الكالوريات باليوم اقل من 1500 فراح نقول راح نخلي المستهلك باليوم من الكالوريات 1000 كالوري + مشي ساعه = انقاص وزن من غير مجهود بشكل صحي ومن غير ترهل جسم وتري اول مره اتكلم عن نظامي في الاكل فاللي توافقها طريقتي وتستفيد منها لاتنساني من دعائها وجزاكم الله خير آآآآآآآآسفه واعذروني علي الاطاله |
جزاكي الله خخيير
هل ينفع اتبع طريقتك وانا حامل؟
اهو مايصير تسوين ريجيم وانتي حامل خل نتفق علي هالشئ اووكي
بالنسبه لطريقتي هي اكلك العادي بس قللي الكميه بس احتياطا لا تتبعين حساب الكالوريات وانتي حامل
لكن حطي جدول لاكلك قبل وبعد تقليله ووريه دكتورك واخذي موافقته
لكن اللي انصحك فيه ان انتي تمشين قد ما تقدرين
وفيه مقوله غلط يقولونها الناس ان المشي يسهل الولاده ماله علاقه (طبعا الله يسهل ولادتك ويرزقك بالذريه الصالحه ولاتنسيني بالدعاء اثناء الولاده ) المشي بالحمل ريااضه تحسن الجسم
وباللآخر لا تسوين اي شئ من غير استشارة دكتورك
وبقولك شئ خالاتي يسوونه وهم بالحمال كل يوم قبل لاتنامين ادهني جسمك كثير قد ماتقدرين بزيت الزيتون علشان ما تطلع خطوط تشقق من الحمل
وبعد الولاده علي خير انشالله ابتعدي عن شرب البيبسي او اي مشروبات غازيه نهائيا
والله يقومج بالسلامه انشالله
ولا تنسيني من دعائك