السلام عليكم كيفكم صبايا
استحلفكم بالله ساعدوني انا مرعوبه ع ابني
رح احكيلكو بالزبط
ابني عمره 7 شهور واسا بفترة تسنين الأسنان التنين يللي بالفك السفلي طلعو وما حس فيهم وعادي مرق الشي
اسا هو بضل كل الوقت يبكي وبحطلو جل التخدير وبعطيه دوا مسكّن
لكن مو كتير بفيدو
المهم الشي يلي مخوفني انه ابني بيكون عم يرضع او نايم بحضني بيفيق يبكي بصراخ متل كإن حد ضربو او نغزو.ابره وبيدخل بنوبة بكا هستيريه ايش السبب انه هيك بيصير؟؟
ولاحظت عليه اليوم انه رافض صدري كتير وبالموت ليرضع منى او حتى ببروه ما قبل كتير ؟؟
بترجاكم ساعدوني
واليوم
طبيعي اذا عن يطلعوا اسنانه يكون في وجع ويبكي ولكن اذا طولت معه قصة الاكل لا تترددي واستشيري طبيب الاطفال لا سمح الله لا يكون في شي غير الاسنان والله يطمنك عليه
|
حبيبتي تسلميلي هو بينقز مره وحده و بتصيبو نوبة بكا مو طبيعيه
يعني احيانا بحس لا سمح الله انه عليه عين حسد بعيد الشر
هل شي طبيعي نوبة البكا تصير من الأسنان؟
حبيتي هذا ا الشئ طبيعي لا تخافي انا بنت اختي كانت هيك
مجننة ابو اللي خلفونا عشان اسنانها
وتصحي من النوم صراخها يوصل اخر الدنيا
لانو حبيتي الواحد لما يصحي من النوم بيكون الجسم متخدر ولما يقوم ويفوق يحس بوجع وتعب ووهن
اكيد هو طفل حس بهالشئ..
فلا تقلقي يا قلبي وهاتي له عضاضة حتي يطلع قهره فيها
وطبيعي يبعد عن صدرك لانو متضايق
وفي النهاية حبيتي فترة وتعدي رح تتعبي اولها بعدين ترتاحي لما يطلعو
وربي يوفقك يا غالية
تحياتي وودي الك
كل اللي شرحتيه عن حالة ابنك بالتسنين عادية جداااااااا اعطيه عضاضة مثل ما قالت حبيبتنا (شوكو)
واصبري عليه شوي ولا تخافي فترة وتعدي باذن الله
انتي فقط انتبهي ليكون التسنين مصحوب باسهال بهالحالة لازمله طبيب اطفال
ان شاء الله تمر هالمرحلة على ابنك بخير وتفرحي بحبوه ومشيه وجريه وترجعي تشكيلنا شقاوته
ربنا يحفظه ويطول بعمره ويهنيك
نصيحه اذا عندك شب بلليه بالمي ومرريه على
اسنانه والله راح يخف كتير مجرب=)