السلام عليكم ورحمة الله
دى اكلة سهلة للعرايس والمبتدئات وبتبقى حلوة اوى فى العزومات
بس قبل ماكتب اى حاجة عنها
متنسونيش فى الدعاء ان ربنا يفرجها عليا ويرزقنى بالزوج الصالح
نبدء بقى ياقمرات
المكونات
فرخة بلدى
4 بطاطس
مقادير التتبيلة
بصلة
م ك مستردة
2 م ك صويا صوص
ملح وفلفل
م ك بابريكيا
2 م ك خل
ليمونة
بشر جزر اختيارى
قليل من الزعتر الناشف
هنخلط مقادير التتبيلة مع بعض ونتبل بيها الفرخة كويس وندعكها كويس ونتبل مابين الجلد والعضم
هنسيبها يوم بايتة فى التتبيلة
هنجيب صينية نقطع فيها 4 بطاطس وعليهم رشة ملح وفلفل
نحطها ع النار يعنى البطاطس بس لونها يتغير هنشوحها يعنى
بعد كده نجيب الفرخة نحطها هى والتتبيلة على البطاطس
نغطى الصينية ونسيبها ربع ساعة على البوتاجاز لغاية ماالفرخة تجيب ميتها بعد كده قلبت الفرخة بعد كده ندخلها الفرن
انا عملتها فى فرن الكهربا على حرارة 180
هتقعد حوالى ساعة فى الفرن
بعد ساعة الا ربع نجيب شوكة عشان نشوف الفرخة استوت ولا لسة
ان كانت استوت هنطفى
وهندخلها فرن البوتاجاز ونشغل الشواية عشان تاخد لمعة من فوق
ونغرف وتتاكل بالهنا والشفا
هسيبكم مع الصور بالترتيب والتفصيل
ياريت تكتبى اسمك واسم المنتدى على الصور
نشيطة يامونى فى منتديين نزلت الطريقة فى نفس اليوم
ههههههههههههه شطورة
وحتكمل شطرتك لما تكتبى اسمك واسم المنتدى
لانه من شروط منتدى سيدتى ومو مثل هناك خخخخخخخخخ
نزلتها فى 4 غير ده ياقمر
بالنسبة لتصغير الصور والكتابة عليها فانا مش بعرف خالص
ما شاء الله يا شيف موني روعة تسلم يمناك
والله شكلها روعة والفرخة بتشهي كثير
ربي يسعدك ويرزقك الجنة يا رب
يعطيك العافية
وصفة رائعة