]
بسم الله الرحمن الرحيم
السلام عليكم ورحمة الله وبركاته
يالله انكم تحييهم
يامرحبا
بالي وجهها يطالع بموضوعي
ثم يبتسم
جعل الابتسامه ماتفارق هالشفايف
يالغاليات
قبل لادحدرد على موضوعي خخخ
خليني اقولكم موقف لي
مابي من وراه
الا ابتسامه جميله
تطلقينها على فمك المبرطم
وحواجبك المنعقده ههههههههه
انا قبل لما كنت بالجامعه قبل لاتخرج
كنت تدرون المكافاه ناخذها وكل جامعه وتخصص لها مبلغ معين
المهم
اول ماستلمت المبلغ
ورحت مع الاهل للسوبر ماركت((البنده))
اخذو عربيه
واجي انا الشيخه الي خلاص صرت اعتمد على نفسي اخذ عربيه لحالي
ويالله من قدي
ههههههههههههههههههه
ولما جينا بنحاسب
ابوي
ويلتفت يدورني
والا يشوفوني
رافعه الراس
وصالبه الظهر
واناظر فيهم بطرف عين
قلت خلاص صرت اصرف على نفسي
هههههههههههههههههههههههههه
ويجلس يفطس ضحك
وارتاح من مصاريفي ههههه
هذا قبل لاتخرج ولما جيت اتخرج
نفس المشهد
بس وانا اختكم
بعربيه وحده ههههههههههههههههههه
معهم
الله يرزقناويخلي لنا اهلنا
قولو آآمين
صرت كذا امشي احط الاغراض الي ابيها
وشوفو التنكيت علي عاد
قبل ظهري مرفوع اللحين منزله راسي ههههههههههههه
اللهم لك الحمد والشكر كما ينبغي لجلال وجهك وعظيم سلطانك
هاه عسى ابتسمتي ياجعل الابتسامه ماتفارقكم ابدا انتم ومن تحبونه
خلصنا للمقدمه
نجي للموجز
ههههههههه
اكيد ياحبيباتي
فيه منكم من تبغى تتصدق
بس ماتعرف ناس
ولاتثق بالتبرعات من كثر مانسمع عنها
ومع ان في جمعيات خيريه ماشاء الله
بس
اكيد تبغين بنفسك تعملين هذا الشي
علشان
تحس بشعور العمل
وانا اولكم
لذا اختكم سر ابوها
بقولكم طرق رائعه ومابي
منكم الا دعوه صادقه
الطريقه الاولى…
صدقه السر
وماادراك عن صدقه السر
مدحهم الله سبحانه
عمل سر بين العبد وربه
وللعلم الصدقه مو لازم مال
والله لو احتسبتي الاجر راح تاجرين
ولو عل علكه
لاتحتقرو من المعروف شيئا
صح تحمستو ههههههه
هو….
يالغاليات
لما تروحي للسوق .. او لمنتزه..او لملاهي…المستشفى
او لاي مكان سؤاء مع اهلك..او لوحدك
او مع زوجك واطفالك
صح تمرون تاخذون اغراض للرحله
او توقفون عند البانزين وكذا
نصيحتي..
خلي بشنطتك دائماكيك ..عصير..علوك..
شوكلاتات..كرسون..
اي شي
ولما تروحي وقفتي عند محطه اعطي العامل
او للمنتزه تشوفين العمال يكنسون
روحي لهم واعطيهم
او في المستشفى الي ينظفون اعطيهم
او مثلا جائه من مشوار وتشوفين الحر
كيف
لو تمرين البقاله وتاخذ عصاير بارده
وتمرين العمال الي على الطريق
يحفرون تعطينهم
اطفال عطيهم
تشوفين خدامات عطينهم
يعني بالحرف الواحد
لاتحتقري من المعروف شي
وخلي نيتك انها
والله
بس
شكر منهم
ابتسامه
ماتدرين كم عظم الثواب من رب العالمين
يمكن تتمنين شي
ربي يحققه لك
ربي يدفع عنك الشر
يسعدك..يرزقكك
خليها سر بينك وبين خالقك
وتخيل الشعور
كيف
عمل صالح وسر بينك وبين رب العالمين
الطريقه الثانيه..
على الحيوانات..اكيد وحده شرقت تقول اخاف..هههههههههههههههههه
مو قلت طارديهم بالشوارع
واركبي السياره
وعن عن تفحطين وراهم هههههههههههه
او تركضين وراهم بالشبك هههههه
اضحكي ^^
لا يالغلا
لما تسوين بالبيت غداء او عشاء او فطور
راح يبقى
بقيه مثلا الرز
خوذيه بصحن
وحطيه بالسطح
او الحوش
او ان شاء الله عند الشباك
بثيه
وتجي الطيور تاكل منه
او
الليله ذيك شويتو
وعاد تعرفون القطاوه تحوم حولكم ههههههه
خوذي قطعه وحطيها بصحن وعطيها او بقطعه منديل
او في الجو الحار تحطي مويه في صحن
وترقينه السطح
تشرب منه الطيور
او تفتحي الحنفيه للحديقه وتخلينها تنقط بس نقط خفيفه
تشرب منه ولك الاجر
وكله سر بينك وبين ربك
وصدقه تقربا لوجهه الكريم
ولاتحتقرون
وتعرفون قصه البغي الي ربي دخلها الجنه
لانها اسقت كلب فقط شربته مويه
وربي غفر لها ذنبها
وهي بغي زانيه
الطريقه الثالثه..
انتي موظفه او طالبه او ان شاء الله ربه منزل
او بنت
كل مايجيك فلوس بيدك
تكوني مجهزه لك محفظه خاصه
وتحطين فيها كل يوم ريال او هلله
او مايفتح الله عليك
واخر الشهر يجي معك مبلغ
تصدقي فيه
فالي تبغين
وولاتخافي
مانقصت مال من صدقه
والله عن تجربه ربي يبارك لك في المال
لدرجه يحسبون انك تسرقين
من كثر ربي مبارك فيه
لدرجه ا
انا ماكنت احس بالفلوس اول بلمح البصر تطير
بس ماشاء الله
اصرف واصرف واشوف باقي معي مبلغ
فلا تحقرو من المعروف شيئا
الطريقه الرابعه…
اماطه الاذى عن الطريق
نعم لاتحتقري من المعروف شيئا
للاسف انا اشوف والله اكل مكبوب
او عصا اوسيكل يسد الدرب
او عربيه للسوبر ماركت تسد الطريق
فاحتسبي الاجر من رب العالمين
واميطي الاذى عن الطريق
وان رجل دخل الجنه بسبب ان جذع شجره
توذي الناس فقصها
الطريقه الخامسه
للاخت العامله تشتغل بمدرسه او شركه
او اي مكان
او طالبه جامعيه
استفيدو من اماكن تواجدكم
العامله اكيد تعرف بنات محتاجات
لو تعطينها وتشتري لها فطور
لكن بطريقه تحفظ لها كرامتها وبسر
عامله نظافه
عطيها من العصير او اشتري لها فطور
وبالجامعه ايضا
واكيد جمعات الحريم لايخلو منها الاكل
والحلى
لو تسوين صحن حلى محد يدري عنه
وتحطينه بصحن بلاستيك
وتعطينه للعاملات
او باقي اكلمكم النظيف منه
تعطونهم بدال ماتكب النعمه في القمامه
ويكفي تدخلين الفرح بقلوبهم
الطريقه السادسه..
الابتسامه
نعم وش فيكم تناظروني كذا نعم الابتسامه
مو ابتسامتك في وجه اخيك صدقه
المشكله هالايام قامو يفهمون غلط
اذا جيتي تبتسمين بوجه وحده
تقول خير ان شاء وش تبي ذي
معجبه ؟؟؟؟ 
نعم هذا كثير نشوفه بالمدارس وخاصه بين الطالبات والمراهقات
حتى الكبار بعد
وانا عايشته
تجين تبتسمين يقولون خليك ثقيله
ماغير تبتسمين اربعه وعشرين ساعه
طيب
بسال سؤال
هل يسبب سرطان مثلا؟؟
ترا مابقى يقولون يسبب ماعليهم شرها
فابتسمي
خلي وجهك محبب للصغار والكبار
ويكفي قدوتناوحبيبنا النبي عليه السلام
ابتسمي
ابتسامه لطيفه برئيه هاديه
مو تطالعين بالبزر او الحرمه وتبتسمين ابتسامه تروع وماطه الحواجب ويصاب بكوابيس بالليل هههههههههههههههههههههههه
لا ابتسامه عفويه حتى بوجوه اعداءك
والله انك الرابحه
1-تكسبي اجر من رب العالمين
2-هذا راح يذبحهم اكثر ويحسو على دمهم
لكن
من صدق نيه تبين الاجر من رب العالمين
الطريقه السابعه…
عن طريق النت نعم اخيه عن طريق النت
لاتحتقري من المعروف شيئا
اخت لك عندها مشكله ساعديها
وطيبي خاطرها بكلمتين
سولفي معها
وهي راح ترتاح لك
وتبتسم
تردين على مواضيع
لو بدعوه صادقه ولاتنسين انك تدعين لنفسك قبل
وقصــــه اذكرها لكم
انا سمعتها بنفسي
هي امراه ربي منعم عليها بالصحه والمال
وانسحرت وسبب لها شلل
فنصحها الشيخ بالصدقه
والحمد لله خلال كم شهر
شفيت
تقول الاخت
انا كل يوم اطلع مع السواق
وامر بالشوارع والحارات ادور العمال واعطيهم
وشوفو سبحانه ربي كتب لها الشفاء
بعمل بسيط جدا
حبيباتي…
شفتو كيف سبحانه ربي منعم علينا بالاشياء
برخص التراب لكن الاجر كالجبال
واعظم بعد
ولاتنسو ان الصدقه تطفي غضب الرب وتدفع ميته السوء
وانها
معالجه للمرض
كما قال الحبيب عليه السلام
اهم شي نيتك رضا الله سبحانه وتقربا اليه
ولما ترضيه
فابشري اخيه
راح يرضيك
ويسعدك
ويحقق امانيك
ويكفي ماورد في الحديث
فيما معناه
ان احب الاعمال الى الله سرور تدخله على قلب مسلم
و
هذا الي اقدر اقوله لكم
ومثل ماحب لنفسي احب الخير لكم
لذا حبيبه قلبي
ابتسمي
شفتو اخذت كل اجر اخت دخلت وابتسمت
وماسويت شي الا كتبت هنا فقط
ان شاء الله ماكون طولت عليكم
وانصحكم
دائما خلو لسانكم رطب بذكر الله
ودائما اشكرو الله سبحانه
والله لو على لبس او قلم
او كاسه مويه
او تمره
انتي الي راح تستفيدي برضا الله
وراح يزيدك خير
وان شكرتم لازيدنكم
و
مابغى منكم الا رد يرسم الابتسامه في وجيهنا ووجهي خخخخ ^^
ودعوات طيبه
ان ربي يثبتني على دينه
ويرزقني حسن الخاتمه
ويشفيني
ويغفر لي ولوالدي
والمسلمين اجمعين
واتمنى
من كل اخت غاليه
ترسل الموضوع هذا
بالايميل
وتحتسب الاجر وكل من عمل به
هذا
واصلى واسلم على نبينا وسيدنا وحبيبا
محمد صلى الله عليه وسلم واله وصحبه اجمعين
كتبته…اختكم سر أبوها
والسلام عليكم ورحمه الله وبركاته
مشكوره وماقصرتي
الله يسعدك دنيا وأخره
ويغفر لك ولوالديك
موضوعك رائع واروع منه روحك ونيتك الطيبه
بصراحه يسعدني ان اكون اول من يرد علا هذا الموضوع الاكثر من رايع ……………………………..
ااعجز عن الشكر لااعرف ماذا اقول كلام جمييل الكثير من يغفل عنه ومنهم انا……………………………
ذكرتيني بموقف صار مع اخي وصاحبه بلعمل
مرو علا ناس وهم جالسين والقئ عليهم السلام وسألهم عن الحال
قال زميله تعرفهم قال اخي لا قال اجل الي يشوفك يقول مراحمهم كمان تضحك معاهم وتسلم عليهم والله عيب اشوفها لقافه منك
……………………
والله صادقه علا بالهم عيب اويبجيهم سلطان
اشكرك دعوه صادقه للمر بلمعرووف
وفقك الله ورعاك واعننا واعانك علا فعل الخيير
الله يجعلها في موازين حسناتك
جعله الاله في ميزان حسناتك
وجعله في موازين حسناتك …