صديقاتى انا عضوه جديده كل محس ان الدنيا ضاقت بيا اكتب ليكم
عشان مش بحب حد يشوف دموعى وبشكى لربنا دايمامتزوجه من اربع سنوات حملت خلالهم مرتين المره الاولى حملت بعد اربع شهور من الجوازوفرحت جدا لكن مع الاسف اكتشفنا انه حمل خارج الرحم وعملت منظارونزل الحمل بعديها بسنتين بعد علاج طويل حملت مره تانى وفرحت وقولت ربنا عوضنى لكن الحمد لله نفس اللى حصل المره الاولى حمل خارجى نفسيتى ادمرت حالص وجلست فى المستشفى انتظر موعد العمليه
اقسم بالله انا اليوم دا منمتش وانا ببكى وبقول لربنا انا مش عايزه اتعب تانى ولا اتبهدل انا فى العمليه الاولى من كتر التعب كنت بعمل حمام على نفسى وصعبت عليا نفسى جدا والله العظيم يا اخواتى جهزونى لغرفة العمليات وبعدين اتفاجئت بدكتوره بتقولى استنى متدخليش العمليه فى دكتوره حابه تكشفلك قبل العمليه قولتلها ماشى كشفت الدكتوره وقالتلى انتى مش هتعملى عمليه انا هديكى علاج وهينزل فرحت جدا ومكنتش مصدقه نفسى وفعلا نزل بالعلاج وقالتلى لوكنتى عملتى عمليه تانى كنتى هتدمرى بس خايف حاسه انى مش هحمل تانى تعرفو حد حمل طبيعى بعد الحمل الخارجى معلش انا دوشتكم بس والله من تعبى وزهقى
السلام عليكم…حبيبتي لا ترهقين نفسك بالبكاء توكلي على الله فهو حسبك..الله إعوضك أحسن إن شاء الله…أنا مثلك حصلي حمل خارج الرحم خمس مراة في عام واحد بسبب هبوط الرحم وكثرة أشغال البيت ولاكن الحمد لله ما عملت عملية نزل بالدواء..تتبعت نصائح الطبيب ونمت على ضهري ثمانية أشهر ما أتحرك حتى لخلاء أعزك الله.. والحمد لله أنا بالأسبوع الأخير في الشهر التاسع أدعولي الله إفرج علي…ثقي في الله الله يرزقك الذرية الصالحة
ويرزقك الحمل السليم ويثبته اللهم امين
الم تقرءي قوله عز وجل ومن يتوكل على الله فهو حسبه
سلمي امرك لله وان شاء الله يرزقك الذريه الصالحه
ويرزقني معاك
وتكون ولادتك سهله امين يا رب العالمين بس امانه ادعيلى وانتى بتولدى متنسنيش انا اسمى عبير