السلام عليكم اخواتي
عندي مشكله واتمنى القى الحل عندكم ( انا لي اخت بالجامعه سوت فينا مصيبه الله ياخذها 
تخيلو اخذت رقم واحد من اقربنا من جوال ابوي وجلست تراسله على الواتس المشكله انو طلع لعاب راعي بنات لانه علطول شبك معها وماكان احد يدري بس الحمدالله طحت عليه وكشفت الموضوع وجلست تبكي بس وش يفيد الحين انا بسالكم وشلون الغي شريحه الجوال من الاسم لاني خايفه يروح يسال عن الرقم ويعرف من نكون الله يستر واخواني ماقدر اقولهم علطول بيشكون فينا 
وابوي الله يكفنا شره 
ابي حل الله يسعدكم انا الحين سويت له حظر بالواتس بس ابي الغي اسمننا من الشريحه يعني فيه رقم اتصل عليه وانا بالبيت الله يوفقكم ساعدوني والله على اعصابي ججالسه كل ما دق جوال ابوي خايفه يطلع هو الله ياخذ هالغبيه اختي
انتظركم على احر من الجمر
الله يوفقك ويستر عليكن
دددددعووووووواتكن لي
ترى الدعووة ماتستاهل قوولي الله يهديها
وبعدين انهي الموضوع واكسري الشريحه ولاتتعبين حالك
واختك ادبيها وكفخيها واضربيها واعفصيها واقطعي شعرها
بس دعووة ان الله يااخذها من هذي الدنيا بااكملها حراام ترى باامكانك تلغين الموضوع بسهووله
ومافي دااعي للقلق بما انها غلطت اختك تتحملها ،، واختك اللي اذنبت مو انتي
صحيح خوفا عليك من كشفها او الفضيحه الله يستر
من المستحسن انك تخبرين الوالده تاديبا لااختك ترى ماينفع بعد كذا بترجع
الله يهديها ويهديك
شريحة وانتهى الموضوع لاتكبري سسالفة وتدعي ع اختك اصلا مافيك خير انتي لو فيك خير كااان ماتدعين الله ياخذها اجل وش خليتي للغريب
وستري ع اختك مو كل شوي تجيبلها سسسالفة
|
المشاركة الأصلية كتبت بواسطة مرام العازمي
 اذا انتي من السعوديه ماتقدرين تلغين اسمك بيقولون لاتشحنين وتنفصل عادي لكن شوري عليك مثلا لو رحتي حديقه او مكان عام تاخذين الجوال وتحذفينه بس اول شي تفرمتينه ولماترجعين البيت تصارخين ان الجوال انسرق او ضاع يعني لاسمح الله لو الي يقربلكم عرف ابوك بيكون عارف ان الجوال مسروق او ضايع وعادي تقدرين تقولين اكيد احد سارقه ويراسل باسمنا عشان يخرب سمعتنا وصل الله وبارك وانتهت المشكله
الله يوفقك ويستر عليكن دددددعووووووواتكن لي |
طبقي كلامها ارمي الجوال او الشريحة اكسريها
وقولي لاهلك ان الشريحة ضاعت من فترى وماتدرين وين ضاعت يمكن بمول او مجمع
مرة فكرت الاخت تجنن ^_^
واختك لازم تتادب عشان لاتفكر تعيدها
بس ماينفع تتادب ع طريق ابوك لانها سمعت عايلتكم
انتي ادبيها ولعاد تخليها تمسك جوال
ربي يرزقك ويها بزواجن صالحين
دعوواتكم
يعني حتى لو كسرت الشريحه راح يعرف كانت بأسم من
وماطلعت منها الدعوه الا من الخوف ولانها تدري وش ممكن يسوون أهلها فعشان كذا طلعت تلقائي منها فاهمين علي انتم مو قصدها اختها اكيد انها اغى من ما عيونها بس لحظه غضب وخوف خلتها تقول هالدعوه اللي مو من قلب
الله يخليها لهم ويحفظها ويهديها ان شاء الله
شوفي حبيبتي نفس ماقالو الخوات مالك الا انك ترمين الشريحه وتقولين الجوال انسرق وخبي الجوال عندك او ارميه مع الشريحه مافيه غير كذا
الله يهدي الجميع ان شاء الله .بس فعلآ صعبه حتى لو قالت الجوال انسرق بيقولن اللي سرقه وش عرفه لرقم جوال الرجل وارسله ماأرسل الا انه كان مخزن الرقم يارب سترك
يارب الخوات يساعدنك بفكره حلوه
وانتي مالك الا ربي سبحانه ادعي ان الله يستركم وان الله يهدي اختك ولاتقلن لأحد ابد مدام ان الموضوع ماأنكشف للحين
الله يكون بعونكن