السلام عليكم
كيفكم ؟؟
ان شا الله كلكم تمام حبيباتي
انا اليوم جبتلكم خبر مفررررررررررح
ربي يسعدكم يارب
من شهرين حطيت موضوع بقسم مشكلتي
عن مشكلة صارتلي وكنت حزينة ويائسة كثير
رح اعطيكم نبذة عن المشكلة وبعدها احكيلكم شو الي فرحني هالحين
مشكلتي كانت اني تعرفت على شاب بالنت وكذبت عليه ماقلتلو شكلي الحقيقي وكثير اشيا
وهو كانت نيتو صافية عرفني على امو واختو وحكيت مع امو كذا مرة بالتيليفون
ولما قررنا نلتقي من شان يجي يخطبني
مارحت وقلتلو انو كذبت عليه واني اسفة كثير واني كنت خايفة يكون بيتسلى
طلع ابن حلال وماكان ناوي يتسلى وغصبا عني انا الي تسليت فيه
بس والله ماقصدي لأني كنت خايفة وكان ببالي انو مستحيل اتزوج حدا عرفتو من النت
بعد ماعرف اني كذبت عليه غضب كثير لأنو كان متفق مع اهلو يجو يخطبوني بأسرع وقت بس انا الي حظي 
كنت متأكدة انو خلص مارح يرجع ابد بعد هالكارثة الي عملتها معو
وحطيت موضوع في هالمنتدى وكثير بنات حكو معي وقالو انو الي عملتو عين العقل يعني ماكان من حقي اعرف حدا من النت اصلا
وحبيبتي محبة ذو الجلال ساعدتني كثير
بعثتلو رسالة قلتلو من ترك شيئا لوجه الله عوضه بخير منه وانا اريد الله يعوضني بيك انت، واني تمنيتو يكون زوجي بس لو الله مو كاتب هالشي مارح يكون زوجي، واني اصلا غلطانة يوم ماتعرفت عليه، وانو ماكان لازم نحكي من الأول لحتى ما اكذب عليه ، مارد على رسالتي
وانا مااتصلت بعد هالرسالة قلت خلاص كل واحد راح لحالو
بس بيني وبينكم كنت دايما بدعي في كل صلاة انو ربي يجعلو هو زوجي
وكنت بدعي دعاء حلو كثير نصحتني بيه حبيبة قلبي واختي محبة ذو الجلال
وكنت باستغفر كثير وبنية انو ربي يقبل دعوتي ويجعل هذا نصيبي لأني تمنيتو فعلا يكون زوجي وابو اولادي ويكون سندي في هالدنيا لأنو نادرا مايكون فيه شباب بصدقو وبطيبتو والي خلاني احبو اكثر انو خلوق جدا وكل كلامو كان عن اهلو وعن حياتنا لما نتزوج كيف لازم نصلي مع بعض وعن اولادنا كيف بنربيهم على سنة نبينا صلى الله عليه وسلم ، وكان دايما يقولي لازم اعرف عنوانكم بأسرع وقت من شان تصيري حلالي ومانغضب ربي سبحانو حتى بالكلام، المهم بعد المشكل الي صار بينا انقطعت كل اتصالاتنا
وفي يوم اتصلت امو قالتلي يابنتي بريد احكي مع امك، خفت كثير ومافهمت ليش بدها تحكي مع ماما؟؟ اتلبكت كثير ومافهمت شو رح احكي ولا كيف رح احكي؟؟؟ قلتلها ليش؟ قالتلي بدنا نجي نخطبك واكيد لازم نحكي مع اهلك الأول، انصدمت وفرحت وفي نفس الوقت مافهمت كلامها صح ولا ممكن في عندهم فكرة انتقام؟؟؟؟ 
قالتلي انو ابنها…. (اسم حبيبي زوجي هلا الي بموت فيه
) تعرف على ابن اخوكِ في الانترنت (لأني لما كنت انا وياه على اتصال قلتلو انو ابن اخي بيدخل عالمنتتدى الي كنت مسجلة فيه واعطيتو رابط صفحتو فهو تعرف عليه ) وحكالو كل شي وقالو اني بدي اتزوجها، لما كانت تحكي معي مافهمت افرح او ابكي او شو اعمل؟؟؟؟؟؟؟؟؟ 
واعطيت لأمي التيليفون ورحت توضيت وصليت وبكيت كثير
وتمنيت لو كنتو معي فهاللحظة لتشوفو سعادتي
يعني ربي سبحانو استجاب لدعائي
بعدها بأسبوع اجو ليتنا
وطلبو ايدي
وفي الرؤية الشرعية كان ابي وابوه معنا
لما دخلت الهم تلبكت كثيييييييييير
وصار وجهي مثل البندورة الحمرا ههه
وهو خجلان اكثر مني
ولما قلتلهم موافقة كان شعوري كأني ملكت هالدنيا كلها
ولما روح لبيتهم اتصل فيني رديت قلتلو سامحني لأني جرحتك كثير
قالي تعرفي ليش ضليتي ببالي؟رسالتك هي الي خلتني اعمل المتستحيل من شان تكوني زوجتي حلالي
وخاصة :من ترك شيئا لوجه الله عوضه بخير منه وانا اريد الله يعوضني بيك انت،
والحمد لله امبارح كان حفل خطوبتنا
واسعد يوم بحياتي
تمنيت لو كنتو معي
الله يسعدكم مثل مااسعدني ويحقق امانيكم
حبيبتي محبة ذو الجلال ربي يرزقك من فضلو ومايحرمني منك حبيبتي
واللف الف الف الف مبروك
تحياتي
بس انبهك حبيبتي
في العنوان كتبتي كلوا تمام بفضل الله وبفضل……….
ما يجوز يالغاليه
لازم تكتبي …بفضل الله ثم بفضل………
وفي كل شي ما تجمعي مع الله احد بحرف الواو
لا ..لازم تقولي ثم
ثانيا
احبب تنبيهك لعنوان موضوعك
لاتقولين بفضل اللة !!!!!!!! …….((.و))فلان الالاللالالالا
قولي بفضل اللة ثم فلان او بفضل اللة فقط وربي يوفقك لما يحب ويرضى
وشكرا للتنبيه والله ماكان قصدي
ربي يسعدكم وينور دربكم يا الغاليات على قلبي
ربي يفرح قلبي مثل مافرحك
بس يريت ترسليلي على الخاص الدعاء الي كنتي بتقوليه في الصلاه
لان قصتي شبيها بقصتك بس انا فيها مشاكل الله يخارجنا منها بس
في هذا اليوم المبارك
وان شاء الله الف مبروك وتعيشوا اسعد ناس
امين رب العالمين