السلام عليكم ورحمة الله وبركاته
بدايه والله الذي لاله الاهو اني احبكم كلكم ياخواتي وانشالله التقيكم بالجنه يارب
اليوم حابه افضفض لكم عن علاقتي بحملي الاول واحمد ربي على نعمته
باحكي لكم عن شخصيتي
حنونه حبوبه خدومه وبالي وسيع على الاطفال من يومي كذا احس بيت مافيه طفل موبيت يارب يرزق كل محروم بالضنا 
قصة حياتي عمري مافكرت اصير ام ابد
خواتي تزوجوا وجابوا عيال بكل ولاده لهم كنت افرح واطير بالصغار كنهم عيالي كبرت وماتزوجت عديت الثلاثين وماتزوجت ومع ذالك صابره
صابره على كل شي تحملت نظرة الناس وشفقتهم وصلت لعمر 34وبيوم من الايام
كنت متناكده وزهقانه وصليت وخشعت يابنات بقمة لهفتي لربي ودعائي قلت يارب اكتب لي الولد الصالح اللي ينفعني ويشغلني
يابنات وربي شاهد علي دعيت ان ربي يزوجني بس عشان الولد وذكر بعد
بصراحه احب الاولاد والبنات بس الاولاد لهم معزه شي ثاني بقلبي
المهم تزوجت
باول شهر كنت احلم بهالولد
واجهت مشاكل مع طليقي
والحمدلله ربي رزقني بالحمل من ثاني شهر
المهم يابنات طليقي مدمن مخدرات وحشيش وخمرررر
شفته لاول مره سكران وانا حامل شهر الخامس
رحت صليت وع طول دعيت ربي يكون ولد
ولد عشان اذا انفصلت ماياخذه مني ولد عشان يكون مسول ع نفسه وعن امه اللي انقذته من بيئه ابوه
رحت سويت سونار وهو مايدري كنت خايفه ابيه ولد يجبر كسري
يجبر فرحتي اللي اهدرها زوجي
ولما قالت لي انه ولد حمدت ربي على نعمته حمدته على هديته لي
قبل اكشف تفاصيل حملي
الشهر الاول طبيعي
الشهر الثاني الثالث الرابع نزيف يجي ويروح بسبت المشاكل والمعامله السيئه والاجهاد النفسي والجسدي
كنت اعامل كاجاريه شغاله مالي حقوق زياده ع بخل وجهل وعنجهيه
نرجع لشهر الخامس عرفت اني حامل بولد وعرفت انه سكران هربت لبيت اهلي شهر قعد يترجاني ارجع رجعت بعد الاستخاره رجعت واهلي رافضين رجعت ماهو له رجعت عشان ولدي قلت انا ام وخلاص لازم اضحي عشان طفلي وبس
قعدت الشهر السادس السابع الثامن اجهز لطفليوحياتي مستقره الا التعب الجسدي والثقل كان ماثر علي
كان شكل حملي حلو بطني صغير على اني سمينه بس كان طفلي صغير لاني ماشرب ماء واكلي زفت لان نفسيه ووحام فاثر داهمتني الولاده
وانا باخر ليله بثامن
تخيلو على انه ناقص شهور على ضعفه على انها اول تجربه ولاده والله راح الخوف ونزل ع قلبي سكينه وفرحه بشوف ولدي حشاشه جوفي
ولدت الحمدلله طبيعي طلع ضعيف بس ربي سلمهقضيت الاربعين عند اهلي
تبدل حال طليقي لي للاسواء كان يجي يشوف الولد ومايسلم علي ويتتنرفز ويرسل رسايل تهديد لي ووعيد يهتم بطفل وانا لا
رجعت عشان طفلي موعشانه
مشاكل ويهددني برمي الولد بزباله
قااام يضغط علي بطفل
اقول له ختنته يقول هو يختن نفسه
وصل عمر صغيري ثلاثه اشهر ونص
كان الولد تعبان يبيله علاج شعبي ورفض الطهاره ويتافف ويهاوش
تهاوشنا مره باليل
لانه كان محشش اوسكران مدري
طردني من البيت اخذ طفلي من يديني وحبسه بالغرفه وطلعني من البيت وقعد يهددني انه يرميني عند اهلي وماشوف طفلي استغفرت تاسفت له مو عشانه تفكيري لم طفلي رجعني البيت رحت صليت وانتضرت يجيب لي ولدي كان عنده بالمجلس وكان يدخن والولد مارضع ولاغيرت له تعرفون يامهات شعوري كان مثل التايه اللي ضيع دربه كنت مثل الغريق شعور ابد مو زين
جاء الصباح اعطاني ولدي واعتذر بعد ايش الاعتذار خلاص معاد ينفع
اخذت طفلي وسكت ماتكلمت غيرت له ونظفته وبدلت ملابسه
يومها مارقدت بس افكر كيف ااهرب واخطط
قعدت اسوي نفسي انظف وانا اجمع احتياجتنا الضروريه
صور ذهب احتياجات طفلي بشنطته
قبل ماطلع صليت واستخرت ربي لقيتني مصممه على الهرب
طليقي مارقد الا الظهر بعد ماشبع من سكره
سويت نفسي نايمه وانا لا وهو كان راقد بالمجلس وانا بغرفتي
الساعه اربع العصر من يوم 18/11/1434
هربت هربت يابنات لميت اغراضي ولبست عبايتي واخذت طفلي وهربت هربت وانا خايفه مذعوره انه ياخذ الولد مني
وربي ماخفت اكثر يوم من هذا اليوم
جريت بشارع وانا اتلفت واسرع والسيارات تتفرج في
يعني تخيلو شارع مليان عالم كنت خايفه يجي وراي ويفضحني دخلت مشغل جنبنا واتصلت ع اخوي
ورحت لبيت اهلي بيت الامان
ومن بعد ذاك اليوم معاد شفت طليقي
شفتوا قصتي والله العظيم انها واقعيه بتفاصيلها
هربت وختنت ابني وفتحت له ملف بالمستوصف
وابني حاليا عمر ه تقريبا سنه وخمس شهور لاني ولدته بشهر ثمانيه عام 1445
وهربت بشهر 11 من نفس السنه
وطلبت الطلاق من دون رجعه
ورفض واهلي هدود بالمحكمه وطلق 
الحمدلله
وخلصت العده وابني معي بحضانتي وماراح اتنازل عنه ابد
اللي متعبني حاليا ابوه
لانه يطلبه يشوفه وهو مو كفو مو كان يبي يرميه بزباله وش يبغى اجل
بس اردد دايم حسبي الله ولي فيه وان الله يعطيه مشكله اقوى من ماسبب لي اياه من وجع وقهر
الله وللي فيه
شفتوا قصتي اللي ابيه منكم مافي وحده تسخط وتقوي ثقتها بربها لا صدق ربي كان معي ومازال معي الحمدلله
حاليا ماياست الحمدلله صح احيان اتذكر وازعل بس مجرد ماذكر ربي وربي ارتاح كملت دورة حاسب ع شهادتي الجامعيه بس عشان اتوظف عشان خاطري ولدي وامن له كل احتياجاته وماخليه يحتاج حد
ادعولي ياخواتي تكفوون
ويرزق كل محرومه يارب
ويعوضنا
الحمد لله تطلقتي منه ورزقتي بولد
الله يحميك ويحفظ لك ابنك
ويحميهم ويتربوا وبعزنا ويطول باعمارهم
يارب
الله يبارك فيك ويعطيك الصحة والعافية
احيي فيك شجاعتك واصرارك على النجاح
صراحة….. الكلمات خاينتي ومو عارفة اوصلك شعوري
واعجابي بشخصيتك
ربنا يحفظك ويحفظلك ابنك ويكتبلك ايام حلوة
ابقي على ماانت عليه وربي يفرج كل همومك ويعطيك كل ماتتمني في هذه الحياة
وربي يخلي لك ابنك ويصير رجال بمعنى الكلمة ويعوضك على كل لراح منك
هي كذا الام تدافع عن أطفالها لاخر يوم بعمرها
من دوافعي لطلاق
تخيلت ابني مرمي بزباله تخيلت يبندني عنه تخيليا يقهرني فيه تخيلت يقتلنا تخيلت يشرب قدامه ويحشش تخيلت يضرب الام قدامه ويضربه ويهينه تخيلت طفلي يتأثر لأبوه ببيئته تخيلت يتعلم منه كل شي
وهو مدمن لاو سكير يعني لو يسوي شي بيكون فاقد الوعي مايدري
بصراحه تفجرت عندي الامومه وصمتت اهرب فيه لبيت اهلي
ع اقل اهلي عائله مترا بطه ويحبون بعض وخواله طيبين وما عندهم هالبلاوي وبيتهم نظيف
الحمدلله بس
مشكورات حبيباتي
وقبلت صداقتك يامرام البسمه فعلا كلكم خواتي وقريبات مني
مشكورات جدا
والله ياحبيبتى بكيتينى ونزلت دموعى مطر الله يكافأك على صبرك ويجعل ابنك شيخ مثل ماتتمنيت ويحفظه الك بحق العليم القدير