بسم الله الرحمن الرحيم
الموضوع للنشر انشروهـ على كل منتدى وكل بي سي وواتس اب
موضوعي عن قياس (برنامج التحطيم والظلم والربح المادي للقائمين عليه)
قرار الغاء برنامج قياس للبنات حيصدر من رفضنا الجماعي لهـ
حنقرر احنا ان برنامج قياس هدا مانباهـ ,, حنعجزهم مثل مابيعجزونا فيه
وحنجبرهم برفضنا ومايجبرونا ندخلوا
بقرارنا احنا .. كلنا عضو فعال في المجتمع والي بنرفضو شي من حقنا
نظام طلع ومن يوم ماطلع بترناهـ لنا وللي بعدنا..
يابنات كلنا رافضين قياس دا رفضا باتا
احنا اتخرجنا وماقالولنا من قبل وقعده البيت نستنا كتير من الي درسناه
ما نطقوا بالقرار دا الا دحين فـ مو من حقهم يجبرو اي خريجة قبل القرار بدخول الاختبار
او اي وحده يجبروها بدا الاختبار حتى لو لسا ما اتخرجت
مستحيييييييييييييييييييييييييييل تعب 16-17 سنة بيقدروا يقيسوهـ في ساعتين
ومستحيل كل الي اتعلمناه حنقدر نسترجعوا في الساعتين دي
الا بالصدفة .. بالحظ .. او نقدر ماندخل الاختبار ونشوفلنا واسطه معتبرة توظفنا …
ليه الكدب ويقولوا قياس قدرات ..
اش فايده تطبيقنا العملي ودرجاتنا الي اخدناها فيه ؟؟؟
ودرجات المواد التربويه..؟ الي تعبنا واحنا نكرف فيها
يبو يعجزونا .. يبونا نحس بالفشل والتحطيم .. زي ماحطمو كتير من الشباب مروا عليا واكيد عليكم
واللي مامر عليها تروح تشوف وتقرا
دا غير المظلوميييييييييين الكتير الي رسبوا فيه من الاولاد ومارحموهم وحتى اللي اقسامهم مطلوبة ولهم الاحقيه ف الوظيفه
بس حاطين بدالهم اجانب ..(قسم رياضيات / معلمين) ..
تختبري والنتايج تطلع بعدها ب اكتر من شهر .. دا وهوا تصحيح آلي
ينجحوا ويرسبوا على كييييييييييييف كيييييييييييييييفهم والدليل شوفوا شكاوي الشباب اللي دخلووا ع الاختبار من قبلنا ومن سنين ولدحين نفس الكلام
لو مو ظلم كتير دا البرنامج ماكان جابوه في برنامج التامنه ع mbc
لو مو هدفه الربح المادي ماكان دفعوا كل شخص 100 – 200
اغنى دول العالم وندفع فيه .. وان كانت المية ولا ال200 ماتعني لكـ عزيزتي.. بالمقابل الاردن مابيدفعوا في الاختبار الي شبيه باختبارنا قياس وهما دوله تعتبر فقيرة ..
في الاردن الاختبار بيكون كل يوم او يوم بعد يوم وتدخلي تجربي حظك ازا بدك كل يوم
عندنا مرتين في السنه تقريبا ويا صابت يا خابت ..
يرسبوا على كيفهم وينجحوا على كيفهم وضيعوا مستقبل رجال كتير ماجاهم الحظ انهم ينجحوا
بنات بليز لحد يسجل
واللي سجلت لا تروح
ولو كنتي شاطرهـ تراكـ مو ضامنه نجاحكـ .. خلونا يد وحدهـ ونبتر هالقرار اللعين
ارفضوهـ ..
لي يطبق علينا واحنا الكل رافضه
هما بحاجة معلمات ولو كان رفضنا جماعي حيتلغي
مستحيل يوظفوا مثلا 200 اختبروا ويقولوا الباقيين محنا موظفينكم من ال 4603
هما بجاجتنا .. سواء بقياس او بدون
انين في الدجى[/QUOTE]