قرأة في أحد المنتديات تلك القصيده المؤثره.. وحبيت أنكم تقرؤونها أنتم أيضاً..
بلا شك بأن هذه القصيده لها أحداث ولها قصّه..
ولكن للأسف لم أجد سوا القصيده مكتوبه دون ذكر قصتها..
ولكن الأكيد بأن القصيده تتحدث لنا عن قصتها..
فهي بنظري أنا قصيده جداً مؤثره..
لكم القصيده:
يوم انشدوني عن دموعي وانا امك
جاوبتهم وابعدتهم عن طواريك
مابغى اجرحك في كلمة تزيد همك
مابغى اقول ان السبب من تجافيك
يوم لمست الصدر في يوم ضمك
نسيت انا اللي حولي وقمت ابكيك
مادري انت عايش وارتجي لمس جسمك
او ميتن واقول يرحمك واليك
ياما سهرت وزاد غمي لغمك
مارتاح ليمن تهتني في لياليك
وياما الى طوّلت نومك اشمّك
واتأكد انك عايشن لي ورجّيك
وياما ازعلوا مني خوالك وعمّك
ياما هجرت اقرب قريبن ضحك فيك
وياما انتظرتك عند بابي وانا امك
واقول في يومن تجيني واحييك
اخاف من يومن يجيني يغمك
ويجيك علمي مع عزيزن يعزّيك
انا على الله داخلة ثم لمّك
ارحم قليبن تالي الليل يشكيك
فكّر بمن هي صابها الضيم وظلمك
واذكر حشا(ن) ضمّك وعسر المساليك
ودّي اشوفك قبل يومي و يومك
لو مرتن بالعام يالله يخليك
مابيك تقطعني اذا امري يهمك
بقعد معك واضحك واسولف واحاكيك
ياوليدي اذكر كلمتن قال ثمّك
لاقلت كلمة يوه قلبي يلبيك
واذكر زمانن به فراشي بجنبك
ولا شكيت تقول يمّه و اسمّيك
ولاشتد مابك فوق كتفي ازمّك
مارتاح لحظة لين ربي يشافيك
والختم لاجتك الرسالة وانا امك
يمّه تجي ولأ انا ازحف واجيك
سلمت اناملك
على القصيدهـ الحزينهـ
::
يمّه تجي ولأ انا ازحف واجيك
قصيدة مؤثرة يا قلبي على الامهات ، ربي لا تحرمنا من امهاتنا/
تسلمي بنت الرمس
نقل رائع
القصيدة مؤثرة كتير
سلمت يمينك حبووبة
اختيار موفق
قصيدة مؤثرة جدا
يعطيك العافية
الابناء عدم عقوق الوالدين نصايح — فما بالج لو تسمعينه وهو ينشدها
ياربى راح تتحطمين — الشريط تقريبا صار له عندى5 سنين وليما الحين
ما امل من سماعه !!!!!!
مشكوره على النقل
غص قلبي وانا اقراها والله العظيم ,,,,,,,اوجعتينا يا أختاه
تسلم ايدك على النقل المميز………….ودمتي لمحبتك غربة