كفاية صار لك شهرين غايب عني يالغالي
كفاية يا أعز الناس ترى والله ما اقدر
دخيلك لا تخيب فيك هقواتي وآمالي
وإذا أنها ع الصبر والله وغلاتك عندي رح اصبر
أبتحمل عنى فرقاك وحالي يرثي الحالي
مع اني والله لين اليوم ما أدري ليش بس تهجر
أبعرف وش السبب أرجوك وش اللي بس يجرالي
انا ايش سويت يا ربي عشان تثور وتتفجر
انا والله ما استاهل ابد كل اللي يجرالي
اقل ما فيها بس قلي سبب خلاك تتغير
أبعرف بس ش الموضوع علامك صرت ما تبالي
بذمة كل أهلك في يوم شفتني بشي انا مقصر
عطيتك قلبي وروحي وهبتك حالي ومالي
حملت إحساس هالدنيا وعطيته لك وأنا أفخر
عشقتك عشق لا قبله ولا بعده أنعشق تالي
هويتك موت وأتخيل إلين الموت وأتصور
وإذا جاني مسج منك مخزن رقمك الغالي
ولا امسح رسالاتك أتم اقرأها وأفكر
واحلل كل كلمة بالمسج الله يا غربالي
وأقول بخاطري معقولة حاسس فيني ويشعر
وارد أقول لأ يمكن تذكرني وهو سالي
لأني توني مطرش مسج طرش مسج يشكر
وارد أقول لأ يمكن ادري يبيني وحاسس بحالي
وارد أقول لأ ما اظن على باله انا أخطر
إلين أني أنا تأكدت قلبه بالفعل خالي
ولا غيري أنا بقلبه يحبني مووت ويقدر
لأني مرة من المرات طرت فكرة على بالي
نويت أزعل بدون أسباب وأشوفه لو بيتاثر
أبعرف قدري بقلبه بيهمه وضعي الحالي
أو انه رح يطنشني ولا يسأل و يستفسر
وفعلا دق ما جاوبت حرقلي والله جوالي
3000 مرة دق وأنا مطنش ولا معبر
كتبلي بالمسج أطلع أنا عند بابك الحالي
قسم بالله ما تطلع لأخربها أنا واحذر
ومشكلتي أعرفه زين يسويها ولا يبالي
نزلت وخاطره مكسور يقول ايش فيك متغير
وقلتله بس أبأ أتأكد إذا قدري معك عالي
ضحك لي وقالي تأكدت ودمعه بلل المحجر
وطارت فيني الدنيا لمكاني صاحبي جاني
تعذر لي وأنا الغلطان وأنا اللي لازم أتعذر
بعدها عشنا أحلى أيام في قربه هنيالي
وصلنا لمرحلة ما نفرق عن بعضنا وأكثر
بعدها فجأة خلاني ولا يسأل عن أحوالي
وأنا في خاطري أدري مو حال في يوم يتغير
أدق له ما يجاوبني بديت أشك في حالي
أخاف انه حصل له شي أخافه بس متكدر
لعب في قلبي الوسواس خياله ما تهيالي
حوالي 1000 مسج طرشت حبيبي يا عسى ما شر
ولا جاوب وانا قاعد على أعصابي وغربالي
حبيبي صارله أسبوع فيني حتى ما فكر
لين أني عرفت اشلون أخلي خلي الغالي يكلمني
وجت فكرة بعد ما مت وانا افكر
وفعلا اتصل فيني وبدت أحزاني وأهوالي وكانت صدمتي كبيرة علي الغالي يتكدر
وكانت صدمتي كبيرة علي الغالي يتغير
سألته قلتله وش فيك ما من شر يالغالي ؟؟؟؟
وش اللي صار بالدنيا علامك ليش متبعثر
أو أنك يعني ما تدري بدونك صرت أنا لحالي
ولا لي خلق أي إنسان كثر ما فيك أنا أفكر
وجاوبني وقال أرجوك أبي هالدنيا تصفالي
أنا مليت من وضعي وأشوف الكل متغير
أنا ضاقت بي الدنيا وأبي ابقى انا لحالي
خلاص اتركني لا تسأل وأنا برجع عقب أشهر
وقلتله مو علي تكذب أعرفك تضعف قبالي
تكلم قول ش الموضوع بدأ قلبي يدق أكثر
سكت لحظة وقال أرجوك أبعد عني يالغالي
وخلني أذكرك بالخير وأنت مثلي أتذكر
ولا تطرش مسج واحد ولا تدق لي ابد تالي
وإذا لي خاطر عندك لا تتكلم ابد سكر
وقلت له والله ما أسكر الين تقول وتصفالي
وقال لي والله ما أتكلم ولو تبكي دمع أحمر
ولكن شوف ربعك وأنت تعرف بس وش جالي
خلاص افهمها على الطاير لا تحرجني بعد أكثر
وسكر والدمع فيني على الخدين همالي
قسم بالله ما ادري علامه قلبه أتحجر
فؤادي انهار وأنا حملي يهد جبال وجبالي
في لحظة صارت الدنيا في عيني هالكبر واصغر
حسافه ما توقعته يصدق فيني عذالي
حسافه ما هجيته يوم يصد عني ويتغير
بعدها صار لي ما صار وربي يعلم بحالي
فؤادي باقي بس شوي وأحسه من الجسم يظهر
بديت أعرق مدري ليش وخابت كل آمالي
أنا توقعت كل الناس ولا توقعت هو ينكر
وقلت بخاطري خله مصيره يرجع الغالي
أكيد انه سمع أي شي وجوه صار متعكر
ولكن طول غيابه وزادت فيني علالي
مرض قلبي تعب فكري وأحسه جسمي متخدر
وقلت خلني أطرش له مسج واشكيله أحوالي
وطرشت المسج وشوي دق لي ودون ما افكر
هلا والله يا أغلى الناس هلا والله بالغالي
ألو ( ) ما قلتلك لا تذكرني أو أذكرك
أبي بس أذكرك بالخير يا أخي خلني في حالي
وقلت وخاطري مكسور أنا آسف وما أكرر
قسم بالله الين اليوم وحالي يرثي الحالي
قسم بالله إلين اليوم ولا ادري ليش هو تغير
قسم بالله ما غضت عيوني ولا هدأ بالي
قسم بالله ما مر يوم إلا و فيه أنا أفكر
قسم بالله قلت بنساه بس طيفه يتهيالي
قسم بالله لو حاولت انا أنساه أتذكر
إلين اليوم أنا عندي أمل يرجع ويصفالي
أقول الشوق بيرده على فرقاي ما يقدر
إلين اليوم وضحكاته وبسماته على بالي
إلين اليوم ما أرقد كثر ما فيه أنا أفكر
أبعرف ش السبب أرجوك وش اللي بس يجرالي
أنا اش سويت ياربي عشان تثور وتتفجر
أنا والله ما استاهل أبد كل اللي يجرالي
اقل ما فيها بس قلي سبب خلاك تتغير
أبعرف بس ش الموضوع علامك صرت ما تبالي
بذمة كل أهلك في يوم شفتني بشي انا مقصر
أنا رح انتظر ردك ولو حتى بسمج خالي
وإذا ما جاني منك الرد وغلاتك عندي رح أصبر
سنة سنتين اللي يهم أشوفك ثاني قبالي
ثلاث سنين أو أربع أبصبر يعني رح اصبر
ولكن حكم إحساسك وجاوب يغلك الغالي
بذمة والديك يهون تنساني ولا تذكر
يهون أنك تخليني ولا تسأل ولا تبالي
يهون أنك تنام الليل وتتركني أنا أسهر
كفاية صارلك شهرين غايب عني يالغالي
كفاية يا أعز الناس ترى والله ما اقدر
::الرائعـــه من روائـــع .. الشاعر طارق المحياس
:
:
دمتـــــــــــــم
قسم بالله إلين اليوم ولا ادري ليش هو تغير
قسم بالله ما غضت عيوني ولا هدأ بالي
قسم بالله ما مر يوم إلا و فيه أنا أفكر
قسم بالله قلت بنساه بس طيفه يتهيالي
قسم بالله لو حاولت انا أنساه أتذكر
إلين اليوم أنا عندي أمل يرجع ويصفالي
أقول الشوق بيرده على فرقاي ما يقدر
إلين اليوم وضحكاته وبسماته على بالي
إلين اليوم ما أرقد كثر ما فيه أنا أفكر
أبعرف ش السبب أرجوك وش اللي بس يجرالي
أنا اش سويت ياربي عشان تثور وتتفجر
أنا والله ما استاهل أبد كل اللي يجرالي
اقل ما فيها بس قلي سبب خلاك تتغير
———————————————-
أم الغلا الله يهديك بس خليتني ابكي
والله انه طبق الأصل مني ياام الغلا
وأقول صح لسان قائلها وسلمت لنا انامل غالياتنا أم الغلا
ياالغلا كله
تقبلي زيارتي
بقايا روح