كل البشر خانوك ,مسكين ياقلبي
كل البشر خانوك مسكين ياقلبي
طيب وصادق حيل في دنيا هي غابه
لأن الصدق دربك وبالطبع هو دربي
لايمكن يتعايش حمل مع ذيابه
خاويتناه الصبر في زادي وشربي
حتى عشقني وصرت من أغلا أحبابه
مااذكر أنا أخطيت في الحق لا وربي
ولا ظلمت أنسان في دنيا كذّابه
عزّمت أكون انسان في سلمي وحربي
مهما خدعني الكل وطعني بحرابه
حلفت أنا ماخون من كان في قربي
لي عالمي وحدي أهنا وأشقا به
كل البشر خانوك مسكين ياقلبي
حتى الخوي يضحك والسم في أنيابه
ومن الظهر يطعن حتى وأنا في كربي
يجرح بدون شعور مابين أسبابه
يكفيني من الدنيا لو حظي قصّر بي
حضن أمي وقلب أبوي ونبض أنا أحيا به
يكفي لاقلت الآه بدمعها تلبّي
بقربها أنسى الحزن وصعابه
يكفي صديقي الشعر في جدي ولعبي
بشعري عشقت الحرف احساس وكتابه
شعري أنا أفخربه ,,وبالحيل يفخربي
كثير أنا وياه قي أشياء نتشابه
وش أقول وش اخلي
تجنن قليله فيها
تجنن قليله فيها