وإن بغيت الحسن ربي صاغها بـأروع جمـال
وإن بغيت الجود فيها الجود من عـرقٍ أصيـل
هذي ( بنت الإمارات ) بنـتٍ تضاهـا بالرجـال
ما تعرف اليأس أو قولة ( بعيد ) أو ( مستحيل )
ما تلاقـي عندهـا تعريـف للكلمـه ( محـال )
الصبوره .. القنوعه .. ترضى بالشـي القليـل
لوما أخشى من الملامـه كنـت ألبسهـا عقـال
الرقيقـه .. الحنونـه .. راعيـة بـالٍ طويـل
الكريمه .. العظيمـه .. مـا تقصّـر بالوصـال
بنت أبوها تخدمـه بعيونهـا لـو هـو عليـل
وأمها تفخر بهـا وتدعـي لهـا بولـد الحـلال
أي وربـي الإماراتيه انـا مارضـى بـديـل
يا بعدهم يالرطب ياللـي كسـر سـوق الخـلال
يالجميله .. يالأصيله .. جيت لك مثـل الذليـل
يطلـب القـرب بوصالـك جننـه زود الـدلال
يالحشيمه .. يالرحيمـه .. يـا وفيـه بالخليـل
زان طبعك من جـدودك ثـم عمامـك والخـوال
من يلوم اللي غدى مـن نظـره بعينـك قتيـل
لو يحـاول أو يقـاوم ؟! مالـه بموتـه مجـال
إن حضرتي تشعلين الحفـل بالخصـر النحيـل
تبهريـن الحفـل وانتـي تصبحيـن الإحتفـال
من يشوفك غصب عنـه قلبـه المغـرم يميـل
مو بكيفه وين ما رحتـي معـاك القلـب مـال
إنتي نهرٍ مـا يجـف مـن العطـا يالسلسبيـل
وإنتي في دينا الهوى وطبع الوفـا أروع مثـال
إنتي أختي وإنتي أمـي وكـل إحسـاسٍ جميـل
وإنتي العشق الحقيقـي والزوجه الوفيه وأم العيـال
لو ألـف الكـون كلـه مـا ألاقـي لـك قبيـل
إنتي وحدك .. لا يهمك من حكـى فيكـم وقـال
إنتي مثل النجمه اللـي تضـوي الليـل الكحيـل
وإن يطال سهيل فانتي النجمه اللي ما تطـال !!
تسلمين حبيبتي
:::
تحياتي لبنات الامارات والخليج
والنعم فيكم كلكم
في بنات الكون كله
اتمنى ان تنال على اعجابكم
بنت العراق
والله لـو جابـو ا جميـع المزايـيـن
من الخليج ومن اليمن وارض لبنان
والقاهـرة مـع ليبيـا مــا تكفـيـن
ودمشق والمغرب وتونس وعمـان
وبنت الجزائـر والسعودية وفلسطيـن
وبنات افريقيا وبنجلادش والافغـان
واسـلام ابـاد وهنـدهـا والفلبـيـن
وبنات جاكرتا مـع التـرك وايـران
والبوسنة مـع كوريـا وبنـت برليـن
وبنت البرازيل وفرنسـا والالمـان
وبنـات واشنطـن ولنـدن وبكـيـن
وبنت السوفيت واوربـا واليابـان
ولو اجمعوهـن قـدام عينـي ملاييـن
ولو خيروني كلهن ما لهـن شـان
يـا جعلهـن فـدوة لمدعوجـة العيـن
اللي خذت قلبي لهـا القلـب ولهـان
يا سائـل عـن دار محبوبتـي ويـن
ترى وطنها موطني عز الاوطـان
شعارهـا نخلـة وبالوسـط سيفـيـن
هي دارها مـا لهـا اثمـان
مشكورة على الخاطرة الحلوة
اختك بنت العراق
ونعم فيك حبيبتي
شعارهـا نخلـة وبالوسـط سيفـيـن
هي دارها مـا لهـا اثمـان
والسيفين والنخله شعار السعوديه:)