السلام عليكم ورحمة الله وبركاته
كيف حالكم حبيباتي ؟ ان شاء الله تكونوا بخير
راح ادخل في الموضوع على طول
في البداية كانت جارتنا بنت ماشاء الله عليهاا لكن هالبنت مسكينة مالهاا حظ في الدنياا ابد
جمال واخلاق وطيبة لكن الدنيا مارحمتهااا
وضعها مع اهلهاا مأساة بمعنى الكلمة
ابوهاا متوفي وامهااا معذبتها وجايبة لها الويل
كنا نسمع دعاوي امها عليهاا والضرب , واكثر من مرة كنا بندخل لها البيت ونساعدها بس نتراجع
ولما تشوفنا تحاول تظهر لنا انهااا مرتاحة ومافيها شي , بس احنا كنا نسمع ونشوف لان الباب بالباب ..
هم 4 بنات , هي رقم 2 بينهم
هي احلاهم من ناحية الجمال والمظهر والاخلاق والاسلوب بسسسس كان في شي بحياتهاا مخلينا نتفاجئ من اللي نشوفه ونسمعه
ليش امها تعاملهاا بهالقسوة وهالظلم مادري !!
مرت السنوات وتزوجت البنت وصار وضعهاا مع زوجهاا نفس وضعهاا مع امهاا تماماً !!
نشوفهاا وعلى وجهها آثار الضرب , والبنت نحفت اكثر ماهي نحيفة
وصار يبين عليهاا التعب والهم وجهها ذبل
لحد ماحصل وتطلقت من زوجهاا
ورجعت بيت اهلها للذل والمعاناة , كنا يومياً نسمع امهاا تدعي عليهاا وتعايرهاا بوضعهاا ..
لحد ماحطيت هالبنت براس اخوي
قلت له يرحم بحالهاا ويتزوجهاا البنت سمعة وجمال واخلاق
نعرفهاا من يوم هي صغيرة
اقتنع اخوي الوحيد بالموضوع وحب انه ياخذهاا ويستر عليهاا ويريحها من هالهم والعذاب اللي شافته بحياتهاا
تقدمنا لهاا ووافقت ..
وربي ماشفنااا منهاا الا كل خير
بنت محترمة متدينة تخاف الله
وغير عن هذا شايلة امي بعيونهاا , حتى انا صرت اخجل من نفسي لماا اشوفهاا كيف تعامل امي وصرت احس نفسي مقصرة , لحتى تقربنا من بعض اكثر
وتعلمت منها اشياء كثير , ربي يشهد انهاا بنت ولا كل البنات
انا كنت شايفة نفسي إني خوش بنت وماني بقصرة .. بس جلست معاها وصاحبتهاا عرفت نفسي شقد كنت مقصرة باشياء كثير
حاولت اخليها تتكلم لي عن امهاا ومعاناتهاا معها وعن زوجها السابق , بس كانت ماتذكر اهلها الا بالخير وتبكي عشانهم وزوجها السابق تقول انهاا تعبت معه بس ماذكرت لي التفاصيل ابد , ودايماً تقول الله يوفقه بحياته ويسهل اموره ..
المهم بعدما مر على زواج اخوي سنة زااااااااااااااااااااادت المشاكل بشكل مو معقول
بالاول كان في مشاكل من ناحية اهلهاا
بس قليلة ويحاولوا يتغاضوا عن هالشي
بس الحين وضعهم صار مو طبيعي , اهلها ماتركوهاا بحالها ولاتركونا !!
بالرغم من اخوي رجال شخصيته قوية والكل يحترمه الا انه ماسلم من شرهم ومن لسانهم
ماظل احد بالديرة الا وصار يتكلم عن اخوي وزوجته !
امهاا متكلمة عنهم عند الناس , انهم تعيسين ووضعهم متدهور وان بينهم مشاكل مالها اول ولا آخر ..
بالاول اخوي وقف بوجهم وحط حد لهالموضوع
بس الحين شفنا الويل
كل يوم ولا احد زارنا وسألنا عن فلانة كيف وضعها مع زوجها
وغير عن كذاا ماظل عيب الا وحطوه في هالبنت المسكينة !!
حتى في شرفهاا حطوا !! بدون خوف من رب العالمين
وبهالفترة اخوي صار كثيييييييييييير مهموم ومتضايق
وصرنا نسمعه هو وزوجته دووم يتهاوشون
حاولنا نسيطر على هالوضع الزفت اللي حاصل بس محنا قادرين ..
انصدمنا ان الناس صاروا يتكلموا حتى عليناا , امها قالت ان بنتها كانت على علاقة مع اخوي قبل زواجهم وهو السبب اللي خلاهاا تتطلق من زوجها السابق
وكثير ناس ابتعدوا عنا
واخوي خسر اشياء كثيرة من تزوج , حتى صحته تعبت !
وأوضاعه المادية صارت زفت بالرغم من انه كان شغله ماشي جداً كووويس
وكان وراتبه ماشاء الله حلو ! كان قادر يسوي لنا كل شي
ومرفهنا ومعيشنا احسن معيشة ..
بس الحين كل يوم بمشكلة في الشغل !
لحد ماتدهور كل وضعه
وغير مشاكل السيارة !
اللي كل سيارة يطلعهاا مايتوفق فيها !! وربي شي مامعقول
ياخذ السيارة اليوم بكرة يسوي حادث !
وتظل السيارة شهر
بعدها يطلعهاا وتخترب الماكينة !
وبعدها يطلعهاا ومدري شيصير !!
وغير مشاكله اللي صارت مع الناس !
من جميع النواحي ماتتصوروا شلون !!
لحد ماكلمنا عن قراره
ناوي يطلق زوجته !!
وربي ان البنت معورة قلبي .. مو ذنبها اللي قاعد يصير واللي تعيشه
وبنفس الوقت مو هاين علي اشوف اخوي وصل لهالحال ..
اللي ابيه منكم تساعدونا نتوصل لحل بدون مانجرح البنت او نظلمهاا
صحيح حياتنا تدهورت بعدما دخلتها وصارت مشاكلنا كثيرة , عكس قبل حياتنا هادية ومافيها مشاكل ..
انا ماودي اخوي يطلقهاا المسكينة مالها غير رحمة الله , وامي بعد ماوافقته على هالقرار ..
لان امي حبت البنت كثير وندري مابنلاقي وحدة مثلها محترمة وتعاملنا احسن معاملة , وحاطة اخوي بعيونها
وربي ماعمرها اشترت لنفسها شي بدون ماتاخذ لنااا
وربي حتى لما تروح السوق تاخذ لي نفس ماتاخذ لهاا بالضبط ! ولازم تذكر امي بشي ..
ودايماً كانت تقول انتوا اهلي اللي ربي عوضني فيكم ..
والله حرام نكسر قلبهاا
مادري شنسوي !
اخوي مايتمنى يطلقها لان تعلق فيها وحبها بس مو قادر يتوصل لحل ثاني !
مشاكله معها زادت , وفوق كذا الضغوط اللي واجهها , وكلام الناس اللي اكلونا ..
هو مو حاب يظلمها ابد وانا عارفة ومقدرة وضعه اللي يمر فيه
كثير ساعدها ووقف معها , حتى كان ناوي ياخذها ويعيش معها في الخارج ويبعدها عن كل هالمشاكل
بس تراجع لان انا وامي مالنا احد غيره وهالشي صعب علينا ..
ساعدوني شلون اخفف عن اخوي , وشلون اساعد هالمسكينة زوجته ؟!
آسفة حبيباتي ع الإطالة .. اعذروني
اذا البنت على قولتك كويسه حرام يطلقها اخوك وبعد اخوك مو ملزوم يعيش بكل هالمشاكل
طيب معقوله فيه ام تسوي ببنتها كذا !!!! اكيد فيه سبب مستحيل فيه ام تخرب سمعة بنتها
يمكن الام فيها حاله نفسيه
انا اشوف لو تنقلون من مدينتكم لمدينه ثانيه او تغيرون الحي يمكن ترتاحون شوي لانه حرام تفرطون بالبنت وترجعونها لذل اهلها
الله يعينكم ويصبركم ..
و ارضاء الناس غاية لا تدرك
و الله المستعان حبيبتي
بس ترة الناي بعد حجت عليكم ما يفيد والناس ما يعجبهة شي
ما ادري شكلج والله
ادعي اقرءي قران الله يسهل عليكم
يا ربييييي الله يسهل