1 1/ بدأت أقعدها على قاعدة التواليت العادى لانها كبرت فقلت اعودها علية على طول و كانت بتقعد وهى لابسة البامبرز بس علشان تحس بالامان أقولها اقعدى اعملى بيبى زى بابا وماما .. وطبعا هدفى انها تقعد بس مجرد انها تفهم ان ده المكان المخصص لكدة .. استمريت اسبوع او اكتر على كدة ودى أهم خطوة فى نظرى ساعدتنى انجح بسرعة
2/ كنت بقعدها على البوتى بتاعها برضو بعد ما عرفته بقى وبقت عارفة ان دى حاجة ملكها اقولها نعمل بيبى فى البوتى بقت تقعد وكله بمزاجها ساعات تقولى اقعد ع البوتى الكبير قصدها الحمام طبعا براحتها
3/ أعلنت حالة الطوارئ فى البيت وشيلت السجاد كله وقلت خلااااااص ساعة الصفر ونويت اقلعها البامبرز خالص طول ما احنا فى البيت وبالنهار بالليل كنت بلبسها طبعا واول ما تصحى تقلعه .. طبعا اللى مش عاوزة تشيل السجاد براحتها بس على الاقل نشيل اللى فى الصالة او اكتر اوضة بنقعد فيها
4/ يوم ما نبدا ما ولادنا لازم يكونوا لابسين بنطلون او شورت لان سبب اساسى فى تعويدهم انهم يحسوا بالبلل طبعا ده احساس وحش بالنسبة لهم وطبعا نقول لهم كخخ يععععع ما نعملش كدة تانى علشان ما نبلش هدومنا .. مرة فى مرة هيتعودوا وما علينا الا الصبرررررررررر و نحط فى دماغنا اننا سايبينهم بقالنا سنة او اكتر فمش معقول بين يوم وليلة هنقولهم اقلعوا البامبرز هيقلعوه لازم نتعب شوية
5/ لما يعملوا على نفسهم سواء حمام عادى او تقيل ما نتنرفزش عليهم نهااااااااااائي وما نزعقش وفى نفس الوقت ما نستهونش بالموضوع يعنى نفهمهم ان مش المفروض نبهدل نفسنا
6/ نحضر لهم مكافآت بيحبوها يعنى شوية حلويات .. لعبة .. خروجة مثلا لو حتى عملوا مرة واحدة فى البوتى طول اليوم نعمل فرح عليها ونكرر كتير انهم شاطرين وبيعموا فى البوتى زى بابا وماما وياااااااريت لو فى حد فى العيلة طفل قريب من سنهم نقوله اعمل زى فلان
انا بنتى كنت بقعد اقولها رورو شطوووووورة زى ملوكة – بنت خالتها هههههههه- بتعمل فى البوتى وكمان لما كنت اوعدها بحاجة لازم احققها ما نكدبش .. يعنى لما كنت بقولها هوديكى الملاهى بالليل كنت بصمم واخلى باباها يودينا وافهمها ان ده علشان هى شطورة طبعا ما تتخيلوش فرحتهم
7/ الحمام التقيل ودة طبعا مشكلة وخاصة للى عندهم امساك معظم الوقت زى بنتى لانها بتتكسف جدا فكانت تجرى تستخبى فى اى مكان والاقيها عملت فإحنا نراعيهم وما نحرجهمش فكنت أدخل البوتى قدامها فى اوضة تانية وما اقعدش فيها .. بحيث لما تعوز تروح تعمل فيها مش على الارض
8/ نتوقع منهم انهم ممكن يعملوا على نفسهم او ينسوا فى اى وقت وكل شوية نفكرهم احنا كل ربع ساعة نقولهم عاوز تعمل بيبى ونجيب البوتى نقعدهم .. وعلى فكرة انا بدات اعلم بنتى من شهر ولحد دلوقتى ممكن ما تحسش بنفسها وممكن تعمل على الاقل مرة فى اليوم وطبعا بيختلف من طفل للتانى
أنا مرة بنتى عملت بيبى عليا وأنا بصلى هههههههههههههه عادى جدا هقوم اضربها يعنى انا باغلي
9/ لما نكون خارجين برضو وهما يقولوا لنا عاوزين نعمل بيبى نحاول نشوف حمام وندخلهم وندعم عندهم النقطة دى وان ما كانش يبقى خلاص هما هيعملوا فى البامبرز مش هيستحملوا لو اتأخرنا عليهم اصلا باضحك
10/ ممكن كتير من الاطفال تعمل جزء على نفسها وتبل نفسها وبعدين يقولوا .. ما نقولش عملوا خلاص لا نروح جرى على البوتى ونقعدهم هيكملوا
طرق سهله لان اصعب شي تعويد الطفل عالحمام
يسلمو
مع تقييمي