السلام عليكم ورحمه الله وبركاته
اليوم جايتكم بفتح لكم قلبي
لأني طفشت وماعاد فيني اتحمل وابغى حل 
يمكن بنظركم مشكلتي تافهه بس حدها تقهرني وتنرفزني
انا ساكنه مع اهل زوجي بس شقة منفصله وحياتي تماام وعلاقتي فيهم اووكي
يعني نوعا ما رسميه كل كم شهر انزل لهم او اذا جات مناسبه >> وهذا اللي تبغاه امه
هما تحت الأم والأب وثلاث اولأد ..واحد متوضف واحد ثانوي واحد متوسط
وين المشكله >> المشكله في زوجي اي شيء يجيبه لي لأزم يجيب لهم مثله
مثلا طلبت عشاء لأزم يجيب لي ولهم
طلبت ايس كريم لأزم يجيب لي ولهم
بسكويت ….حلا للقهوه … لأزم لي ولهم
اخوه متزوج وساكن كمان في شقه منفصله بس يجيب لهم تحت بحدود مو نفس زوجي
تخيلوا حتى لما نطلع نتعشى بمطعم ووربي اوقات قبل مانطلب طلبنا يتصل فيهم يقول لاتتعشون
بجيب لكم 
وربي بنفجر احس مايهنا له اكل او اشرب شي من برى الأ يجيب لهم زيي
وهم ضروفهم حلووه يعطي امه مصروف حلو
وابوه عايش وتقاعده زين وعنده دخل ثاني غير الراتب
وامه تاخذ من اخوانه الثانين مصروف ….
وزوجي كمان يعطي اخوانه الصغار فلوس بالهبل وماقلت شيء وعادي بالعكس مااحبه يرفض
لما يطلبوه
امه اوقات تطلب غير مصروفها ومايكون معانا اقول لزوجي مو مشكله بنمشي امورنا
باللي يبقى واعطها هي
واحنا بأستمرار نهديها بمناسبه وبدون وناويه اعطيها من حافز الشهر
الجاي 500 وقلت لزوجي حط 500 وبنغلفها وبنوديها لها >> انا ذكرت هالشيء عشان
ماتقولوا اني نذله وانانيه لا والله ابدا انا مو كذا بالذات مع اهله وامه
بس في اشياء تزيد عن حدها الطبيعي
لي اكثر من سنه عمري ماتعشيت برى وماجاب لهم زيي بالضبط
عمري ماطلبت بيسكوتات وماجاب لهم زيي …لأتقولوا اخوانه صغار وحرام
لا ابوهم عايش وعندهم خير احسن مننا والله يزيدهم
بس احس ماعاد لي خصوصيه كلش
لأزم يعرفون ويأكلون من اي شيء اكله او اطلبه
كأن اللي تحت زوجته الأولى وعيالها لأزم زيي بالضبط
يمكن بتقولوا مشكلتك تافهه ومكبره الموضوع
والسالفه اكل …
انا مو حاسدتهم وربي وعليهم بالعافيه بس ابغى احس ان لي خصوصيه
وانا مو لأزم اي شي اطلبه يجي منه اثنين
احسد زوجة اخووه صراحه
لاتقولوا تكلمي معااه تكلمت معاااه 20 الف مره وكل مره يقول خلاص بخفف
ومافيه فاايده كني اقوول زيد
بلييز بنااات اللي عندها رد باايخ تحتفظ فيه لنفسهاااا
لاتجيني وحده مطفيه النور وداعسه الميه 
اللي عندها كلمه زينه تقولها والأ بلاش منها احسن
وهذا اللي في خاطري ومضايقني وفضفضت واستنى ردودكم 
الله يعينكم ويعيني اذا ربي قدر واتزوجت لان الزواج صاير يخوف
الحمامه …الله يهدي اخووك ويسخره لأمك
انا مااارفض بس مو كل مره ابغى احس اني لي خصوصيه
يجيب لهم بس مو لأزم كل شيء فهمتي عليه
الله يعطيك العاافيه وتسلمي على ردك وكلأمك
احس كأنك تتكلمين عن زوجي.. نفس الشي بار بأهله واخوانه وحتى اولاد اخوانه بدووون ضرورة.. يشتريلهم اشياء احسن من الأشياء اللي يشتريها لأولاده صدقيني.. ونحن مو هذاك الحالة المادية .. بالعكس مديونين وهم ما شالله شغل ممتاز وسيارات آخر موديل الله لا يغير عليهم يارب ويزيدهم.. ورغم إنا ما شفنا مقابل ابدا من اهله خاصه الاخوان حتى في المناسبات يطنشون الهدية ويدخلون بيتنا بايدين فاضيه!!! وانا بيني وبينك ساعات اتضايق لأنه ما في داعي لكل هذا بس شو اسوي ما احب امنعه واوكل امري لله
اذا هم مو ناقص عليهم شي، نصيحتي لك خليه يجيب لهم ما في مشكلة.. بس انتي حاولي تقللي من طلباتك لزوجك.. يعني اي شي تبي تشترينه اشتريه بروحك.. ومرة جيبيلهم ومرة لأ
يعني لما تروحي تتسوقي اشتري اشياء خاصة فيكي انتي لا تطلبينها من زوجك.. حتى الشوكولاتات والحلويات ادخلي سوبرماركت واشتريها.. واذا طلعتي مع اخوانك مثلا او حد من اهلك اشتري لك.. ولا تخبي عن زوجك عادي خليه يشوفها لما تروحي
وزوجك ما شالله شهم وطيب لا تتضايقي منه وان شالله يارب يجعل من ذريتهم من هو بار فيكم مثل زوجك عزيزتي
تسلمي عسسوله
والله نفس كلأمك مااشوف من امه ذاك الأهتمام فيني او في زوجي
بالعكس وربي انها تدور رضا ولدها الثاني اكثر
بس انا اطنش عشان يكفي زوجي راضي واشوفه فرحان
بس هذا مو حل اجلس اجيب اغراضي لوحدي وكذا
الله يعننا على هالأزوواج
انا انقهر بس لأن احس مالي حق اطلب شيء لوحدي
اوقااات اقول هذا مو كرم مدري ايش بالضبط صراحه
هو يقول انا اجيب لهم عشان مايزعلون ..وانا ازعل عادي شفتي كيف القههههر
الله يهنيكم وبالاخره يعوضكم يمكن الله فاتح عليه من دعوات امه له
لازم تفرحين حبيبتي
وادا مرا تنرفزتني منه ومضايقك هالمووضوع .. > كثري من الطلبات لاتطلبين الاالغاالي لك ولاولادك وخليه يجيب لهم دبل دبل …