في بعض الامور اللي نحسب انها عاديه وهي تقربنا للمشاكل..
وهيا أن زوجك المفروض ما يعرف عنها
وبالفعل في شغلات المفروض إحنا ما نشارك أزواجنا فيها….وإن شاءالله بأقولكم …..
1 أخبار الصديقات، ومواصفاتهن ,,
وهذا المشكلةاللي دايماً تتكرر عندنا، حريم ما ننلام كلامنا واايد , ما يصير زواج نروحله إلا وقلنا فلانة، وشفتي فلانة، وفلانة شلون كانت كاشخة، والريال ساكت ومستانس على هالسوالف أو انه يسوق..مع أنها أكبر مصيبة،او تسولفين له عن صديقتج مسكينه زوجها يطنشها رغم انها حللللوه والله انتي المسكينه وياما سمعنا عن مصايب هذا سببها بهذي الطريقة عزيزتي إنتي تفتنين زوجك بمواصفات غيرك، وتتكلمين على أعراض الناس، تكون بنت مستورة في بيت أهلها، ولا متزوجة وراعية ريايل وإحنا نقطع فيهم من العلوم والاخبار والحبيب يتسمع..
2 الأمراض او الاصابات الخاصة ,,
ما أكون ثرثاره وأقول لزوجي: والله حبيبي ريحة غريبة طالعتلي أفرازات مو طبيعية في المكان الفلاني؟؟؟؟؟؟ أنتي جذيه
تنفرينه ولا بيحسج نظيفه اويرغب فيج …حتى.لو كانت علاقتكم واايد قوية مع بعض…بس لا تلوعين جبده وتنفرينه منك بطريقة غير مباشرة..
3 إذا شفتي شي ماعجبك في بيت اهله ,,
شكيتي في علاقات لا سمح الله اخواته… باختصار، لمي لسانج ترا ما يخصج وإلا باتسويلك سالفة ح…بينك وبينه، بينك وبينهم، بينه وبينهم، خليج في نفسك و زوجج وعيالج…ربحين ..
4 مشاكل بيت أهلك لا تطرينها أبداً،,
نصيحه يابنات لا تذكرين صفاتهم السيئه او تحتقرينهم ترى إذا ما احترمت أهلك وخصوصياتهم ماظنتي زوجك بيحترمج او يعمل لهم حساب فيوم ترى مهما كنتي تحبين زوجك هذول اهلك وعزوتك في اليوم الاسود، ولا تنتقدين أحد فيهم قدامه، ولا تتكلمين عنهم في سوء،أبداً..ابداً
ااياك ان تكشفين عيوبك القديمه بلسانك عنده ,,اتمنى انج فهمتي علي
منقول للفائدة
ما اقول له
تحياااتي للنصااائحك المفيدة
–~–~———~–~—-~————~——-~–~—-~
( سبحانك اللهم و بحمدك أشهد أن لا إله إلا أنت أستغفرك و أتوب إليك )
-~———-~—-~—-~—-~——~—-~——~–~—