السلام عليكم
اول شي يمكن الي راح احكيه ولي شفتو بعيني بلمسيره الي صارت بحق العوده اكيد ولا شي من الي صار حتى الي شفتو على الفضائيات كمان اهون بكتير من الحقيقه الي صارت……………………..؟
اتجمعو الناس من كل المخيمات الفلسطينيه والمناطق اللبنانيه في الجنوب والشمال وكانو فرحانين وعم يهتفو وملابسين اعلام واشارات فلسطين من كل مخيم تقريبا راح اكتر من 50باص(حافله)ومن مخيم عين الحلوى اكبر المخيمات طلعو اكتر من 100 باص(حافله)وتجمعو الناس وطلعو على الحدود احنا عنا بمخيمنا تجمعنا وطلعنا مبسوطين وعم نهتف ونغني اناشيد فلسطينيه طلعنا من مخيمنا ساعه 8صباحا لما وصلنا كانت ساعه11ونصف تقريبا من كتر العالم والسيارات والحافلات ما كانت السيارات تقدر تول على منطقه مارون الراس اغلب الناس نزلت بمنطه بعيدي وكملو مشي على رجولن حتى وصلو تقريبا المسافه كانت10كيلو متر مشي اكتر من 3ساعات وانا امشي على كتر الناس ما عاد حدا يشوف حدا انا ضيعت اهلي ورفقاتي ما في حدا قدامي بعرفو ماشي مع عالم غريبه بس كنا كلنا اخوه بأرض واحده لما وصلنا على الحدود الشباب ما قدرت تتحمل تضل بعيدي بلشو يرمو حجار على الصهيونيه والجيش اللبناني يطلق النار بلهوى حتى الشباب تبعد بس ما كان حدا يرد كانو يقربو اكتر الصهيونيه صارو يطلقو الرصاص علينا بلدبابات عن بعيد 10ماتو واكتر من 100 جريح صرت اشوف رجال الأسعاف يركضو والدموع بعيونن وعم يبكو ويسعفو بلشباب ولد عمرو13سنه من كتر ما دمو حامي طلع على السياج وشك علم فلسطين بلسياج بس قوسو ومات حاولو شابين يجيبو بس ما قدرو لوحدن من لرصاص جمعو جمعة شباب وراحو حملو وحطوه على نقاله وطلعو فيه وهني عم يهتفو ويقولو(الله اكبر الله اكبر لا اله ألا الله والشهيد حبيب الله الله اكبر)انا لما شفو هيك انهدت اعصابي وما حسيت على دموعي كيف نزلو وغير الجرحى الي طالعين فيهن شي حاملينن وشي بسيارات اسعاف كانت حالتن خطره شاب فلسطيني قطع السياج وفات حط على فلسطين جوى وطلع بس كمان ما رحمو وقتلو
شو بدي احكي قد ماحكيت ماراح اقدر اوصف الشي يلي صار شاب هوي واخوه عم يرمو حجار اخوه جمبو ناب ومات صفن فيه وعيونو مدمعين وقالو قتلوك يا خيي را اخدلك حقك وكمل رمي حجار من قلب محروق واخوه جمبو مستشهد لما طلعو الناس كانو مبسوطين بس لما رجعو كانو مقهورين وقلبن محروق ماتو 3من مخيم عين الحلوي و2من مخيم البص و1من برج الشمالي ومن نهر البارد ومن برج البراجنه وليوم كلو المخيمات عم يشيعو المستشهدين الي توفو لما رجعت علبيت كنت بتمنى ضل هنيك واوقف مع شباب الي ماتو والي عايشين بس اعصابي هدتني ماعدت فيني اوقف ادعو للي ستشهدو يكون مسواهن الجنه وربي يغفرلن كل خطاياهن شكرا الكن
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل