السلام عليكم ورحمه الله وبركاته
اللهم صلي على سيدنا محمد
الزبده بدخل بمشكلتي يا اخواتي جعلكم بالجنة
انا بثاني متوسط
ماعندي صحبات بالمدرسة
اما برا المدرسة عندي كثير والحمد لله
بالمدرسة ماعندي صحبات كثيرين تقريبا صحبتين بس ! وذول يعني عاقلات وفله وكويسات ومحافظات على الصلاة
انا ابغا اتعرف على بنات مدرستنا
بس للاسف مالقيت بنات كويسات اتعرف عليهم من المدرسه
كلهم قليلات ادب ، بويات ، والبنات الي يحبو بعضهم ، والي الي ….
يعني اعوذ بالله متخلفات ، همجيات
تعرفت قبل كم يوم على بنت ، وصرت صحبتها بس بعد كم يوم قالت لي ترا انا احب بويه واعوذ بالله كلام ماقدر اقوله
كذا تركتها بسرعه
المهم 🙁 انو طفشت بالمدرسه اجلس لوحدي بالفسحه
وترا انا ماقدر انقل من المدرسة :(لانو بابا مابيوافق لانو مافي الا ذي المدرسه المتوسطه بالحيي
اسفه اذا طولت بس ياليت تساعدوني ابغا اتعرف على بنات من المدرسه اخلاقهم كويسه خلاص كفايه طفشت اقعد لوحدي بالفسحه
ادعولي اني اصاحب بنات كويسات بالمدرسه
والله يوفقك الاداره نزلو الموضوع تفكون تفكون نزلون الموضوع يالاداره
شوفي انا بكلمك من واقع تجربة
انا ادرس بالجامعة وماعندي صديقات .. كنت مررة اطفش بالبداية واحيان ودي ابكي من وضعي
بس فكرت فيهاا ليش ما انا استمتع مع نفسي
لا تحسبي اني مجنونة !!
بقولك كيف … كل ماجاتك حصة فراغ او انتظار او فسحة خلي معك شيئين القرآن وكتاب
مثلا بالصباح اول 3 حصص كل وقت فاضي فيها وودك تكلمي احد افتحي القرآن واقري
وبعدين الحصص التانية اقري ف كتاب ، كتاب ثقافي تاريخي تفسير قصص اللي تحبيه وما يكون ممنوع بالمدرسة .. وخلي لك يوميا مثلا تحفظي صفحة من القرآن
وكمان حلي واجباتك كلهاا بالمدرسة
باختصار انتي حتخلصي السنة اول شي مثقفة لانك تقري كتب مفيدة
والاهم حسنات واجر قراءة القرآن وحتحسي بسعااادة صدقيني وانك بنت منجزة وتوفيق باذن الله
كمان .. تتفوقي لانك تذاكري وتحلي واجباتك اول باول
انا مو ضد فكرة الصديقات بس لو مالقيتي وحدة طيبة فالعزلة افضل
وانك تقعدي تستفيدي وتستمتعي بوقتك كداا احسسسن .. مع الوقت يمكن تلقي صديقة
بس دحين سوي اللي قلت لك عليه ولاتنسي ركعتين الضحى ^^