محتارة ومحتاجة نصائحكم الطبيب يجيب 2024.

السلام عليكم ورحمة الله وبركاته
أنا محتارة، تعبانة ومحتاجة نصائحكم
أني بنت عمري ٢٩ سنة تقريباً.. تأخرت بالزواج، وذلك لأنني أعيش في كندا مع أهلي وأكثر الشباب هنا يذهبون ليتزوجوا من البلاد العربية وعادةً ما يختاروا الفتيات الصغيرات، الآتي لا يعرف اللغة الأنكليزية حتى وشخصيتهم ضعيفة. يمكن تسألوا ليش ما رجعت أنا لبلدي؟ أنا من بغداد-العراق، وبعد الأحتلال صعب نعيش ببغداد ووالدي كبروا وهنا الخدمات الموجودة أحسن لهم
أنا مسلمة، محجبة، خريجة جامعة وأشتغل بمجال الخدمات الأجتماعية هنا بكندا. وعائلتي غير إجتماعيين كثير ويمكن هذا سبب آخر بتأخر زواجي.
أنا أتمنى يكون لي أطفال صالحين وزوج صالح (مو معقد) لكن ملتزم دينياً حتى يقربني لله تعالى ويخاف الله بية. وما يهمني ماله ولا دراسته ولا بأي مكان/بلد يريد يعيش ولا نسبه ولا أهله.. لكن أهم الصفات عندي هي خمس (عنده دين حتى يخاف الله بية، صادق/أمين حتى اقدر اثق فيه، قوي نفسياً حتى اعتمد عليه ويحتويني ويثبتني، واثق من نفسه/شخصيته قوية حتى أكون معجبة بيه وأنضر له بإحترام، وذكي/يفهم حتى نتفاهم
آسفة على الإطالة لكن تقدملي شخص من قبل كم أسبوع. هو عراقي عايش بالهند وعنده ماجستير (وهذا ما يهمني أبداً).. تقدملي وكلنا شبه متأكدين إنو السبب الوحيد الي طلبني للزواج هو لأنه يريد يهاجر لكندا – لأنه ما يعرفني وما يعرف شي عني أصلاً والبنات بالعراق وبالهند بالملايين. يعني أني مجرد فيزة سفر بالنسبة إله. المهم، طبعاً ما حبيت أحكم عليه ووافقت إنو نتعرف حتى تتم الخطبة إذا بيها خير وإن شاء الله. هو تقريباً ٣٩، يعني عشر سنوات أكبر مني (أيضاً فرق السن مو مهم، بس يعني لازم يكون ناضج، صح؟)
أني ما عندي خبرة بهالمواضيع.. بس كل كم يوم يقول جملة بس، وشغلات ما لها علاقة بية، يعني بس يقلي مثلاً (البارحة عزمت أصحابي ومكانك فارغ).. بس ما سأل عن الي أريده بالزوج أو عن شخصيتي أو عن إليّ أريده للمستقبل، وكأن مو فارق الموضوع

وبعدين ليش ماسالتيه اذا كان متزوج والا لا