[="1 70"]انا مشكلتي مع زوجي الغالي
وهي انو عندو مشكلة من مواجهة الناس ويكره الاجتماعات العائلية والعزايم وروحي تتطلع ادا في عزيمة عشان اقنعو نروحها ويحس انو الناس كلهم يكرهو ويخافو لا يحسدهم حتى ابوه يحس انو يكرهو وماعندو اصحاب في العمل الا علاقات رسمية
انا حاولت اني اقنعو يعزم اقرب واحد لو في العمل هو واهلو عندنا في البيت بس مايرضى حتى الجيران مايبغاني اتعرف عليهم ماعندو الا اخوانو وبس واخواني قليل ينسجم معاهم بس اخواني دايما يحاولو يعزمو معاهم في السهرات والبشكات اللي يسووها بس يرفض يروح وهو اعترفلي انو كان يتعالج نفسيا قبل ماياخدني بفترة طويلة لمن كان في المتوسط بس ما مشي الحال مع العلاج حاولت اغيرو تغير شوية بسيطة بس انا ابغى اشيل من بالو انو الناس تكرهو بس ماني عارفة
وانا والله اعشقو من قلبي وماارضى اشوفو في هدي الحالة ابغى يصير اجتماعي ويكون علاقات مع اصحابو والجيران بس مااني عارفة كيف ومايحب عمانو ولا اولاد عمانو لكن اخوالو كان يخاف منهم لكن يقول بعد ماتزوجني صار قريب من خيلانو لانو اثنين من اخوالو ماخدين خالاتي انا
عشان كذا يشوفهم كثير في جمعات اهلي…
مع العلم انو في العائلة المرض النفسي كثير عندهم
بيس انا ابغى يحب الناس كلهم ومايظن السوء فيهم ويروح الخوف من قلبو .انا قلتلو طيب شوف شيخ اودكتور ينصحك امكن ترتاح بس قال مافي فايدة..
ارجوكم انصحوني
انا في حيرة ساعدونيييييييي ياأصحاب الخبرة والعلم؟؟
[/]
يا اختي انت وش تبين في السهرات و يحب الناس ما يحبهم هو على كيفه المهم هو معاك طيب و يحبك والناس مالك شغل فيهم . والله احنا الحريم اذا يكلمو رجالنا الناس نقول ما نبغاهم يكلمونهم واذا ما يكلمونهم نقول ليش لازم يكلمو الناس ههههههههه … يا حبيبتي زوجك منعزل وماراح تقدري تغيريه وهيك احسن له ولك انت كمان …
الله يعينج انشالله و يشافي يزوجج
بس ابي احذرج لا تضغطين عليه ,, المرض النفسي مع الضغط يزيد
فديري بالج:)
و انتي ادعي بصلاتج و كثري من الاستغفار بنية شفاء زوجج و تصدقي
و قومي الليل و ادعي له
الله سبحانه و تعالى موجود بالسماء الدنيا بالليل ليسمع دعائج و يستجيبه و يشفيلج زوجج
لا تتأخري في الطلب من ربنا
و هذا ابتلاء و الله اذا حب احد ابتلاه
و بعدين يا الغاليه عسى ان تكرهوا شيئا هو خيرا لكم
و حاولي انتي تعوضينه و تخلين الدنيا بعيونه حلوه
و الخطوه الاولى بالعلاج تبدي من البيت
في انج تهيئين له جو مريح و طمأنينه و سكون بدون ضغط
موفقه حبيبتي
يعني حتى انعزالي معاي انا ولما اكون مريضة يشتهي القعدة معايا وانا مااقدر افيدو بشي
الصراحة انا ماابغاها يسهر بس ابغى يشيل عقدة الخوف من الناس وكره الناس والظن السوء بس
طبعا انا فرحانه انو ميحب يسهر بس يسهر معي انا مو مع اصحابو لكن لاهنا ولاهنك كلو مايبغاه
انا ابغاه يحب الناس ويعرف ان الناس كمان تحبو مو تكرهو زي ما يفكر هو…. بس