السلام عليكم..
اخواتي مشكلتي ليست معقده ,ولكنها قد اخذت مني كل راحه,,
بإختصار وبدون ان اطيل عليكم,,
انا مخطوبه من سنتين من شخص ارى بأنه يناسبني,,مطلق وعنده طفلين ,,متفاهمين بعض الشي او اكثر,,المشكله الخطوبه طولت وبدت المشاكل بيني وبين اهلي,,حالته الماديه سيئه قليلا وانا على علم بذلك
,,ولكن ماباليد حيله,, لدرجة اني بدأت اشك بانه يسعى حقا..لانه كل ماذهب ياخذ قرض يرفضونه!! ويطلب مساعدة اخته المدرسه فترفض!!!
واخوه الصغير يرفض ان يكفله بسياره !! (((هذا مايقوله دائما))))
وانا عالقه بالوسط لاني قادره ارجع لاني وبصراحه حبيته وشفت حياتي كيف تكون معه باذن الله….ولاني قادره اتركه ووالله مابيننا ماحرم الله ولاعمري شفته بعد الشبكه ابدا..حيرانه وخايفه اتسرع واتركه وتكون هذي اخر فرصه ممكن تمر لي وعمري صار32س…المشكله بعد مافيه اي علامه تبين انه ممكن بالايام القليله القادمه راح يتم اي تطور جديد..
وانا ضروفي والله تبكي الصخر..انا مؤمنه بالله وعارفه كل شي قسمه ونصيب وماراح اخذ غير اللي كاتبه ربي بس والله ملييييت وتعبت وتعبت اعصابي من الضغط علي من اهلي حتى بالنظرات..ساعدوني تكفون..
لكل بنت تعتبرني اختها.. وكل ام تعتبرني بنتها ,,,وتنصحني
فاختى وحبيبتى استعينى بالله واستخيرى كثيرا فلعل بعد العسر يسر ولعل ان تكون هذه العسرات دليل على شئ ما يريد المولى عز وجل ان يبينه لكى
كذلك اختى فى الله احسنى الظن فى خطيبك فلعل الله لم ييسر له اخذ القرض لما فيه من مخالفات شرعية وانا ارى والله اعلم ان امر القرض هذا فيه شبهات كثيرة
كذلك اجلسى معه واعرضى عليه مشكلتك مع اهلك من اطالت فترة الخطبة ولا بد ان تجدوا لهذا حلا لكن توخى الحذر فى طريقة عرضك للمشكلة
والله ولى التوفيق
اسأل الله العظيم رب العرش العظيم ان يسعدك ويرشدك للصواب
وان شاء الله اهله يساعده فى زواجه
هو ده الحل الوحيد الموقت
وربنا ييسر امرك وييسر زواجك ياااااااااارب
ويتمملك على خير ياااااااااااااارب
اقسم اني متعاطفه مع مشكلتك كثيــــر
انا لو بنصحك بكون قسية شووووي .. اتركية وربي يعوضك خير منه قد يكون معطلك عن نصيبك .. كيف مقبل على الزواج وسنيتن مو قادر يدبر نفسه؟؟؟؟ الرجال اذا بغى شي لازم يكون قده ويحفر الصخر علشانه.. ولو اهله موافقين على هالزوجه كان ساعدوه بس الظاهر انهم متعاطفين مع زوجته الاولى كثير… وهذا مو من صالح زواجكم.
حبيبتي واله عندي قصة قريبة لي .. اول زواجه تزوجتهاا كان عمرها 34 سنة .. متزوج وعنده اطفال .. جلس فتره معاها وحن لزوجته الاولى وتركها بعد ما حملت حمل خارج الرحم افقدها مبيضهاا … وتطلقت .. سبحان الله .. كثرت استغفار وقرات سورة البقرة بنية التعويض والزوج الصالح وربي رزقها رجل مطلق بدون اطفال وحضرت زواجها من اسبوعين وماشاء الله متهنية الله يوفقها…
فاقولك مو علشان عمرك تقولين اخر فرصة .. لا حبيبتي خلي املك بالله قوي .. واستخيري وان شاء الله الله يكتبلك الخيـــــــــــر …
الله يحفظك يارب