مساء الخير عليكم جميعا شن اخباركم حابة اليوم اقدم لكم طريقتي مكرونة بالدجاج مع مقبلاتي
ونبدا بالمكرونة بالدجاج:
المقادير :
مكرونة قوقعة
صدرو دجاج للتبيلة(فلفل اسود_زنجبيل_عود لحم _جوزة الطيب_ملح_حرارت )
فلفل حلو
بصل مقطع
بقدونس مفروم
للصلصة (طماطم مفروم _توم مفروم_فلفل احمر بودرة (شطة)_معجون طماطم _ماء_زيت _ريحان )
للزينة جبن مبشور
الطريقة :
تاخدين طنجرة وتحطين صدور الدجاج مع ماء ومع تتبيلة الدجاج
الي ان ينضج بعدها يريش الدجاج
تاخدين مقلاة وتحطين زيت وتحطي الفلفل الحلو والبصل المقطع ويقلى في الزيت وبعدها يوضع على الدجاج المريش وتفرمي معاه البقدونس وجبن مبشور
بعدها تجهز الصلصة وهيا تفرمي الطماطم مع الثوم والفلفل الحار في الخلاط الكهربائي وبعدها تاخدي طنجرة وتحطي زيت وتحطي فيها المكونات وتضيفي عليهم ملح وفلفل احمر بودرة ولما ينضج حطي الريحان عشان النكهة
بعدها جهزي مكرونة القوقعة واسلقيها في ماء ولما تنشف خدي خلطة الدجاج واحشيها بها وبعدان حطي من فوقها الصلصة وجبن مبشور وحطيها في الفرن قليلا وبعدها تؤكل بالهناء والشفاء
سلطة المكرونة:
تاخدي بطاط مقطعة وبادنجان مقطع وبقدونس مفروم وبعدها يقلى البطاط والباذنجان ويوضع عليهم البقدونس
وبعدان تاخدي صحن وتحطي فيه مايونيز قليل من الخل وقليل من عصير الحامض وقليل من ثوم مفروم ويوضع علا الخلطة ويؤكل بالهناء والشفاء
تسلم يدينك عزيزتي على الطبق الرائع
ياليت ياعسل لو تروحين لموضوع المسابقه وتضيفين رد وتكتبين فيه أقبل المشاركه
من شان أسمك يدخل ضمن اسماء المتسابقات
موفقه يارب
الله يعطيك الف الف عافية
وبالتوفيق
تحياتي
الله يسلم ايديكي ويعطيكي العافية
موفقة ان شاءلله