لسلام عليكم ورحمة الله وبركاته
كيف حالكم اخواتى
يارب تكونوا جميعا بخير
فى برنامج اطفال بدون ذكر اسمه
كانت فى مسابقة للطفل يجيب على اسئلة ومقابلها جائزة
عادى لحد كدا
الطفل صغير جدا لسة مش بينطق كل الكلام صح
مكانش عارف يجاوب على ابسط الاسئلة
بردو شئ عادى
لكن اللى مش عادى لما طلب المزيع منه انه يغنى اغنية
انطلق الطفل يغنى اغنية "من اللى حافظهم" لهشام عباس
وهو اكيد مش عارف معنى الكلام لكن اهو بيقوله
ولسانه واخد عليه
اكيد من تكرار سماعها حفظها
الكل ضحك على الطفل طبعا ونظروا له كأنه بقى نابغة
وهنُّوه وسقّفوا له
ممكن تكون بالنسبة للبعض حاجة عادية وبسيطة
ما هو طفل
وخصوصا امه اللى كانت بتضحك معاهم على تصرف الطفل ومبسوطة كمان منه
وأخد الجايزة
على ايه بقى أخدها
احنا بنربي ولادنا على ايه
الطفل ده لو نشأ بيسمع القرآن بدل الاغانى مش هيقول الا قرآن
لو نشأ نشأة صحيحة
مكانتش امه فرحت بيه لما عرف يغنى وهو لسة بيتعلم الكلام
بصراحة مش قادرة اقول اكتر من كدا
لكن أظن الرسالة واضحة
اخواتى الامهات خلوا بالكم من اولادكم
والله العظيم انتن مسئولات عنهم
متقوليش ده لسة صغير
الطفل بيكبر على ما تعود عليه
وهتيجي فى يوم لو قصرتى فى تربيته تندمى والله
وتقولى فى فترة المراهقة والشباب ان عياره فلت منك
حافظى عليه من صغره
عايزين جيل احسن من جيلنا
جيل متعلق بربنا
متعلق بالقرآن
الحمد لله رب العالمين
انتظر تعليقاتكم
لاتنسوني من صالح دوعائكم 
مشكورة اختي علي كلامك الرائع
انا معودة بنتي عالسماع قناة طيور الجنة عاادي و لا لا
كثير وفيها شوية موسيقى او ايقاعات لاأعلم المهم أن فيها شبهة واااااااضحة فابتعدي عنها أناشيد الأطفال كثيرة لو أردت البحث عنها لإرضاء ربنا جل وعلا
والقرآن أولى من ذلك كله