نفور الصديقات مني متعبني نفسياً -تم الاجابة 2024.

عندي مشكلتين مو قادرة يهدالي بال بسببهم ومتعبيني
ومأزميني نفسياً والله ،و بحاول اختصرها ع قد ما اقدر ..

المشكله الاولى، انا من بداية حياتي الدراسيه وانا الاحظ نفور الناس مني! يعني من لما كنت طفله بالابتدائي؟ والبنات اللي معي يكرهوني ويأذوني ومحد يبيني ولا يجلس معي ، كبرت ودخلت المتوسط نفس الشي لكن بطريقه ثانيه؛ يعني البنات يجلسون معي يوم ويوم يسحبون علي وتتغير افعالهم تعبت كثير كثير بالمتوسط ،وانا كنت بمدرسه اهليه يعني متوسط وثانوي مع بعض ف كنت احصل مضايقات وتحرش لفضي حتى من بنات الثنوي اللي اكبر مني! ، كرهت حياتي وقتها وصرت ابكي وشايله هم اكبر مني بكثير ، لحد يقول يمكن شكلك او مظهرك ، انا الحمدلله جميله واحس اني ملفته بعد لكن مو هذا السبب ، و ف صف اولى متوسط الترم الثاني ، رحت مدرسه حكوميه وانا اعصابي نافذه و خلاص جد معد ابي احد يغلط علي او يقرب مني طوالي بنفجر لو احد قلي نص كلمه ، اول م دخلت المتوسطه الحكوميه لقيت بنات حولي وكأنهم يبون يتعرفون ، انبسطت وقتها وصرت اقولهم اسمي ومن اي مدرسه جايه ، و بعدها اليوم الثاني ع طول جات بنت واذتني بحركه قمت لا شعورياً ضربتها بكتفها ، وهالبنت عندها شله كبيره جلسو كلهم حاقدين علي وكل وحده تقول لثانيه لين الكل كرهني بسببها ، وتصاحبت مع بنات وتركوني ورجعت بثاني متوسط تصاحبت مع بنات مو سعوديات ومشيت حالي معاهم وبثالث متوسط و رحمه ربي لي كونت شله من بنات يجننون و ضليت معاهم سنتين وكانت احلا ايام وبعدها بدو يحسون بكُره بنات المدرسه لي وتغيرو وصارو يتفشلون مني وانا حسيتهم يبتعدون معد يحبوني مثل اول و انا تضايقت كثير وكنت اكتم صراحه و لما خلصت سنه اولى ثانوي رجعت نقلت مدرسه اهليه عشان الدرجات ، مدري وش جاني قمت حذفتهم كلهم من البيبي وخرجت من قروبات الواتس وقلت انساهم عشان م يتفشلون ، حذفتهم وندمت صراحه ندم شديد وابغا ارجعلهم و مو عارفه كيف انا حاسه انهم فاقديني لاني كنت معطيه الشله جو و يحبون الوقت لللي اكون فيه بس مشكلتهم يتفشلون مني وهالسبب اللي خلاني اتايق واحذفهم كلهم مره وحده واحسهم جدا زعلانين ومصدومين مني كيف ارجع لهم تكفون ابيهم اشتقت لهم مارح القا صحبات زيهم ابي نطيح الحطب واعتذر لهم و نرجع زي اول واحسن ،اعطوني من اقتراحاتكم ان شاء الله تنفع ..

المشكله الثانيه ، انا ناقله مدرسه ثالثه لان المدرسه ذي برضوا البنات اللي فيها ابتعدو عني يقولون بسبب اسلوبك و بعضهم يقولون انتي ملوله م تحبين تجلسين ع شله وحده ، وبعضهم يقولون انتي تعطين ف الوجه يعني تزبدين و م همك المشاعر ، م علينا ،، ابغاكم تقولولي لما انقل المدرسه الجديده وهي اخر سنه ان شاءالله ، كيف اجذب البنات لي من اول م ادخل الفصل وش التعامل اللي يجذب البنت اكون خجوله ؟ ولا اكون مندفعه وجريئه من اول مره ؟

والله يسعدكم وانا قلت بختصر بس اسفه ع الاطاله اتمنى تساعدوني ، اختكم ندى وشكرا . [/CENTER