هل اذا وافقت عليه اظلم نفسي واظلمه؟ هل موافقتي عليه خطأ -لصحتك 2024.

هل اذا وافقت عليه اظلم نفسي واظلمه؟ ..هل موافقتي عليه خطأ

.. السلام عليكم ورحمة الله وبركاته ..
اخباركم بنات ؟
.. انشالله تكونون بافضل حال ..
مابطول بالكلام ,,
ببدأ اقولكم مشكلتي اللي محتااااره فيها ومو عارفه كيف اتصرف ..
وطمعانه بردودكم وخبراتكم ..
انا عمري ٢٢ سنه ..
الحمدلله انا محافظه ع صلاتي وقراءة القران يعني الحمدلله ..
اادي واجباتي وازيد ..
ولا اعرف لابرامج دردشه ولاشي ,,
وحده من صديقاتي ..
قالتلي ادخلي برنامج كذا حلو ومادري ايش ..
وانتي تعرفي اخلاقك يعني قادره انك تتعرفي ع بنات وبس واقنعتني بهالشي ..
المهم دخلته ..
سبحان الله مارتحت فيه ابد مادري حسيت انه عالم غير العالم البريئ ..
اللي كنت عايشه فيه كنت ادخل رومات

دينيه وكذا طلعت منه وبعدين رجعتله ..

وقتها جاني الشيطان واحد ارسلي اضافه .,

قبلتها قلت بس بشوف وش عنده المهم عرفني عليه ..
وكنت جدا ملتزمه بالكلام معه وخايفه اول مره اتكلم مع رجال ..
المهم هذا الرجال طلع مراقبني بالرومات اللي كنت ادخلها من اول ومن بداية ما اتكلم معي ..
وهو يلمحلي ع الزواج وانه قرر ومادري شو .. وصار كل مايشوفني داخله يقولي اخطبيلي ع ذوقك اثق باخلاقك ..
بيوم قلتله لقيت عروستك وطبعا كل هالكلام كان جاد وكذا ..
يوم قلتله لقيت عروسه قال تحبي الخير لغيرك قبل نفسك ..
قال خلاص انا من اول مقرر عروستي وقالي ابيك انتي ,,
وطبعا هو عارف اخلاقي وكلامي معه كله بحدود ومااحد مضاف عندي غيره ..
انا احسه تعلق في ..
وواثق فيني كثييير ,,
وحددلي قال بعد امتحاناتك اجي لمدينتك ولا وصلت اعطيني عنوانك ..
عشان ماخاف يعني ..
وانا محتاره يابنات ,,
مادري شسوي ..
احسه مررره صادق معي لانه يقولي اللي يخليني اتمسك فيك انك ترفضي تقوليلي كلام حلو ..
تخافي من ربك .. وهذا يحببني فيك اكثر .. وابي رايكم بنات شسوي اخليه يجي يتقدملي ولا اكنسل الموضوع .. واحذفه مع العلم ان علاقتنا مالها كثير وانا ابد للحين عذراء القلب مادق قلبي لهه اببدددا وهذا من نعمة ربي علي .. دعيته ان مايدق قلبي الا بالحلال..
و هو ع طول طلب يتقدملي ..
بس اللي يضايقني احيان يطلب مني اهتم فيه واقوله كلام حلو وهذا يقهرني لانه فاهمني ويدري اني مارح اقول هالكلام الا بالحلال ..
وبعدين يعتذر ويقولي اسف دخلتك دوامات معي وانا اعرفك واعرف اخلاقك ..
افيدوووني بخبراتكم ..
انا الفتره الاخيره استغفر كثير وادعي ربي بالزوج الصالح لان الزوج الصالح يعينك ع دينك ودينك .. وانا طمعت ادعي ربي بهالشي ..
ومع استشارتكم بهالموضوع انشالله بستخير ربي ,, ويوفقني للخير ..
لكن ابي اسمع ردودكم ..
ومشكورين .. ع التعاون ..
اختكم ريما ..

افيدوني بنات .. مو عارفه شلون اتصرف

ياعمري بعدج صغيره وبصراحه انا من المؤيدين بقوه للزواج التقليدي اللي يكون عن طريق الاهل او اقلها من معارف او الاصحاب.، كيف حكمتي عليه انه صادق ؟؟ ياعمري احنا نتزوج من ناس نعرفهم وقد شفناهم ونعرف اهلهم وتقريبا كثير اشياء عنهم ومع هذا ممكن يفشل الزواج هذا ماتعرفين عنه شي لا اهله لا وضعه لا ناسه لا طباعه لايغرج الكتابه الكل يقدر يكتب بس يمكن عنده مشاكل يمكن وضعه مو طبيعي ولا شنو حاده يتزوج من برامج دردشه بالنت ؟؟!! انا مابي اظلمه يمكن يكون صادق بس والله الوضع صعب انا اكلمج وكاني اكلم بنتي لو اختي ومراعيه ضميري بنصيحتي لج لو جت اختي وقالت بيخطبني واحد من برنامج دردشه تعرفت عليه صدقيني راح ارفض وبشده وبقنعها تغير رأيها ،، احنا ولد عمنا او ولد خالنا اللي منا وفينا اذا تقدم تدور مية علامة استفهام فوق روسنا عنهم وعن طباعهم وهل النجاح راح يكون حليف هالزواج فما بالك بمثل هذا؟؟!! وعشان ما اظلمج واظلمه استخيري واستخيري واستخيري وشوفي ساعتها شنو مشاعرج راح تقول لج وراجعي نفسج ولا تتهورين اعطي نفسج فرص احسن توج صغيره ياغلاهم،، موفقه وربي يسهل امورج.

حبيبتي انا من رائي انك ماتوافقين ابد وقولي له لاتعب حالك ماراح اوافق وبعدين الغيه من عندك ولا تكلمينه حرام حتى لو كلمتيه في حدود الادب هذا انسان اجنبي عنك وما يجوز تكلمينه وبعدين كيف تثقين فيه اذا كلمك بيكلم غيرك وبعدين هو مارح يثق فيك وبعدين ياقلبي توك صغيره لا تستعجلين وبعدين تندمين وانشاء الله ربي يرزقك بالزوج الصالح اللي يسعدك واخيرا اكرر انك ماعاد تكلمينه مره ثانيه ولا عاد تتدخلين نهائيا اسال الله انه يسعدك ويوفقك لما يحب ويرضا
اتمنى لك التوفيق من قلبي

ماشاء الله البنات كفو ووفو انا معاهم كلامهم عين الصواب
الله يوفقك ويسر لك الخير ويرزقك الزوج الصالح وجعله عاجل غير اجل

أنا مااشوف أنك تعطينه عنوان بيتكم امكن يخطط لشيء ثاني
او يبغى يوصل لهدف غير الزواج

ماانصحك حبيبتي خاصة وانه من رومات ودردشه حتى لو كانت دينيه
لو موقع زواج بقولك ايه
لان حتى لو عايرك بعدين تقدريتردي عليه بعشر وابسطها موقع زواج واغلبهم محترمين
لكن دردشه ؟؟؟
يمكن يذلك فيها بعدين
استخيري
ولا تستعجلين انا قرت قصه واحد تعرف على وحده
جلس معاها 6 شهور مسن بعد ماتعرف عليها
باحدى المواقع
ولما البنت تطمنت له ووثقت فيه طلب صورتها وهي المسكينه اعطته
وبعدها كشر عن انيابه وهددها يااإما تطلعي معاي ياما اعلم اهلك
انتبهي الحين الدنيا تخوف
وتراهم يتصيدون اللي مثلك على نياتهم ولا لها بلخرابيط عشان خطتهم تضبط
ويمشي عليها الملعوب

لاااااا حبيبتي امسحيه و لا تدخلي بهالاشياء ابببد ..
حتى لو جاد لا تدخلين وياه بهالاشياء و احذفيه بأسرع وققققت ..
و احذفي البرنامج بكبره يا قلبي ..
و الله هالاشياء ما وراها الا المشاكل ..
و اذا ربي كاتبه من نصيبك حتى بعد تحذفينه بتلاقينه ..
بعدين هو دامه يطلب منك كلام حلو اكيد بيطلب من غيرك ..
و يا حبيبتي هو كل فتره يطلبك كلام حلو و اهتمام يبي يشوف ضعفتي و لا بعد تبين شغل اكثر ..
ارجوووووك حبيبتي اسمعي كلامي و احذفيييييه