انا انسانه الحمدلله جميله وفيني حاجات مميزه عن غيري والكل يشهد بشكلي الا زوجي طول هالسنين مايمدح ولا حتى يذم ولا أصلا يرغب فيني ولا كأني موجوده في البيت اللي بيني وبينه حياه عاديه روتينيه جامده لا مشاعر ولا نظره ولا حتى لمسه يعني بالمختصر أنا عنده كاني واحد يعرفه بالشغل خذو بالكم ماقلت كاني أخته لان خواته شايفين ان هو رومنسي من كثر ماهو مبتسم لهن ويجاملهن ويفكر فيهن وبمشاعرهن
لاتفهموني غلط أنا أحب خواته وهم يحبوني بعد وأبدا مافكرت أغير منهن
أنا أحس اني خدامه في بيتي شفتو هذا الاحساس فظيع والمفروض ماتحس به وحده متزوجه لكن هو خلاني أحس كذا
ويمكن اكثر من شغاله لأن الشغاله احيانا أحد يرغبها صح ولا لأ
تخيلو لما نمر من جنب بعض بالبيت يبعد نفسه يخاف يلمسني كأني وحده بالسوق يوخر عنها
عنده مشاعر وحب وحنان وكلام جميل ومدح بس مو لي لأطفالي فقط
الكل يقول عنه حنون لكن أنا ماشوف هالحنيه وممنوعه منها
أنا يوم وافقت أتزوج كنت أبي أحصن نفسي لاني عندي عاطفه وحنان وأبي زوج يحتويني وأحتويه يحبني ويرغبني وأنا بعد مثل ماكنت أحلم قبل الزواج فهمتوني
على فكره انا كل من عرفني حبني ومأبالغ ابد
والله اني مجروحه وخايفه ومهمومه ودمعتي على خدي ودايما وأنا لحالي ككاني ماتزوجت
اللي تزوجن بعدي يعرفن أمور ماعرفها عن العلاقه
ولما يتكلمون عن حياتهم استغرب ليش أنا مو زي كذا
ليش زوجي مو كذا
أنا مؤؤمنه بالقضاء والقدر
والحمدلله على كل حال
بس انا جدا عاطفيه واحب الرومانسيه وماني لاقيه احتواء ،ولا حتى كلمه حلوه والله والله نسيت ريحته من كثر السنين اللي مرت علينا بدون حتى بوسه وحده
ادعووووووووولي
يعني في رجال يكونون رومانسين
وفي رجال مايبدون مشاعرهم لزوجاتهم
يعني لاتقارنين زوجج بازواج صديقاتج
وجلسي مع زوجج تكلمي معاه عن الي بقلبج
اكيد بيسمع منج
وحاولي تغيرين من روتين حياتج
فاجئي زوجج بعشا رومانسي مع شموع ولبس مغري
او حمام رومانسي عبي البانيو بالماي والرغوه ونثري ورد وحطي شموع
والله يهديه لج
حآولي تتفآهمي معآه يمكن عنده مشكله ومتضآيق من شي فكوني قريبه منه
خليه يفضفض لك كوني أمه وأخته وزوجته وبنته غيري من نفسك
وأكسري هذآ الروتين وإن شآء الله يتغير
موفقه
وبكثرة الاستغفار