انا حبيت اضيف ليكوا تجربتي الخاصه في الدايت واني ازاي خسيت ونزلت من وزني الحمدلله ماشاء الله بعد ما كنت فقدت الامل بس اللي يتكل علي الله ابدا ما ينضام 
شوفوا بنات كان وزني 105وانا بالاصل وانا بنت ما كان وزني يزيد عن ال 70او 68بس بعد الزواج لقيت نفسي بزيد بشكل غير عادي واكلي زي ما هو بس حللت واكتشفت ان عندي غده درقيه بس ما عليكوا ماهي حجه لعدم نزول الوزن هي سبب في زيادته اه بس ما تقولي سبب في عدم نزولي زي ما كنت اقولكل يوم اخد علاجي ليها واقول بكره راح ابدأرجيم وابدأ في اول اليوم وفي اخره اكل بشرررررررررررراهه
وبعدين اعمل كده
واقول غبيه ما في فايده ابدا فيكي كلي كلي وكأنك ما اكلتي طول عمرك وما ارفتي من الاكل كل يوم خليكي لحد ما تسيري 200 كيلو يا ,,,,,,,,,,,واشتم نفسي طبعاوبعدين اليوم اللي بعده اجري علي السوبر ماركت واجيب اكل الرجيم اللي يكفيني اسبوع الحميه وبالليل اكله كله مره واحده
لحد ما قلت لنفسي خلاص والله انك زودتيها وخصوصا اني مقيمه في دوله اوربيه وبعيد عن اهلي وبنزل اجازتي ليهم مره بالسنه وكل سنه اقول لماما واخواتي وانا ماشيه لا السنه الجايه بجيلكوا وانا عامله مفاجاه هتشوفوا ما راح تعرفوني وفعلا اعمل المفاجأهوانزلهم ماشاء الله زايده ومربربه ومالاقيه حاجه انزل بيها وادور في المحلات وارحولهم بلبس كنت شرياه من هناك قبل ما اسافرلاني مالاقيه مقاسي في الدوله الاوربيه وصارت ركبي وضهري يوجعني وما اقدر اتني رجلي في الصلاه وتقيله وجوزي يقولي اوعي تقوليلي انا رايحه السوبر ماركت اجيب حاجات للحميه وهبدأ من بكره ارحميني من موال كل يوم
والله صيرت كارهه نفسي فنصحتني امي 
اولا الجأي ربنا في كل صلاتك وادعيه واستغفريه وقوليله ياربي اقف جانبي في حميتي فضحكت وقلتله الله يهديكي ماما بدل ما ادعيه بحاجات اهم اقوله يارب اقف جانبي في حميتي قالتلي ايوه انتي بتطلبي كده من ربنا لانك مريضه السمنه مرض بتأثر علي القلب والعظام والسكر والتنفس وكل شي ومعنويا وحفاظا علي جوزك وانك عايزه تبقي بصحتك لاولادك ومراعيتهم 
انت مجنونه اطلبي من ربنا بحرقه وقوليله كرهني في الاكل لحدمااخس يارب ثبتني ما اضعف قصاد الاكل وانا بعمل الرجيم يارب انا ما عايزه اتمرض فعافيني واشفيني وقويني والله اني عملت كده بجد وبدأت نظامي بوقفه الله جانبي وكانت احلي نتيجهثانيا,,,,,,,,,اختارت نظام رجيمي اللي همشي عليه واشتريت حاجته كلها بس المره دي ماكلته مره واحده هههههههههههه وشوفي كيف كنت ابدا اليوم ثالثا,,,,,,,,,,,,اقوم في الفجر اصلي وادعي ربنا واقوم اخد علاج الغده واشرب قهوتي بسكر الدايت وافطر واروح اكوي والبس واجهز لبس ولادي واصحيهم البسهم وانزل احطهم في عربيه 
الاطفال واوديهم حضاناتهم وجوزي خلاص راح شغله وارجع الف بالمحلات والماركتتات لما احس اني ما قادره اجر رجلي بس المشي الكتير وانتي بتلفي تتفرجي علي المشتريات بيكون سهل وليه طعم وفي شنطتي زجاجه مايه اشرب كل ما احس بجوع وارجع علي الضهر اجهز غدايا واتغدي وبعدين اعمل لولادي وجوزي غداهم وانزل اجيب اولادي واطلع البيت اغديهم وانزل اروح بيهم في اي حديقه يلعبوا وانا العب معاهم واتحرك كتير واشرب مايه وارجع البيت جوزي يتغدي واشطب مطبخي ولا لو ورايا شيئ في البيت والصلاه طبعا واشغل نفسي بقراءه القران واجوع اشرب مايه واضعف افتكر المحلات اللي كنت بشوفها الصبح وجمال اللبس في المقاسات الصغيره واتخيل نفسي بشتري اللبس ده والمقاس كبير ما في اصغر ههههههههه واقوم اتعشي واشغل اي موسيقي سريعه واعد احرك في جسمي وارقص بحركات هبله اوي وهستريه بس بغرض جسمي كله وخصوصا النص اللي تحت يتحرك وولادي يموتوا من الضحك ويروحوا ينادوا بابي يشوف بس علي مين اول مايجي اعمل نفسي بسوي تمارين رياضيه 
وبنتي تقولي لا يا مامي اعملي كده وكده بسرعه يالا ضحكينا الله يسامحك بينتي دايما فاضحاني مع ابوها وعشان ما انام وانا متعشيه واروح اخد دش وانا بدري حتي لا اضعف وكل يوم من ده كل ما الاقي نفسي هضعف اطلع اخرج اروح لمكان او لصحباتي بس ما استسلم لاعده البيت اللي تجوع ويوم اجازه زوجي والولاد ما اخليهم في البيت يالا علي بره خارجين جوزي الله يخليكي سبيني انام وارتاح تعبان طول الاسبوع لا تعبان مش تعبان اتعب انت شويه ولا اضيع انا احسن والله ترجع يوم تلاقيني واكله عيالك هههههههههه واستمريت علي كده وطبعا كنت اروق نفسي في البيت لارفع من معنوياتي البس الضيق والقصير والمكشوف واتمكيج واعمل شعري وابص في المرايا ابص علي البزابيز اللي من كل ناحيه واقول لا انا لا انتوا بكره انزلكوا والبس اللبس ويكون احلي عليا ان شاء الله والميه الكتير ليها تأثير السحر والله والميزان اتابع كل يوم ولو ما نزلت اقول عادي يومين واوزن تاني ان شاء الله انزل انا مش مستعجله يا ميزان الهم انت والله بنات خلوا عندكوا اراده ياما اكلنا وشبعنا من الاكل ما احنا مطهومين ننزل الاول وبعدين بناكل كل شئ بعد كده بس بكميات قليله وبحساب وبعد ماننزل نبدل في شويه حاجات في عادتنا الغذائيه بس لنحتفظ بالوزن اللي وصلناه يعني بدل ما نطبخ بالسمن خليه زيت عباد الشمس او زيت زيتون بدل ثلاث معالق سكر علي الشاي والمشروبات خليها معلقه بدي العصاير المحلاه خليها من غير سكر بيور يعني بدل ما نسبك الاكل خليه ني في ني ومش لازم اتنين كيلو طماطم علي الطبيخ خليه ربع يحمر الطبخه بس ويديها اللون بدل ما كل يوم حلويات وشيكولاته وايس كريم خليها مرتين بالاسبوع وبكميات قليله والله عادات لا اكتر نامي بدري واصحي بدري شوفي الفرق اتشجعوا انا ما كان فيا امل انا مش احسن منكوا انتوا احسن يالا اتحدوا نفسكوا لامتي هتاكلوا ما شبعتوا اكل نفسيتكوا راح تتغير وتصير احلي والله انا لما نزلت الاجازه الصيفيه دي في شهر سبعه يوليو والله في المطار اخواتي شهقوا ما مصدقين
قلت شفتوا اخيرا عملت مفاجاه عدله وسمعت كلام تشجيعي بسطني والكل كان هيتجنن في العيله عملتي ايه قولي برافو عليكي ومش هقول ليكوا بقي علي اللي كانوا غايرنين وكانوا عايزني افضل لافشكيري عرفت ساعتها اني كنت غبيه ليه ضيعت وقتي في الاكل وكل العيله تقولي احنا مش كنا بنحب نضايقك انتي كنتي رهيبه وشكلك اكبر من سنك واللي تقولي لما قلت لخطيبي دي بنت خالتي المقيمه في الخارج قالها هي دي اللي قلبتي راسي بيها دي شوال قطن الله يسامحه ليه حق والله قلت ياولاد اللذين وما كنتوا تقولولي خسي ولا اي شئ طب انا اهو باللوك الجديد شكلا وموضوعا والله لااوريكو تعالوا بقي ده انا طولت عليكوا لما دلوقتي نفسكوا تقولوا غوري ارفتينا انتي وتجربتك بس حابه والله اشجعكوا النطام اللي كنت ما شيه عليه كان ينزلني كيلو باليوم واعتقد كتير عارفينه العشا اليومي كوب عصير مكون من اتنين حبه كيوي وشريحه اناناس واخلط بالخلاط في شويه مايه بدون سكر طبعا وضيفي ليمون لو حابه واليوم الاول والتاني فطارنص تفاحه وقهوه والغدا تفاحتين والتالت والرابع نص علبه زبادي لايت ولو كان اكتيفيا احسن والقهوه والغداعلبه ونص زبادي واليوم الخامس والسادس الفطار قهوه بس والغدا خس باي كميه واليوم السابع والتامن الفطار قهوه بس والغدا قطعتين فراخ من الصدر مشوين او مسلوقين وبعدين المايه المايه المايه ولو لسه عايزين تكملوا افصلو يوم فري بس مش فري محشي وكبسه لا بعقل الله يخليكوا وبعدين كملي وابداي تاني بس انا الصبح كنت اشرب قبل الفطار علي الريق ماج عباره عن معلقه ارفه ومعلقه ارنفل ومعلقه جنزبيل معلقه صغيره طبعا مطحونين ومغليين ومحلي باتنين سكر دايت وكنت بالليل قبل ما انام اجيب ماج واحط فيه معلقه صغيره كمون مطحون وشريحتين ليمون واحط عليه مايه مغليه واغطيه من غير تحليه والصبح علي الريق قبل الاورنفل والقرفه والجنزبيل اشربه الاول ووراه الماج التاني يعني الاول الكمون بيكون بارد طبعا من بالليل انتي عملاه وسايباه متغطي فسمي واشربيه مره واحده ومزمزي في الماج الساخن القرفه والجنزبيل والارنفل واشربي بقي قهوتك وفطارك والله انا حكيت بالتفصيل الممل حتي احسكوا مليتوا مني اسفه علي التطويل بس حبيت افيدكوا بتجربتي 
والله بنات تعبت لحد ماخلصت كتابه ما تبخلوا عليا بردودكم ليه بتشاهدوا وتستخسروا فيا رد ولو بكلمه ما عجبكوا تجربتي طب مافي شكرا هههههههه استني ردودكم ما تبخلوا
فعلا الأاستعانه بالله في ك لالأاشياء صغيرها قبل كبيرها فعلا بيعطي همة ونجاح وربنا بيوفقك والهي امك عندها حق ربنا يجزها خير فيكي
|
المشاركة الأصلية كتبت بواسطة sedty khbeert a3shab
 يسلموا يا قمر والهي انتي سكر وحكايتك لذيذة موت
فعلا الأاستعانه بالله في ك لالأاشياء صغيرها قبل كبيرها فعلا بيعطي همة ونجاح وربنا بيوفقك والهي امك عندها حق ربنا يجزها خير فيكي |
تسلمي يا قلبي انا سعيده انك اول حد رد عليا ويجزيكي كل الخير
الله يعطيك الف عافية
=================
|
المشاركة الأصلية كتبت بواسطة anawebass
والله حمستيني انزل وزني
الله يعطيك الف عافية ================= |
يالا حبيبتي اتشجعي وما تترددي والله اكلنا لما ملينا ما بيجي يوم عليكي وتبقي مش عارفه تطبخي ايه وتفضلي تقولي والله زهئنا من الاكل ومش عارفه اعمل ايه النهارده نقضيها باي حاجه بقي
الف الف الف مليون مبروك عليك الوزن اللي نزل وعقبال الوزن الزائد اللي باقي ويارب يوفقنا واياك وننحف كلنا من غير شر
واهم شي التوكل على الله
وانا كمان والله بدعي ربنا يوفقنا ويقويني انحف
وياريت كل وحدة تدعي لنفسها ما تنسى تدعي لأخواتها
يارب كلنا نوصل للوزن المثالي اللهم امين
ولشكرك من كل قلبي على تعبك معانا وكتابتك لتجربتك في خسارة الوزن
بس يا غالية ما خبرتينا كم كانت المدة اللي نزل عليها وزنك
وكمان هل كنت ديما تمشي على نفس الريجيم ولا كنت بتغييريه
معلش حبيبتي طولت عليك وتعبتك معايا
تقبلي ودي واحترامي لك
احبكن في الله
والسلام عليكم
|
المشاركة الأصلية كتبت بواسطة عاتكة1
مشاااااااااااااااااء الله عليك ربنا يباركلك في صحتك واولادك
الف الف الف مليون مبروك عليك الوزن اللي نزل وعقبال الوزن الزائد اللي باقي ويارب يوفقنا واياك وننحف كلنا من غير شر واهم شي التوكل على الله وانا كمان والله بدعي ربنا يوفقنا ويقويني انحف وياريت كل وحدة تدعي لنفسها ما تنسى تدعي لأخواتها يارب كلنا نوصل للوزن المثالي اللهم امين ولشكرك من كل قلبي على تعبك معانا وكتابتك لتجربتك في خسارة الوزن بس يا غالية ما خبرتينا كم كانت المدة اللي نزل عليها وزنك وكمان هل كنت ديما تمشي على نفس الريجيم ولا كنت بتغييريه معلش حبيبتي طولت عليك وتعبتك معايا تقبلي ودي واحترامي لك احبكن في الله والسلام عليكم |
ربنا يخليكي حبيبتي ويباركلك وان شاء الله ننزل كلنا للوزن اللي عايزنه عشان صحتنا انا استغرقت حوالي شهرين بالظبط اربع اسابيع علي نفس النظام واربع اسابيع علي نفس النظام احب اضحك معاكوا انا ما غيرت نظامي في الشهرين لاني الصراحه جربت من قبل حاجات كتير بس ده النظام الوحيد اللي جاب نتيجه وبسرعه بس اهم حاجه بعد كل 8ايام تعملي فري عشان الهرمونات تتلخبط وترجعي تكملي عشان النتيجه تكون فعاله والله حبيبتي في اليوم كيلو انزله بس انا عملته علي شهرين يعني كنت اعمل اسبوع ولا اتنين وريحلي اسبوع بس مع المحافظه ما كان وزني يزيد عن اللي نقصته بس لو عملتيه متواصل مثلا 8 ايام ويوم فري وبعدين 8ايام تنزلي باذن الله 16 كيلو بس ما تنسي الميه زي ما قلتلكوا والحركه لو بشويه حركات اللي عملتها طلوع سلم نزوله مشي كتير لا بسرعه ولا جري امشي للفرجه لا اكتر يضيع الوقت ووانتي ماشيه ضيعي الوقت في الاستغفار والدعاء وانا جاهزه ليكي وللكل بأي استفسار قلت لجوزي ما في خروج اليوم انا عندي موضوع مهم بتابعه علي النت مسويه نفسي مهمه قالي والله ريحتي يارب تتشغلي دايما افتكرته هيضايق بس انا فهماه عايز ينام تعبان بضحك علي نفسي والتمسله عذر
مشكووووووووووووووره ياقلبي