مرحباااااااااااااااااااااا
كروشااااات اخباركم ان شالله احوالكم كلها تمااااام 
طبعا ياكروشات انتو عارفين مابعد الكروشه وش راح يصير يعني بعد ماكانت الكروشه منتفخه راح تفششششش هههههه
فهل عملتو اشياء وتجهيزات لكم بعد ماتفششش 
انا حبيت اسوي هالموضوع على شان نتناقش فيه على التجهيزات
وخصوصا لحوامل الشهور الثلاثه الاخيره لان هم حالين جالسين يجهزون
وبصراحه نبي نستفيد من بعض بالاشياء اللي شريناها والاشياء اللي ماشريناها
يعني مانبي يجي موعد الولاده ونصير ناسين شي
وعلى شان يسهل علينا التقضيه
انا قسمت تقضيتي ل4 اقسام على شان ماتعب ولاانسى اي شي
وكل بين فتره والثانيه اروح اشتري الاشياء اللي تخص القسم
القسم الاول :
فسم تجهيز الام " انا بديت بنفسي على شان اخلص
فصلت مفرش استقبال نفرين على شان استفيد منه بعد الولاده ودولاب للطفل وحافظ المناديل وزباله الله يكرمكم ومدس للطفل وروب استقبال للام
وسرير للطفل
اشتريت 3قمصان استقبال وزياده عليهم الروب اللي مع المفرش يعني 4 وشب شب 2 وبكلات شعر على الوان القمصان
وكماده للبطن وكلوتات وستيانات رضاعه 2 بس لاني اتوقع اني ماراح احبهم نهائيا اشتريت البقايه ستيانات عاديه اسفنج
القسم الثاني :
قسم تجهيز المولود "
شريت 4 اطقم استقبال للطفل وشريت بجامات للبيت تقريبا 4 وشريت برتوزات يمكن 10
وبس
القسم الثالث :
قسم الاواني والتقديم "
شريت دلال ويا صواني تقديم حلوووه عجبتني مره
وشريت بيالات ويافناجيل هم حلوه وراقيه كثير
وصواني تقديم للحلى اخذت صينيه وحده بس لاني بسوي تغليفات وشريت بازه حلوه كانها كاس كبير احط فيها سكر مكعبات مغلفه
وكاسات للتقديم الماي وكاسات لتقديم العصير
القسم الرابع :
قسم الصيدليه وطبعا للحين ماشريت فيه ولالالا شي ابي استنى ادخل التاسع بعدين بشتريهم
مسحات طبيه ومرهم ميبو للجراحه
مشد للبطن وانا محتاره كثير وش ا حسن مشد ومن وين اخر شي قلت بشتري اللي من الصيدليه وللحين مادري اتمنى تفيدوني بخصوص المشد عن تجربه
فوط للصدر حقت ادرار الحليب ليفة جسم فووط صحية
وسمعت عن حبوب فيتولات هي مكونه من الحلبه والحبة الحلوه لاادرار الحليب
هذا بالنسبه لي
وبالنسبه للبيبي :
بامبرز اصغر حجم ومناديل رطبه تشبز
وشاي الاطفال
ورضعتين صغار قزاز وحده للحليب ووحده للماي
وحلمات سمول
ومجموعة الطفل من شامبو وزيت ولوشن …….الخ اتوقع مجموعة بيجون افضل مجموعه
ومدري يمكن نسيت شي بعد
القسم الاخير :
قسم الاعتناء بالاكل والشرب
طبعا يبغالي اروح العطار
واشتري منه حلبه ورشاد لتقوية الظهر
وعباءة السيده سمعت انها تضيق
وقشر القهوه او قشر البن مع يانسون وقرفه لمسح الكرش
والاشياء اللي ماشريتها حدث ولا حرج
باقي لي اغراض للبيبي للحين ماخلصتها
وهي عباره عن بقاية الملابس للطفل للاستقبال
واغراض الصيدليه زي ماذكرت
ووووووبسسسسسسسسسسسسسسسسس
اتمنى انكم استفدتو وان شالله راح تفيدوني
يالله ياكروشات احكو لنا عن تجهيزكم وش شريتو ووش باقي لكم
الله يسهل علينا
حبيبتي مثل ماوعدتك بكون اول المارين للموضوع
انا بصراحه ليا 5ايام بالشهر الثامن طاززززه يعني ولكن ماشتريت ولا قطعه ولا شي لان الزووووووووج
معند مايبغى يشتري من الان يقولي بدري وبصراحه متعبني بعناااده لان بصراحه زوجي مثل اهله طبيعتهم باااردين جدا وماهم متطورين فيشتروا الاشياء دي لمن تولد الحرمه تخيلوا فانا ماحب كدا احب اول باول وبدري وجالسه احاول بزوجي العنيد ولكن بدون جدوى وعدني انه نروح نشتري الشهر الجاي ومدري صادق ولا يكدب انا عارفه انه امه قالت له بدري من الحين تشتروا واااه من العناااااااااااااد
حبيبتي مثل ماوعدتك بكون اول المارين للموضوع
انا بصراحه ليا 5ايام بالشهر الثامن طاززززه يعني ولكن ماشتريت ولا قطعه ولا شي لان الزووووووووج
معند مايبغى يشتري من الان يقولي بدري وبصراحه متعبني بعناااده لان بصراحه زوجي مثل اهله طبيعتهم باااردين جدا وماهم متطورين فيشتروا الاشياء دي لمن تولد الحرمه تخيلوا فانا ماحب كدا احب اول باول وبدري وجالسه احاول بزوجي العنيد ولكن بدون جدوى وعدني انه نروح نشتري الشهر الجاي ومدري صادق ولا يكدب انا عارفه انه امه قالت له بدري من الحين تشتروا واااه من العناااااااااااااد
حتى ربنا يفجها عالينا
الله يعطيكى الف عافيه على الموضوع الرائع
بس وضحي لزوجك ان الوحده بالشهر التاسع همها الوحيد نفسها وغير كذا افضل شي كل يوم واحد بالاسبوع تقضين شي على شان ماتتعبين كثييير
انا على شاني اول مولود ومتحمسه كثير واهلي انصحوني كثييير اني اقضي قبل دخولي التاسع وهذاني بين فتره والثانيه اروح السوق ومع كذا ماخلصت الله يسهل ودي اخلص كل شي قبل دخولي التاسع
لاني شايلتهم هم على قلبي
حاولو تقنعون ازواجكم وان شالله ربي يفرجها عليكم ههههه
يالله وين بقايا الكروشاااات نبي نشاااااااااااط
بس لازم تستعجلين لان اذا تقدمت الشهور الوحده تثقل كثيير
مومعقوله وينننكم يالله افيدونا واكتبوا تجهيزاتكم خلونا نطلع من جو الحساب للولاده